2 Pedru 3:10 - Emakhuwa Bible

¹⁰ Wa soothesene, nihuku na Apwiya nniwe ntoko namwiiya. Wiirimu onuulakaseye ni oruma otokotoko; itthu sa vathi nsiphwatiwe ni mooro, ni elapo ya vathi ni mitekosaya nsiruliwe.

2 Pedru 3:10 Iomraidhean Croise

Icipo 102:26

Awosa anooriheya, mene Nyuwo munoopwaherera okhala; ootheene animuuluvala ntoko ikuwo; munimwaaceendya ntoko ikuwo ni anoovonyeriwa okerekhere.

Icipo 46:6

Miloko soonyakuleleya; omwene onnamoramora; Muluku ookhuwela ni elapo ya vathi enootetereya.

Icipo 97:5

Nyaako sintothowa ntoko nnyoma vamaithoni wa Yave, ohoolo wa Yave a elapo ya vathi yootheene.

Yesaya 2:12

Yave a ikuru sootheene oothanla nihukunawe wa anamwiixoona ni anamwiikuxa ootheene – aani ootheene oovuwihiwa – ni awosa anooyevihiwa.

Yesaya 24:19

Elapo yoonyaanyiwa; etthaya yoophwatiwa, aani elapo yoottikinyiwa woomalela.

Yesaya 34:4

Ithenyeeri sa wiirimu sinoolakaseya ni irimu sinoovitikeya ntoko buukhu a khalayi; anakhotto ootheene a wiirimu anoomora ntoko makukhu oowuuma a evideira* ni a efiigu.

Yesaya 51:6

Ngwehe wiirimu ni moone elapo ya vathi; erimu enoolakaseya ntoko mwiixi ni elapo enoothaala ntoko ekuwo ni amakaaya animookhwa ntoko ikulihi. Vaheera ovuluxawaka onoopwaherera wa mahuku ootheene ni ororomeleyawaka khoorwaru wooceela.

Yoweli 1:15

Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Yoweli 2:1

Mwiipe nipalapatta oSiyoni! Aani, mukhuwele vamwaakwaaka Wootteela! Muthukumele amaki ootheene a mulaponi, niwoko nihuku na Yave nneera niphiyaka. Nookhuveela

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Yoweli 3:14

Atthu oohaalikeleya angweherera muNreyareyani na Olakela. Moone, nihuku na Yave nookhuveela muNreyareyani na Olakela.

Amosi 9:13

“Anoophiyera mahuku,” onghima Yave, “namahepha aneeraawe aphwanyiwe ni namattipura, ni namwaala aphwanyiwe ni namavotta iwuuva*. Enoottonya eviinyu enyowani mmanyaakoni ni enoopiluwa mmattumuxani moothemwene.

Amosi 9:5

Yave, Muluku a ikuru sootheene onoopaka yeeyo. Owo ontava etthaya ni eyo enootothowa; ootheene ankhalamo aniikhupanyera; Owo onnyakhuliha elapo yootheene ntoko Nilu, ni vahoolowaya onttattiha ntoko mooloko wa wExipitu.

Mikeyasi 1:4

Vathivawe, nyaako sintothowa ntoko nnyooma nreene vayikho, ni nyala sinookurukunduwela vathi ntoko maahi mancipale ekhuruwaka vamwaako.

Nahumi 1:5

Nyaako sintetereya ohoolowawe ni mattumuxa anootothowa. Elapo enimoopopiheya ohoolowawe ni ootheene arimo.

Malekiya 4:5

Moone, Miyo kinimoorumihelasani mprofeeti Eliya nihinaaye ophiyera nihuku ntokweene ni noowoopiha na Yave.

Matheyo 24:35

Wiirimu ni vathi onuuvire, mene maswaaka kheerwa eviratho.

Marku 13:31

Wiirimu ni vathi onuuvire; maswaakatho kheerwa evira.

Luuka 12:39

Tivawo, mwiiwexexe yeeyo: Muneene a empa aasuwenle ewoora heeni aneeraawe aphiye namwiiya, khaatthunihera weera yiiyiwe empa.

aRooma 8:20

Vano soopattuxiwa saapakiwe sa siiyo, khasihiyono niwoko na othanlawaya, mene niwoko na otthuna wa Muluku iikaathiyemo

1 aKorinto 1:8

Owo anoolipiheni mpaka ommaleloni, moota wooweera nyuwo mukhale oohootheriwa vanihukuni na Apwiyaahu Yeesu Kristu.

1 aKorinto 5:5

mumvaherere mulopwana owo wa Satana weera erutthwaawe ephwatiwe, ni muneepaawe ovuluxiwe nihuku na Apwiya.

2 aKorinto 1:14

ntoko nyuwo munniiwexexaanyu vakhaani, mmwiiwexexetho vancipale weera munoowera wiivuwiha niwoko na hiyo, hiiho ntoko hiyo nniivuwihe niwoko na nyuwo vanihukuni na Apwiya Yeesu.

1 aTesalonika 5:2

niwoko nyuwo asineenaanyu moosuwela nnenesene weera nihuku na Apwiya nnirwe ntoko namwiiya ohiyu.

1 aTesalonika 5:4

Nyuwotho, axunna, khamukhanle mpiphini; tivawo nihuku nno khanirwa nootutuxerani ntoko namwiiya.

2 Pedru 3:11

Woonaka weera sootheene nsiphwatiwe moota hiiho, ontthuneya weera nyuwo mweette ni mweettelo heeni? Mukhale ni murima wootteela ni murima wa omuluku,

2 Pedru 3:12

muwehereraka nihuku na Apwiya ni mwaakuvihaka orwawaya. Nihuku nenenenno wiirimu onuuhisiwe ni mooro, ni itthu sa vathi nsitothowe ni oviha.

2 Pedru 3:7

Ni masweene yaawo, wiirimu ni elapo ya vaanaano vaava ensungeriwa mooro, ethokororeliweene nihuku na othorihiwa ni na ophwatiwa wa atthu oonanara.

Yuda 1:6

Apwiya ahaatthuka mpiphini ni onyooro woohimala wa othorihiwa wa nihuku ntokweene andyelo yahaakosoompe mikhalelosaya sa ikuru, mene yaahiya nipuronaya.

Ethupululo 16:15

“Moone, kingwa ntoko namwiiya! Ooreelihiwa ti yoole ongwehaweha mmunepani, ni onthokorora ikuwosawe, weera aheette woohiwara, ni weera sihooniwe soowuulihasawe muru.”

Ethupululo 20:11

Vahoolowaya kaahoona ehice etokoko yootteela, ni Yoole aakilaathiye. Elapo ni erimu yaatthawa vahoolowawe, ni nipuronaya khaniphwanyiwetho.

Ethupululo 21:1

Vano kaahoona erimu enyowani, ni elapo enyowani, niwoko erimu ni elapo yoopacera yaavira, ni ephareiya yaahiya okhala.

Ethupululo 3:3

Vano, muupuwelele yeeyo mwaakhenlaanyu ni mwiiwalaanyu. Mwiiwelele ni murukunxe murima. Mwaahivenyatho, nkirwe ntoko namwiiya, ni nyuwo khamurwa musuwela ehuhu heeni kineeraaka kirwe wa nyuwo.

Ethupululo 6:14

Wiirimu waapindiwa ntoko elivuru yookhuniwa, ni nyaako ni icurumba sootheene saasusihiwa mmapuronimwaya.