2 Samuweli 10:6 - Emakhuwa Bible

⁶ awAmoni, esuwelaka weera yaahiitothela manyaanya wa Davide, yaahaaliva anakhotto 20 000 awArami oBeti-Rehobi ni oZoba nitho mwene a oMahaka vamoha ni anakhotto macira muloko ni anakhotto 12 000 a oTobi.

2 Samuweli 10:6 Iomraidhean Croise

Epacerero 34:30

Yakobe aamweerela Simeyoni ni Leevi: “Nyuwosa mookiwayawayiha mukiruuhelaka osoondiwa ni aKanaani ni aPerizi, asimwaneene muumu. Hiyo nri vakhaani ni awosa yatakansa ikurusaya, ni yanirweela miyo ni amusaaka nniiphwatiwe.”

2 Samuweli 10:5

Iiwakaru yeeyo, Davide aahaarumihela anamitthenga weera yaaciceere asilopwana ale niwoko yaamuulihiheya muru. Mwene aaweerela: “Ngweherere oYeriko mpaka irerusanyu wunnuwa ni vahoolowaya muhokoleeleke owaani.”

2 Samuweli 10:7

Iiwakaru yeeyo, Davide aamulamulela Yowabe weera arowe ni anakhotto ootheene.

2 Samuweli 16:21

Ahitofeli aamwaakhula: “Mukoneno ikuxo sa atithinyu mwa seiyo ahiyenraaya oreherera empa ya mwene. Vano aYixrayeli ootheene anoosuwela weera mwiitothela manyaanya wa atithinyu ni ootheene ari ni nyuwo onoolipihaxa murima.”

2 Samuweli 23:34

Elifeleti, mwaana mulopwana a Ahasebai, mMahakati, Eliyami, mwaana mulopwana a Ahitofeli, muGiloni,

2 Samuweli 8:12

awEdomi, aMowabe, awAmoni, aFilisti ni awAmaleki. Aatteeliheratho soohuhula saakuxiwe wa Hadadezeri, mwaana mulopwana a Rehobi, mwene a oZoba.

2 Samuweli 8:3

Ohiyanawaya, Davide aamuwananotho Hadadezeri, mwaana mulopwana a Rehobi, mwene a oZoba, owo eereraawe okuxatho mweelaponi mukerekhere mooloko Efratesi.

2 Samuweli 8:5

Vano awArami a oDamasku yaarwiiyaaya omukhavihera Hadadezeri, mwene a oZoba, Davide aawiiva 22 000 a anakhottwaaya.

1 Mamwene 11:24

Davide aaphwanteene anakhotto a oZoba, Rezoni aahaathukumanyiha asilopwana akina akina, anathatuwa mutokweene a anamavaanya. Awosa yaarowa oDamasku, enakuxa, eniitekihawo.

2 Mamwene 7:6

Vanonto Yave aawiiwiha awArami yaakonenlaayawo oruma wa ikaaro sa ekhotto, ikavalu* ni anakhotto ancipale moota wooweera yaaheerelana: “Moone, mwene a oYixrayeli oomwiiwananano mwene a aHiti ni mwene a wExipitu weera eniwaneno!”

Icipo 48:4

Mamwene aawaandyeerera anakhottwaaya weera erowele vamoha esidade.

Okhuma 5:21

Ahooleli ale yaaweerela: “Yave oowehawehaseni ni oothorihaseni! Nyuwosa moonitothela manyaanya wa Farawu* ni arumeiyaawe mwa hiyo. Mohaavaha nthowa nooniivela.”

Masu a Miruku 25:8

muhitthimakihere omulattuni, niwoko mmwipakeni aahiwaakhulelani mukhwiinyu?

Yeremiya 40:8

Vano yaarowa mpaka wa Gedaliya, oMizepa – Yixmayeli, mwaana mulopwana a Netaniya, Yohanani ni Yonatani, anamwane asilopwana a Kareya, Seraya, mwaana mulopwana a Tanumeti, anamwane asilopwana a Efai, muNetofati ni Yaazaniya, mwaana mulopwana a mMaakahi, vamoha ni anakhottwaawe.

Yeremiya 46:21

Anakhotto anliviwa, mmiseranimwaya ankhala ntoko aximombe ooneneva. Awosatho anoorukunuwa, etthaweke vamoha; khayaakhiwa ankhalaayamo, niwoko nihuku na owiniwawaya nneera nikhuveelaka, ehuhu ya ottaruxiwawaya.

Deuteronomiyo 3:14

Yahiri, mmoha a ekhapira ya Manaxe, aakuxa elapo yootheene ya wAregobi mpaka omwiinanoni wa aGexuri ni aMahaakati. Elapo ele yaattehiwa nsinanaya moota wooweera mpaka olelo oBaxani oniitthaniwa Hawoti Yahiri.

Ahooleli 11:3

Hiiho Yefeta aahaatthawa axunneiye, aniitekiha elapo ya oTobi. Weiwe alavilavi akina yaathukumanano, enamutthara.

Ahooleli 11:5

ahooleli a oGiliyade yaamurowela Yefeta mweelaponi ya oTobi.

Ahooleli 18:28

Khaariwo oowaatapuxasa, niwoko yaakhalasa ottai wa aSidoni ni khayiiwananoru muloko mukina. Esidade yaari mureyareyani naapwaherera mpaka oBeti-Rehobi. aDani yaarasela esidade, eniitekihawo.

1 Samuweli 13:4

aYixrayeli ootheene yaahiiwa ihaali: “Sawuli ohaawanano aFilisti ni vano aYixrayeli aanitathela manyaanya wa aFilisti.” Vanonto, atthu yaahiitthaniwa weera ethukumane ni Sawuli oGiligali.

1 Samuweli 27:12

Akixi aamuroromela Davide iixuupuwelaka: “Owo ohiinanano mulokwaawe aYixrayeli, tivawo aneeraawe akhale murumeiyaaka wa mahuku ootheene.”