2 Nyaha 34:3 - Emakhuwa Bible

³ Vayaakhani yanaathannaararu ya olamulawawe, areene nlelo mmiravo, owo aapacera omwaasa Muluku a Davide, nikholonawe. Vayaakhani yanaamuloko ni piili aapacera otteeliha oYuda ni oYerusaleemu mapuro oolapa a miluku soowootha, nyiri soothipeleliwa sa Axera, icaambulo soopatthiwa, ni soohaniwa.

2 Nyaha 34:3 Iomraidhean Croise

1 Mamwene 13:2

Aahaakhuwelela altaari* mwa Nsina na Yave eeraka: “Ii! Altaari*, altaari! Yave oneera ha: ‘mwaana mulopwana aniitthaniwa Yosiya anaayariwe mukhapirani mwa Davide. Owo anaapake sooveleela sa asaserdoti* a miluku sikina, mwa yaawo anghisa erubani* va ni makhuva a atthu eniihiseriwe vasulu valtaarini* ala.’”

2 Mamwene 10:27

Yaaphwatasa nrimbu nootteeliheriwa Bahali*, enakurumula empa ya Bahali* ni mpaka olelo nipuro nne nipakiwe ecumbusi.

2 Mamwene 18:4

Aaphwata mmattumuxani ootteeliheriwa miluku sikina, anapwexa nluku nootteeliheriwa, anaamoroxa amarimbu a Axera. Aahintakasa enowa ya ebronze* Moisesi aapankaawe niwoko mpaka ehuhuweene yeele aYixrayeli yannakhovelela ohiserawo erubani*. Vano enowa ele yiitthaniwa Nehuxitani.

2 Mamwene 20:5

“Muhokolowe ni mwamuleele Hizekiya, muhooleli a mulokwaaka: ‘Yave, Muluku a atithinyu Davide oneera ha: Kohiiwa mavekelowaanyu ni kohoona maithoraanyu; kinimoolamihani. Eviraleene mahuku mararu munoorowa Mpaani mwa Yave.

2 Mamwene 23:14

Yosiya aapwexa maluku ootteeliheriwa, anaaphwata amarimbu a Axera, anakhuneela mapuro ale ni makhuva a atthu.

2 Mamwene 23:4

Mwene aamulamulela Hilikiya, mutokweene a asaserdoti* ni musaserdoti* mukina vamoha ni anamalipelela a mulako weera ekhumihe Mpaani mwa Yave ikaruma sootheene saapakeliwe Bahali*, Axera ni ithenyeeri sa wiirimu. Aahisa iye okerekhere wa oYerusaleemu, vanreyareyani na oKideroni, anarongha ettuura oBeteli.

1 Nyaha 22:5

Davide uupuwela ha: Mwanaka mulopwana Salomoni ori mmirawo ohixuttihingwe nnenesene. Vano Empa aneeraawe atekeliwe Yave ontthuneya okhala yootikhiniheyaxa, ya epili etokotoko ni yoowaaraxa vamaithoni wa miloko sootheene. Tivawo kineeraaka kihiye sootheene soorehereriwasene kihinaaye okhwa.”

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:1

Vano mwene Davide aaheerela muthukumano wootheene: “Muluku omuthanlale mwanaka mulopwana Salomoni, vaheera owo ori mmiravo, ni khaxuttihiwe nnenesene. Muteko ori mutokotokoxa, niwoko Empa etokotoko eyo kheetekeliwa atthu, mene wa Yave, Mulukwaahu.

2 Nyaha 14:6

Aaraselatho oYuda isidade soolipihiwa, niwoko yaari ehuhu ya murettele. Khaawo yaangwananne mweehuhuni ya iyaakha iye, niwoko Yave aamwiitthuuwiha.

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 30:14

Awosa yaahaavenxa altaari* yaari oYerusaleemu, enaaphwata altaari* ootheene a erubani*, yaavonyeraka mureyareyani na oKidroni.

2 Nyaha 33:15

Manaxe aakhumiha Mpaani mwa Yave miluku sa anamarwa ni icaambulo iikaathiyaawemo, mpakatho altaari* ootheene a miluku soowootha aatenkaawe vanttumuxani na Empa ya Yave ni oYerusaleemu; aavonyera okerekhere wa esidade.

2 Nyaha 33:17

Wa soothesene, muloko waapwaherera opakela sooveleela mwaltaarini a mmattumuxani, mene paahi wa Yave, Mulukwaaya.

2 Nyaha 33:22

Owo aapaka soonanara vamaithoni wa Yave, ntoko atithawe. Amoni aalapa, anapakela sooveleela miluku sootheene aapankaawe Manaxe.

2 Nyaha 34:33

Yosiya aavenxa miluku sootheene soothanyeya sa elapo yootheene ya oYixrayeli, anaanyesereriha ootheene yaari oYixrayeli omurumeela Yave, Mulukwaaya. Owo nlelo areene ni okumi, muloko khawaahiyale omutthara Yave, Muluku a makholowaaya.

Icipo 119:9

Mmiravo anaawere hai weetta mphironi mootteela? Onoowera iiwelelaka maswaanyu.

Icipo 71:5

Ii! Yave onlamula sootheene, Nyuwo muri owehererawaka, ororomelawaka okhuma enamwanaaka.

Okhuma 34:13

Ohiyanawaya, mwaaphwate altaaraaya, mwaapwexe amarimbwaaya ootteela ni mwathikile nyiri soothipeleliwa sa Axera.

Masu a Miruku 20:11

Mpaka mwaana onsuweliwa ni ipakelosawe – mweettelowaawe onimoonihera owo akhala oowookoleleya ni oororomeleya.

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Namalaleiya 12:1

Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Levitiku 26:30

Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani.

Mikeyasi 1:5

Sootheene iyo sineereela mwaha wa ovaanya wa Yakobe ni soottheka sa muloko wa oYixrayeli. Ovaanya heeni wa Yakobe? Weeraka khoohiyono oSamariya? Mapuro heeni a miluku sikina sa aYuda? Weeraka khoohiyono oYerusaleemu?

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.