2 Nyaha 34:5 - Emakhuwa Bible

⁵ Vahoolowaya aahisa makhuva a asaserdoti* valtaarini* awo; hiiho aatteeliha oYuda ni oYerusaleemu.

2 Nyaha 34:5 Iomraidhean Croise

1 Mamwene 13:2

Aahaakhuwelela altaari* mwa Nsina na Yave eeraka: “Ii! Altaari*, altaari! Yave oneera ha: ‘mwaana mulopwana aniitthaniwa Yosiya anaayariwe mukhapirani mwa Davide. Owo anaapake sooveleela sa asaserdoti* a miluku sikina, mwa yaawo anghisa erubani* va ni makhuva a atthu eniihiseriwe vasulu valtaarini* ala.’”

2 Mamwene 23:16

Vano Yosiya awehaka mukhwipi, aahoona mahiye yaari vanttumuxani. Aalamulela okhumihiwamo makhuva yaari mmahiyeni weera ehisiwe valtaarini*. Hiiho aananariha attharihaka masu a Yave yaahimmwale khalayi mwa mulopwana a Muluku sihinaaye itthusene seiye.

2 Mamwene 23:20

Yosiya aawiiva asaserdoti* ootheene a mattumuxa ootteeliheriwa ale, ahisakamo makhuva a atthu. Vahoolowaya aahokoleela oYerusaleemu.

2 Nyaha 34:33

Yosiya aavenxa miluku sootheene soothanyeya sa elapo yootheene ya oYixrayeli, anaanyesereriha ootheene yaari oYixrayeli omurumeela Yave, Mulukwaaya. Owo nlelo areene ni okumi, muloko khawaahiyale omutthara Yave, Muluku a makholowaaya.

2 Nyaha 34:7

ahaaphwata altaari* ni nyiri soothipeleliwa sa Axera, attikitthaka miluku mpaka othatuwa ntthupi, anaapwexakasa altaari* ootheene a erubani* mulaponi moothemwene mwa oYixrayeli. Hiiho, aahokoleela oYerusaleemu.

Yeremiya 3:10

Orookhalaru hiiho, axunnaya aYuda anamavariha, khaahokoleenle wa Miyo ni murima wootheene, mene ni woothereriha,” onghima Yave.

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Ezekiyeli 22:24

“Mwaana a mutthu, mweerele elapo ela: ‘Nyuwo ti etthaya ehitonkoru orupeliwa epula, hata nthokolapalaka vanihukuni na isara.’

Nuumeru 35:33

Muhivalihe elapo nyuwosa munkhalaanyu. Oyeeha ephome onghiiriha elapo, ni oreherereliweke wiiwanana ni Yave paahi yeereliwaka elapo eyeeheriwaayawo ephome mwa yeeyo namwiiva oyeenghaawe.