2 Nyaha 9:9 - Emakhuwa Bible

⁹ Owo aamvaha mwene ikiilu* 4 200 sa eyuuma yoorikaxa ni itthu sooreerela sincipale ni maluku oowaaraxa. Khasinooniweru soosivasiva sooreeraxa ntoko pwiyamwene a oXeba aamvanghaawe mwene Salomoni.

2 Nyaha 9:9 Iomraidhean Croise

Epacerero 43:11

Atithaya, Yixrayeli, yaaweerela: “Hapo yoheereya hiiho, nneere ha: Muhele musaakhonimwanyu itthu soottittikala nraahuno mweelaponi ni mwamvahe mulopwaneene yoowo. Mukuxeke ebalsamu*, oravo, itthu sooreerela, emiira* ni mutteesa a epistasiyo* ni a emandoweira*.

1 Mamwene 10:10

Owo aamvaha mwene ikiilu* macira miloko mixexe sa eyuuma yoorikaxa, itthu sooreerela sincipale ni maluku oowaaraxa. Khasinaruuhiwetho itthu sooreerela sincipale ntoko seiye pwiyamwene a oXeba aamvanghaawe mwene Salomoni.

1 Mamwene 9:14

Vanonto Hirami aamurumihela mwene ikiilu* macira miloko mixexe sa eyuuma yoorikaxa.

2 Nyaha 9:1

Pwiyamwene a oXeba, asuwelaka epili ya Salomoni, aarowa oYerusaleemu weera amoote murima ni sookoha soorika. Aphiyakaruwo, ahooliweene ni anakhotto ancipale, ni ahaaci ekuxaleene soosivasiva, eyuuma yoorikaxa yincipale, ni maluku oowaaraxa, aarowa wa Salomoni, anamukohakoha sootheene uupuwelaawe.

2 Nyaha 9:10

Anamweettiha a makula matokotoko a Hirami ni a Salomoni yaaruuha eyuuma yoorikaxa ya wOfiri, mpakatho itthaabwa sa nyiri siitthaniwa yuniperu* ni maluku oowaaraxa.

2 Nyaha 9:24

Khula eyaakha, ootheene yaarowa wa Salomoni yannaruuha yoovaha: Ikaruma sa eparatha* ni sa eyuuma yoorikaxa, mikaandyo, ikapwitthi ni soosivasiva, ikavalu* ni abuuru.

2 Nyaha 9:8

Attottopeliwe Yave, Mulukwaanyu, owoonihenreni osivela otokotoko ni ookilaathihaleni vahiceni ya emwenaawe weera mulamule mwa Yave, Mulukwaanyu. Mulukwaanyu onaasivelaxa aYixarayeli ni onghaawela owuurela wa mahuku ootheene. Tivawo Owo ookhalinghaaweni mwene weera mpwahererihe ekhaikhai ni wookoleleya.”

Icipo 72:10

Mamwene a oTaresisi ni a iphareiya soorakamela anoomuruuhela soovaha ni hiihotho mapwiyamwene a oXeba ni a oSeba.

Icipo 72:15

Owo akhaleno okumi woowaatta! Eyuuma yoorikaxa ya oXeba avahiweke. Atthu emvekelele woohihiyerereya ni emureeliheke mahiku ootheene.

Okhuma 30:34

Vahoolowaya Yave aamweerela Moisesi: “Muthukumanye itthu sooreerela soowunkhelaxa sinttharelana: mattonyo a otothowa wa nnyoma, onika*, nnyoma na niphuwa niitthaniwa galabano, ni erubani* yooreeraxa – sootheene silikaneleke waattawaya.