2 Nyaha 34:8 - Emakhuwa Bible

⁸ Vayaakhani yanaamuloko niithannatthaaru ya olamulawawe, owo aamurumiha Xafani, mwaana mulopwana a Azaliya, ni Maaseiya, guvernadori a esidade, vamoha ni Yowa, mwaana mulopwana a Yowahazi, namawehaweha a empa ya emwene weera areherere Empa ya Yave Mulukwaawe, eerelaka otteeliha elapo ni Empa ya Yave.

2 Nyaha 34:8 Iomraidhean Croise

2 Samuweli 20:24

Adonirami aari mutokweene a miteko soonyesereriwa; Yehoxafati, mwaana mulopwana a Alihudi, aari mutokweene a ilivuru sa nyaha;

2 Samuweli 8:16

Yowabi, mwaana mulopwana a Zeruha, aari mutokweene a anakhotto ootheene a aYixrayeli ni Yehoxafati, mwaana mulopwana a Alihudi, aari mutokweene a ilivuru sa nyaha.

1 Nyaha 18:15

Yowabe, mwaana mulopwana a Zeruha, aari mutokweene a anakhotto; Yehoxafati, mwaana mulopwana a Ahilude, aari mutokweene a ilivuru sa nyaha.

2 Nyaha 18:25

Vano mwene a oYixrayeli aalamulela: “Munrumihe Mikaya weera ahokoleele wa Amoni, governadori a esidade ni wa Yowaxi, mwaana mulopwana a mwene,

2 Nyaha 24:12

Mwene ni Yehoyada yaawinnyerera eparatha* eyo asilopwana yaawehaweha miteko saatthuneya Mpaani mwa Yave. Awosa yaawiiwananano mapatarero ni makalipinteiru weera erasele Empa ya Muluku, ni yaavara muteko ni iyuuma ni ebronze* weera ereherere Eyo.

2 Nyaha 24:5

Owo aahaathukumanyiha asaserdoti* ni aLeevi, anaweerelasa: “Murowase musidadeni sa oYuda ni mwakuxase musoko wa khula eyaakha, oYixrayeli wootheene weera eraseliwe Empa ya Mulukwaanyu. Murowase vaanaano va!” Wa soothesene, aLeevi yaapisa orowa.

Yeremiya 21:1

Yeremiya aahaakhela masu a Yave mweehuhuni mwene Zedekiya aamurumihalaawe Paxuri, mwaana mulopwana a Malekiya ni musaserdoti* Zefaniya, mwaana mulopwana a Maaseya. Awosa yaamweerela:

Yeremiya 25:3

Mweehuhuni ya iyaakha miloko miili ni tthaaru masu a Yave yannakirweela – okhuma eyaakha yanaamuloko ni tthaaru ya olamula wa Yosiya, mwaana mulopwana a Amoni, mwene a oYuda, mpaka nihuku na olelo. Ni miyo kohuuluma ni nyuwo imaara soohaalikeleya, vaheera nyuwosa khamukiiwale.

Yeremiya 26:24

Vaheera Ahikami, mwaana mulopwana a Xafani aamukhapelela Yeremiya, ooceelihaka winnyereriwa wa muloko weera iiviwe.

Yeremiya 29:21

Yave a ikuru sootheene, Muluku a oYixrayeli oneera ha mwaha wa Ahabi, mwaana mulopwana a Kolaya ni wa Zedekiya, mwaana mulopwana a Maaseya, anoothaliherani nyuwo soowootha mwa Nsinanaka: “Miyo kinoowinnyererasa mmatatani mwa Nebukadenezari, mwene a oBabiloniya, ni owo onoowiiva, nyuwo moonaka.

Yeremiya 29:25

“Yave a ikuru sootheene, Muluku a oYixrayeli oneera: Nyuwo moorumiha ikaratta mwa nsinananyu wa muloko wootheene wa oYerusaleemu, Zefaniya, mwaana mulopwana a musaserdoti* Maaseya, ni wa asaserdoti* ootheene. Nyuwo mmweerenle ha Zefaniya:

Yeremiya 29:3

Owo aarumiha ekaratta amwinnyereraka Elasa mwaana mulopwana a Xafani, ni Gemariya, mwaana mulopwana a Hilikiya, mwa yaawo Zedekiya, mwene a oYuda, aarumihenlaawe wa Nebukadenezari, mwene a oBabiloniya. Vano ekaratta yeera ha:

Yeremiya 36:10

Baruki aasomela muloko wootheene masu a Yeremiya yaalempwale vanikwakhwalani. Owo aasoma Mpaani mwa Yave, musaala ya Gemariya, mwaana mulopwana a namalepa Xafani. Esaala yaari vanipuwani ntokweene, vamulako munyowani wa Empa ya Yave.

Yeremiya 39:14

yaalamulela okhumihiwa Yeremiya vanipuwani na anamalipelela, enamwinnyerera Gedaliya, mwaana mulopwana a Ahikami, mwaana mulopwana a Xafani, weera emuronghe owannyawe. Hiiho, Yeremiya aapwaherera okhala eriyari ya mulokwaawe.

Yeremiya 40:11

aYuda ootheene yaari oMowabe, wAmoni, wEdomi ni mulaponi sootheene sikina yaahiiwa weera mwene a oBabiloniya ohaahiya ahalahanle oYuda, ni weera aamuthanla Gedaliya, mwaana mulopwana a Ahikami, mwaana mulopwana a Xafani, okhala guvernadoraaya.

Ezekiyeli 8:11

Ohoolo wa seiyo yaakhala asitokweene miloko mithannamiili a muloko wa aYixrayeli ni Yaazaniya, mwaana mulopwana a Xafani, aari eriyaraayasa. Khula mutthu a yaawosa aarino enghiseriwa erubani* mmatatanimwawe, ni naakhumelelamo nihutte noowunkhelaxa.