2 Pedru 2:10 - Emakhuwa Bible

¹⁰ wootepaxa yaale antthara soohaawela soonanara sa erutthu ni anramusa ikuru. Ereene oowuuma murima ni oowiixoona, atthweene yaawo khaanoova oveiha ikhalelo sa wiirimu.

2 Pedru 2:10 Iomraidhean Croise

Epacerero 49:6

Nkintthuna ovolowa anthukumanaayawo! Kihiyeke weera kihikhale mpatta wa ediyanxaaya, niwoko musaranimwaya yaawiiva atthu ni yaahintaka mapita a imombe mwayiini.

2 Samuweli 20:1

Vanonto aakhalawo mulopwana mmoha ookukureya iitthaniwa Xeba, mwaana mulopwana a Bikeri, muBenyamini. Aahiipa nipalapatta akhuwelaka: “Khaninono mpatta wa Davide! Mwaana mulopwana a Yixai khannimpwattha! Khula muYixrayeli aroweke owaani!”

1 Mamwene 12:16

aYixrayeli ootheene yoonakaru weera mwene khaatthuna owiiwa, yaamwaakhula: “Kheewo enaattamme ni Davide, mwaana mulopwana a Yixai! Muroweke oheemaniwanyu aYixrayeli! Mwiipasoope vaatewanyu, ekhapira ya Davide!” Vano aYixrayeli yaarowa mmawannyaya.

Icipo 12:4

na yaawo aneera: “Nnoowina ni iyanosahu; ti sawihu – hiyo awani?”

Okhuma 22:28

Muhimveihe Muluku naari muhimulaphe muhooleli a mulokwaanyu.

Namalaleiya 10:20

Mmuupuwelonimwanyu muhimuruwane mwene! Hata mureene okwaartuniwanyu, muhaalapheru mathadyiri! Vano, onoowereya weera mwaapalame a wiirimu onookuxa maswaanyu, ni ikhalelo simvava sinoowera omwaramwaxa yeeyo nyuwo muneeraanyu muhime.

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Nuumeru 15:30

Vaheera yoowo onttheka mwayiini akhalaka neethi, hata namarwa onkhala ni nyuwo, onimuruwana Yave, ni amalamalihiweke eriyari ya mulokwaawe.

Luuka 11:25

Waaphiyaka, onoophwanya empa yookwesiwa ni yoorehereriwa.

Luuka 19:14

Arumeiyaawetho yaamuthanya, ni yaahaarumiha atthu oovaanela ottuliwawe yeeraka: ‘Khanintthuna weera mulopwana ola akhale mwenaahu.’

Miteko 23:5

Pawulo aawaakhula: “Axunna, nkaasuwenle weera owo ti mutokweenexa a asaserdoti*, niwoko yoolempwa: ‘Muhimuulumele yoonanara mutokweene a mulokwaanyu.’”

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

2 aKorinto 10:3

Naamwi nikhalaka ntoko atthu, khaningwana mweekhaleloni ya omutthu.

awEfeso 4:19

Atthweene yaawo, eriheiyeene soowuupuwela sa nnene, yaahiiveleela moohuureyani, epakaka ni ohiisuumaaliha murima mikhalelo sootheene sa ohitteela.

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

1 aTesalonika 4:7

niwoko Muluku khaniitthanenle ohitteela, mene otteelihiwa.

2 Timootheyo 3:2

Atthu eniikhale oowiipwattha, a milili, oowiikuxa, oowiixoona, ooveiha, oohiwiiwelela asinaangolo, oohitthapela, oohitteela,

Titu 1:7

Ontthuneya weera mutokweene onkosoopa* a Muluku akhale oohikhalano nthowa: oohiixoona, oohaakuva onyoonyiwa, oohihapaliwa, oohikhalano oruttu, hata oohiinlela mihakhu soohiloka.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

2 Pedru 3:3

Musuwele toko iya, weera wa mahuku oomalihera eniikhumelele anamaveiha, eveihaka ni ettharaka soohaawelasaya asineenaaya,

Yuda 1:10

Awo amveiha sootheene ahiniiwexexaaya ni anniriheya ni itthusene seiyo asuwenlaaya, ettharaka mikhalelo sa erutthu ntoko inama sihikhalanne soowuupuwela.

Yuda 1:16

Awo ari anamattaandawula ni ankhala oohihakalala, ettharaka soohaawelasaya soonanara; ari oowiixoona ni aniixeera ni akina, mene niwoko na opwatthawaya asineenaaya paahi.

Yuda 1:18

Awo yaaweerelani nyuwo: “Mahuku oomalihera, eniikhumelele anamaveiha eneera etthare soohaawelasaya sootakhala.”

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

1 Samuweli 10:27

Vaheera alavilavi akina yaaheera: “Anaanitapuxe hai mulopwana owo?” Yaamveihera ehimuruuhelaka samahala. Mene Sawuli aamaala.