2 Samuweli 12:13 - Emakhuwa Bible

¹³ Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Samuweli 12:13 Iomraidhean Croise

Epacerero 39:9

Khawowo mutthu mukina a vaate va ookipwaha miyo. Sootheene kinlamula ti miyo woohiyani nyuwo paahi muri amwaaraya. Moota heeni miyo kineeraaka kipake etthweene yeeyo yoonanara kimutthekelaka Muluku?”

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

2 Samuweli 24:17

Davide amoonakaru ndyelo aaphwataka atthu, aamweerela Yave: “Kitthenke ti yoomi kipakaka yoonanara. Atthu ala ari ntoko ikhondoolo paahi. Kheewo apankaaya. Kithorihiwe miyo ni emusaaka.”

1 Mamwene 13:4

Vano Yerobowami iiwakaru yeeyo mulopwana a Muluku aakhuwelenlaawe altaari* oBeteli, aamuthoonya, analamulela: “Muntthuke!” Wa soothesene, moono aamuthoonyerannaawe waahuuma ohiwereyaka ohokoleela weerenlaaya.

1 Mamwene 21:20

Ahabi aamweerela Eliya: “Vano mookiphwanya, mwiittanaaka.” Eliya aamwaakhula: “Kohoophwanyani, niwoko mohiithumiha mpakaka yoonanara vamaithoni wa Yave.

1 Mamwene 22:8

Ahabi aamwaakhula: “Ookhala nlelo mprofeeti mukina ookwana omukohakoha mwaha wa otthuna wa Yave, mene miyo kinoomuthanya, niwoko khanakileele itthu sooreera; onkileela soonanararu. Owo oniitthaniwa Mikaya, mwaana mulopwana a Imela.” Yehoxafati aamwaakhula: “Amwene, muheere hiiho.”

2 Mamwene 1:9

Vano mwene aamurumiha mutokweene a anakhotto miloko mithanu vamoha ni anakhottwaawe omwaasa Eliya. Mutokweene ole aamphwannye Eliya akilaantheene vasulu nttumuxa, anamweerela: “Mulopwana a Muluku mwene onoolamulani: ‘Mukhuruwe!’”

1 Nyaha 21:8

Vano Davide aamweerela Muluku: “Kootthekaxa ni yeeyo kipankaaka. Vano miyo kinoodyoonttelelani weera mulevelele yoottheka ya murumeiyaanyu, niwoko kootepaxa opaka ya ololo.”

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 25:16

Vano owo uulumaka hiihaale, mwene aamukwituleliha: “Weeraka hiyo nohoothanlani okhala namalaka a mwene? Mmaale! Mmwiiveliweni?” Mprofeeti aamaala, mene aaheera: “Koosuwela weera Muluku oolakela ophwatiwawanyu, niwoko nyuwo moopaka sootheene iyo muhiiwelelaka olakawaka.”

Yobi 33:27

Vahoolowaya owo onrowa wa atthu, aneera: ‘Koottheka, kinapiritula yeeyo yaari yoowookoleleya, mene Owo khakivanghe yeeyo kaaphwanelaaka.

Icipo 103:12

Owo onnirakameliha sootthekasahu ntoko orakamelanawaya ninkhuma nsuwa ni ninkela nsuwa.

Icipo 51:16

Mwaatthuna sooveleela hoye hoye sooveleela soohisa, saano kooruuhenleeneni.

Icipo 51:4

Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Icipo 51:6

Koosuwela weera muntthuna woona ekhaikhai mpuwamwaka; munkixuttiha miruku mmurimanimwaka.

Okhuma 9:27

Vano Farawu* aarumiha wiitthaniwa Moisesi ni Aharoni aweerelaka: “Emaara ela koottheka. Yave ti oororomeleya ni miyo ni mulokwaaka nookhalano nthowa.

Masu a Miruku 25:12

Ohiiha onrweela mmirukuni wa yoowo onkhala oolikaneene wiiwa ori ntoko xiveeve a eyuuma yoorikaxa hoye hoye yoophwaneliha yooreeraxa.

Masu a Miruku 28:13

Yoowo oniipithiha sootthekasawe khasimweettela nnene, vaheera yoowo onlapa, anahiya omphwanya ikharari.

Yesaya 38:17

Vekhaikhai kaahaawela onnenaaka paahi. Moosivelanimwanyu mookokhorela mwa nlitti na ophwata. Moovonyera ottaiwanyu sootthekasaka sootheene.

Yesaya 43:24

Khamukithumenle etthu yoowunkhelaxa hata khamukivanghe makhura a sooveleelasanyu. Vaheera mukilemelihenre sootthekasanyu ni mukikhulumunle ni sootakhalasanyu.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Icipo Soolalamika 3:32

Naari Owo aruuhaka othanana, onimoonihera ikharari niwoko na osivelawawe otokotoko woohooceeleya.

Levitiku 20:10

Mulopwana araruwa ni mwaara a mukina – mwaara a mukhwaawe – ooweeli awosa yiiviweke.

Levitiku 24:17

Akhala mutthu aneera amwiive mukina, owo iiviweke.

Zakariya 3:4

Ndyelo aaweerela yaale yeemenle ohoolowawe: “Murule ikuwosawe soonanara.” Vano aamweerela Yoxuwa: “Moone, koovenxa sootthekasanyu ni kinoowarihani sa eneethi.”

Matheyo 14:10

Aalamula weera ahitiwe Yohaane mukaliposo.

Luuka 15:21

Mwaana aaweerela: ‘Tiithi, kootthekela wiirimu ni kohootthekelani nyuwo. Nkiphwanenle wiitthaniwa mwaninyu.’

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Miteko 2:37

Yiiwakaru yeeyo, awo yaahoopopiheya ni yaamukoha Pedru ni arummwa akina: “Axunna, nneereke hayi?”

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

1 Samuweli 15:20

Sawuli aamwaakhula: “Hoye, koomwiiwelela Yave. Kookwanihera muteko Yave aakirummaawe. Kohaaphwata awAmaleki ni koomuruuha mwenaaya Agagi.

1 Samuweli 15:30

Sawuli aamwaakhula: “Koottheka. Mene dyoontte, mukittittimihe vamaithoni wa asitokweene a mulokwaaka ni wa aYixrayeli; muhokolowe ni miyo weera kamulape Yave Mulukwaanyu.”