2 Nyaha 34:4 - Emakhuwa Bible

⁴ Ettharihiwaka malamulowaawe, yaaphwatiwa altaari* a aBahali*; ohiya yeeyo, owo aahaapwexakasa altaari* a erubani* yaakhala vasuluwaya. Aanyaanyatho anattikittha nyiri soothipeleliwa sa Axera, icaambulo soopatthiwa ni soohaniwa, anamwaraxela mmahiyeni a yaale yaapakenle sooveleela.

2 Nyaha 34:4 Iomraidhean Croise

1 Mamwene 13:2

Aahaakhuwelela altaari* mwa Nsina na Yave eeraka: “Ii! Altaari*, altaari! Yave oneera ha: ‘mwaana mulopwana aniitthaniwa Yosiya anaayariwe mukhapirani mwa Davide. Owo anaapake sooveleela sa asaserdoti* a miluku sikina, mwa yaawo anghisa erubani* va ni makhuva a atthu eniihiseriwe vasulu valtaarini* ala.’”

2 Nyaha 14:5

Aavenxa mapuro oolapa a mmattumuxani ni altaari* a erubani* musidadeni sootheene sa oYuda; hiiho omwene waakhala ni murettele moolamulanimwawe wootheene.

2 Nyaha 30:14

Awosa yaahaavenxa altaari* yaari oYerusaleemu, enaaphwata altaari* ootheene a erubani*, yaavonyeraka mureyareyani na oKidroni.

2 Nyaha 31:1

Emanleene efesta, aYixrayeli yaari ofestani yaakhumelasa musidadeni sa oYuda, enapwexakasa maluku ootteeliheriwa, enaphwata nyiri soothipeleliwa sa Axera. Awosa yaahaaphwata altaari* a miluku soowootha sa oYuda ni oBenyamini wootheene nitho wEfrayimi ni oManaxe. Ephwanteene sootheene, yaahokoleela musidadenimwaya, khula mutthu arowaka owannyawe.

2 Nyaha 33:22

Owo aapaka soonanara vamaithoni wa Yave, ntoko atithawe. Amoni aalapa, anapakela sooveleela miluku sootheene aapankaawe Manaxe.

2 Nyaha 33:3

Aarasela mapuro a miluku soowootha, aaphwantaawe Hezekiya atithawe, anaatekela altaari* aBahali*, anathipela nyiri soothipeleliwa sa Axera. Aakokhorela ithenyeeri sootheene sa wiirimu, analapa.

2 Nyaha 34:33

Yosiya aavenxa miluku sootheene soothanyeya sa elapo yootheene ya oYixrayeli, anaanyesereriha ootheene yaari oYixrayeli omurumeela Yave, Mulukwaaya. Owo nlelo areene ni okumi, muloko khawaahiyale omutthara Yave, Muluku a makholowaaya.

2 Nyaha 34:7

ahaaphwata altaari* ni nyiri soothipeleliwa sa Axera, attikitthaka miluku mpaka othatuwa ntthupi, anaapwexakasa altaari* ootheene a erubani* mulaponi moothemwene mwa oYixrayeli. Hiiho, aahokoleela oYerusaleemu.

Icipo 18:42

Kohaatatuxa ntthupi nimvavihiwa ni epheyo; kohaanyikalasa ntoko nttoko na munseweni.

Okhuma 23:24

Muhikokhorele ohoolo wa milukusaya, hata muhilape naari muhitakihe epakelowaaya. Mphwate miluku iyo ni mwaakankhaanyule amarimbwaaya ootteela.

Okhuma 32:20

Aamukuxa mwaamombe awosa yaampankaaya, anamuhisa. Vahoolowaya aamuxila mpaka oxileya, aahootowela mmaahini, aanyesererihaka aYixrayeli owura.

Okhuma 34:13

Ohiyanawaya, mwaaphwate altaaraaya, mwaapwexe amarimbwaaya ootteela ni mwathikile nyiri soothipeleliwa sa Axera.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Levitiku 26:30

Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani.

Mikeyasi 1:5

Sootheene iyo sineereela mwaha wa ovaanya wa Yakobe ni soottheka sa muloko wa oYixrayeli. Ovaanya heeni wa Yakobe? Weeraka khoohiyono oSamariya? Mapuro heeni a miluku sikina sa aYuda? Weeraka khoohiyono oYerusaleemu?

Deuteronomiyo 7:25

Muhise mmooroni icaambulo sa milukusaya. Muhihaawele iparathasaya naari iyuumasaya soorikaxa sihuruweliwaayano niwoko eyo eniyookhaleleni ntapha. Itthu iyo ti sa mwiikho wa Yave Mulukwaanyu.

Deuteronomiyo 7:5

Vano nyuwosa entthuneya opakela miloko iyo ti ela: Mwaaphwate altaaraaya, mwaapwexe amarimbwaaya ootteela, muuhe nyiri soothipeleliwa sa Axera ni mwahiseke mmooroni icaambulosaya sa miluku.

Deuteronomiyo 9:21

Vahoolowaya kaamukuxa mwaamombe a yootthekaanyu, kinamuhisa. Kaamuttikittha, anakareya mpaka othatuwa ntthupi, kinavonyera ntthupi nne mmoolokoni ophattungwe omwaako.