2 Nyaha 34:13 - Emakhuwa Bible

¹³ yaawehaweha anamiteko, yaawehawehaka yaawo mmitekoni sootheene. aLeevi akina yaari anamalepa, asitokweene, ni anamalipelela a milako.

2 Nyaha 34:13 Iomraidhean Croise

2 Mamwene 7:10

Vano yaarowa, enawiitthana anamalipelela a mulako wa esidade eweerelaka: “Naavolowa yaakonenlaayawo awArami ni khaniiwale naari khaawo nimoonnaahu. Saariwo paahi ikavalu* ni abuuru ootthukiweene ni iheema soohiiwa.

1 Nyaha 15:18

vamoha ni yaawosa, amusaaya yaari mukuttula wanaaveeli: Zakariya, Yaaziyeli, Xemiramoti, Yehiyeli, Uni, Eliyabe, Benaya, Maaseya, Matitiya, Elifelehu, Mikeneya, Obede-Edomi ni Yeiyeli yaari anamalipelela a milako.

1 Nyaha 16:38

vamoha ni Obede-Edomi ni miloko mithanamosa ni athannararu akina. Vano Obede-Edomi, mwaana mulopwana a Yedutuni ni Hosa yaari anamalipelela a milako.

1 Nyaha 16:42

Hemani ni Yedutuni, mutekwaaya waari wiipa wa mapalapatta, ikengere ni ikaruma sikina soomwiipela Yave. Anamwane asilopwana a Yedutuni yaathanliwe okhala anamalipelela a milako.

1 Nyaha 9:17

Anamalipelela a milako: Xalumi, aari mutokweene, Akube, Talmoni, Ahimani ni axunnaya mwa yaawo ari mpaka olelo

2 Nyaha 19:11

Mutokweene a asaserdoti* Amariya onookhala ni nyuwo weera alakele wakhalaru mulattu onghima sa Yave, ni Zebadiya, mwaana mulopwana a Yixmayeli, muhooleli a epuumba ya Yuda, onookhala ni nyuwosa weera alakele wakhalaru mulattu onghima sa mwene. aLeevi animookhaviherani mwa sootheene iyo. Mukwanihereke sootthuneyasanyu moolipihani murima. Yave akhale ni yaawo ampaka nnene.”

2 Nyaha 2:10

Vano miyo kinimwaavaha yooca arumeiyaanyu anakhuuni, itonelade* 3 600 sa etrigu, itonelade* 3 600 sa esevada*, iliitru* 440 000 sa eviinyu ni iliitru* 440 000 sa makhura.”

2 Nyaha 2:18

Owo aahaathanla 70 000 a yaawo ntoko anamateexa, 80 000 ntoko anamapwexa a maluku mmattumuxani, ni anamawehaweha a muteko 3 600 weera eweheke muloko ovaraka muteko.

2 Nyaha 8:10

Yaaritho asitokweenexa a mwene Salomoni – macira meeli ni miloko mithanu yaawehaweha anamiteko.

2 Nyaha 8:14

Aakawanyiha mikuttula sa asaserdoti* wa mitekosaya, ni aLeevi weera ehoolele icipo ni yaakhavihere asaserdoti*, attharihaka ekano ya atithawe, ni seiyo saatthuneya wa khula nihuku. Aahaathanlatho mikuttula mikuttula anamalipelela a milako soohiyanahiyana, attharihaka seiyo aalamulenlaawe Davide, mulopwana a Muluku.

Nehemiya 4:10

Eyo eri hiiho, atthu a oYuda yaaheera: “Anamateka aakhulumuwa nitho sootepa ittuxo moota wooweera yoohiru khaningwera orasela exiri.”

Yeremiya 8:8

Mungwera hayi weera: “Hiyo asuweli niwoko nookhalano Nlamulo na Yave,” mene vekhaikhai sireene paahi soowootha sa anamalepa atatunxaaya?

Matheyo 26:3

Wa ehuhuweene yeele, ahooleli a asaserdoti* ni asitokweene a muloko yaathukumana empa etotoko ya mutokweenexa a asaserdoti*, nsinanawe iitthaniwa Kayafasi,