2 Samuweli 12:9 - Emakhuwa Bible

⁹ Muramburenle heeni masu a Yave mpakaka yeeyo eri yoonanara vamaithoniwawe? Momwiiva Uriya, muHiti, ni ekatana ya awAmoni, munamukuxa mwaariye.

2 Samuweli 12:9 Iomraidhean Croise

2 Samuweli 11:4

Vano Davide aalamulela oruuhiwa. Betixeba aarowa wa yoowo ni Davide aamukonano. Eera amalihaleene vaanaanoru mwiikho wa asithiyana. Vahoolowaya aahokoleela owaani.

2 Samuweli 12:10

Mweenre mukiramburaka munkuxaka mwaariye Uriya, muHiti, vaatevanyu, khoomala owanawana.’

2 Samuweli 16:7

Anyoholaka hiihaale, Ximei aaheera: “Okivenyere va, okivenyere va, weyo mulopwana a ephome, muhuurei!”

1 Mamwene 15:5

Vano Davide aapaka yeeyo eri yooreera vamaithoni wa Yave, aniiwelela malamulo ootheene a Yave mahuku ootheene a okumaawe, ohikhanle paahi mwaha wa Uriya, muHiti.

1 Mamwene 21:19

Mwamuleele: ‘Yave oneera ha: ‘Moomwiiva mulopwana mukuxaka emattaawe.’ Vano mwamuleeletho: ‘Yave oneera ha: Vanipuroni alapwa alantaaya ephome ya Naboti, anoolatatho yawinyu – aani, ephomaanyu!’”

2 Nyaha 33:6

Mpakatho aahaahisa anamwanaawe asilopwana aapakaka yooveleela munreyareyani na oBeni-Hinomi; aapaka sookhwiri, aaheraka ihako ni macitta; aavarela muteko minepa, akohereraka minepa sa akhwiiye. Aapaka soonanara sincipale vamaithoni wa Yave, atannyaka isarasawe.

Icipo 51:14

Ii! Muluku, Nyuwo munkoopola, mukivuluxe mmathowani a ephome ni nluminaka nnoolaleiya ororomeleyawanyu.

Icipo 51:16

Mwaatthuna sooveleela hoye hoye sooveleela soohisa, saano kooruuhenleeneni.

Icipo 51:4

Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Icipo 90:8

Moosuwela sootakhalasahu ni sootthekasahu sa muxiirini munnoona ngwaarani wa okhalawanyu.

Masu a Miruku 14:2

Yoowo oneetta ngwookoleleyani ommoova Yave, vaheera yoowo ontthara iphiro soolokottheya onoomunyoosa.

Yesaya 5:24

Tivawo, mooteene yoowo malumi a mooro anghisaaya makayawaya ni munyepu woowuuma onghisiwaaya mmalumini a mooro, hiihotho mikwankhwaarisaya sinimuntta ni ithutusaya sinoovavihiwa ntoko ntthupi, niwoko awosa aakhootta Nlamulo na Yave ni aaramusa masu a Ootteela a aYixrayeli.

Yeremiya 18:10

ni wapaka soonanara vamaithoniwaka ohikiiwelelaka, vano kinoohiya onnene keeraaka kipakele.

Amosi 2:4

Yave oneera ha: “Niwoko na sootakhala sincipale seereiye oYuda, nkirwa kihiya ottaruxa. Vano aYuda aakhootta Nlamulo na Yave ni khayiiwelenle ikanosawe, niwoko aalokottheya ni miluku soowootha, mwa seiyo yaattharaaya makholowaaya.

1 Samuweli 15:19

Muhimwiiwelelenleni Yave? Mukuxenreni soohuhula mpakaka yoonanara vamaithoni wa Yave?”

1 Samuweli 15:23

Vano ovaanya ori ntoko yoottheka ya okhwiri ni ettiyamaaru ntoko yoottheka ya olapa miluku sikina. Mweenre mukhootta masu a Yave, Owo ohookhoottani okhala mwene.”

1 Samuweli 15:26

Wa soothesene, Samuweli aamweerela: “Nkinghokolowa ni nyuwo. Mookhootta masu a Yave ni Owo ohookhoottani okhala mwene a aYixrayeli!”