2 Samuweli 11:2 - Emakhuwa Bible

² Oxekuwa omoha Davide aavenya vakaamani, aneetteetta vataratoni ya empa ya mwene. Areene hiihaale vataratoni, aamoona muthiyana ooreeraxa arapaka.

2 Samuweli 11:2 Iomraidhean Croise

Epacerero 12:11

Ahaleelaka ophiya wExipitu, aamweerela mwaariye Sarai: “Miyo koosuwela weera nyuwo muthiyana ooreera.

Epacerero 3:6

Oonakaru muthiyana weera mwiri ole waalikana woosiva wa nlumi, woohaaweleya wa maitho ni, ohiya toko yeeyo, woomvorenghela murima weera aphwanye miruku, aarukula yoowiima ya mwiri ole, anaca, anamvaha iyawe ni owotho aahooca.

Epacerero 34:2

Vano, Xekhemi, mwaana a Hamori, muHivi, aalamula elapweene yeele, aamoona, anamvara ni ikuru, anamukoniha.

Epacerero 39:6

Owo aamuhiyera okosoopa Yoseefe sootheene aarinaawe, ni khaapwattharu etthu, ehikhanle yoocaawe. Yoseefe aari mulopwana ooyareya ni oophwaneliwa.

Epacerero 6:2

Vano, anamwane a Muluku yaahoona weera anamwane asithiyana a atthu yaari ooreera ni yaahiithanlela yaawo yaatthunaaya.

2 Samuweli 13:1

Eviraka ehuhu, Amenoni, mwaana mulopwana a Davide, aamusivela Tamari, murokoriye ooreeraxa a Abesalomi, munneiye a wuutiithini.

2 Samuweli 14:27

Abesalomi aakhalano anamwane asilopwana araru ni mwaana muthiyana mmoha. Vano nsinanawe mwaana muthiyana naari Tamari ni aari ooreeraxa.

2 Samuweli 4:5

Vanonto Rekabi ni Bahana, anamwane asilopwana a Rimoni, muBeheroti, yaavenya, erowaka wa empa ya Ixi-Boxeti, enaphiyawo ehuhu yoovihaxa nsuwa, owo eera iitthuuwaka othana.

2 Samuweli 4:7

Yaavolowa mpaani owo iixaatalenleene mukwaartunimwawe. Vahoolo woomuhoma ni woomwiiva, yaamuhitasa. Ekuxaka murwaawe, yaaheettano ohiyuweene yoowo eviraka wAraba.

Yobi 31:1

Kohiiwananano maithwaaka ohaaweha kaahaawelaka asimwali.

Icipo 119:37

Muhuluxe maithwaaka wa itthu soohimuteko; muthokorore okumaaka mmasunimwanyu.

Masu a Miruku 19:15

Oreesi onruuhela okonaxa, ni nooreesi omvoliwa etala.

Masu a Miruku 31:30

Ekhove yoovorenghela murima ti yoolokottha, ni ophwaneliwa ti woovira; vaheera muthiyana ommoova Yave onoottapaheriwa.

Masu a Miruku 6:25

Ohoovorenghele murima ophwaneliwawawe hata ohihapuxeye ni maweherowaawe,

Masu a Miruku 7:8

Owo aarweela mmuseweni vakhiviru wa muthiyana mmoha, akelaka owannyawe.

Yeremiya 19:13

Impa sa oYerusaleemu ni sa mamwene a oYuda sinooveihiwa ntoko nipuro nna na oTofeti – impa sootheene mwa seiyo itaratosaya yaahisenraaya erubani* ithenyeeri sa wiirimu ni yaayeehenraaya soowura miluku sikina.’ ”

Matheyo 10:27

Yeeyo kinooleelaakani mpiphini, muulume ni waara wa othana, ni masu anaapiwa mmaaruni, mulaleiye mmapathoni.

Matheyo 24:17

Yoowo aneera akhale vanipathoni na empaawe, ahikhuruwe weera akuxe etthu mpaani.

Matheyo 5:28

mene Miyo kinooleelani: akhalaru mutthu oningwehexexa muthiyana amuhaawelaka, ooraruwano mmurimanimwawe.

Miteko 10:9

Oxaawaya, nsuwa vamuru, awo yeettaka ni ekhuveelaka esidade, Pedru aawela osulu wa empa weera avekele.

Deuteronomiyo 22:8

Mwaatekaka empa enyowani, mutekelele mukhwipi wa nipatho weera muhiruuhele nthowa vaatewanyu wooyeeheya ephome akhala mukina anaamore vanipathoni.

Deuteronomiyo 5:21

Muhimwiinlele mwaara a mukhwiinyu. Muhiinlele vaate wa mukhwiinyu, hoye hoye emattaawe naari epottha elopwana hoye hoye ethiyana, naari emombaawe, hata buurwaawe, naari yakhalaru yawawe.

1 Pedru 4:7

Emalihero ya itthu sootheene yookhuveela. Tivawo, mukhale oowehaweha ni oowiisuumaaliha, weera muvekele.

1 Yohaane 2:16

Vano, sootheene siri mweelaponi, eyo tiiyo soohaawela sa erutthu, soohaawela sa maitho ni wiinlela mihakhu, khasinrweela wa Atiithi, mene wa elapo ya vathi.

1 Samuweli 9:25

Ekhurungweene vanttumuxani evolowaka musidade, Samuweli aahuuluma ni Sawuli vanipathoni na empaawe.