2 Nyaha 5:12 - Emakhuwa Bible

¹² aLeevi ootheene yaari anacipo – Asafi, Hemani, Yedutuni vamoha ni anamwanaaya asilopwana ni amusaaya yaaheemela mpatta ninkhuma nsuwa wa altaari*, ewanreene ikuwo sootteettheya, yiipaka ikengere, amakita ni atthakare, ehooliwaka ni asaserdoti* ncira ni miloko miili yiipaka mapalapatta.

2 Nyaha 5:12 Iomraidhean Croise

1 Nyaha 13:8

Davide ni aYixrayeli ootheene, yaarowasa yiinaka ni yiipaka evihereyanxeene ohoolo wa Muluku, erumaka amakita, atthakare, ikoma, ikengere ni mapalapatta.

1 Nyaha 15:24

Asaserdoti* Xebaniya, Yoxafati, Netaneli, Amasai, Zakariya, Benaya ni Eliyezeri, waatthuneya wiipa mapalapatta ohoolo wa Arka* a Muluku. Obede-Edomi ni Yehiya waatthuneyatho okhala anamalipelela a milako ni waawehaweha Arka*.

1 Nyaha 15:27

Vano Davide aawara mukaandyo wa eliinyu* wootteettheya, ni hiihotho aLeevi ootheene yaateexa Arka*, anamwiipa nitho Kenaniya, mutokweene a anamwiipa. Davide aangwaratho mooxikotti a esaserdoti a eliinyu*.

1 Nyaha 23:30

Ohiya yeeyo, waatthuneya wiixoonihera khula oxeexelo ni oxekuwa weera etthapele ni emvuwihe Yave,

1 Nyaha 23:5

Vano macira miloko mixexe akina mutekwaaya okhaleke woolipelela milako, ni macira miloko mixexe akinatho emvuwiheke Yave ni ikaruma sa masoma, Davide aapankaawe ciireru.

1 Nyaha 6:33

Yaahoolelasa vamoha ni anamwanaaya asilopwana, ti ala: Eriyari ya aKowati: namwiipa Hemani, mwaana mulopwana a Yoweli, mwaana mulopwana a Samuweli,

1 Nyaha 6:39

Yoole aamurumeela moonowaawe mulopwana Hemani aakhala mmusaawe iitthaniwa Asafi, mwaana mulopwana a Berekiya, mwaana mulopwana a Ximeiya,

2 Nyaha 29:25

Mwene aahaathata aLeevi Mpaani mwa Yave ekuxaleene ikengere, amakita ni atthakare ntoko aalamulenlaawe Davide, Gadi, namoonihera* a mwene, ni mprofeeti Natani; yeeyo yaalamuleliwe ni Yave, mwa maprofeetaawe.

2 Nyaha 29:26

Hiiho, aLeevi yaaheemela oolikaneene ni ikaruma sa Davide, ni asaserdoti* ekuxaleene mapalapatta.

2 Nyaha 7:6

Asaserdoti* yaakhala mmapuronimwaya, mpakatho aLeevi, ekuxaleene ikaruma sa icipo sa Yave, yiipaka: “Osivelawawe khoommala.” Icipo saahooleliwe ni ikaruma Davide aapankaawe weera amutthapele Yave. Vano ohoolo wa aLeevi, asaserdoti* akina yiipa mapalapattaaya, muloko wootheene oreene yeemelelo.

Icipo 149:3

Awosa ettottopele Nsinanawe yiinaka; emmwiipele icipo ni oruma wa ekoma ni makita.

Icipo 50:1

Yave, Muluku ooweraxa, onuuluma alattulaka elapo ya vathi okhuma ninkhuma nsuwa mpaka ninkelaayawo.

Icipo 62:1

Mwa Muluku paahi okumaaka onimwiitthuuwa; ovuluxiwawaka onrweela wa Yoowo paahi.

Icipo 68:25

Anamwiipa a icipo anrowa muhoolo ni vahoolowaya anakaruma a icipo vamoha ni asimwali ewiipaka akarakaxa.

Icipo 88:1

Ii! Yave, Muluku onkivuluxa, ohiyu ni othana kinnakhuwela ohoolowanyu.

Icipo 92:3

ni oruma wa ekaruma ya ifiiyu muloko ni oratta wa makita.

Ethupululo 15:6

Yaakhuma wa Empa ya Muluku andyelo athanneeli yaarino soohooxa ithannapiili. Awo ewanreene mikaandyo sootteela ni soowaara, ni yaahiitthukela vakakasani ni ekuwo yoorikaxa.

Ethupululo 19:8

Aavahiwa ekuwo yootteettheya, yoowaara ni yootteela weera aware.” Ekuwo yootteettheya eri miteko sa ekhaikhai sa atthu ootteela.