2 Nyaha 33:7 - Emakhuwa Bible

⁷ Owo aakuxa ecaambulo yoopatthiwa, aniikaathi Mpaani mwa Yave, mwa mwemmo Muluku aamweerenlaawe Davide ni mwaniye Salomoni: “Mpaani mwa Yave ela ni oYerusaleemu, kithanlalaaka eriyari ya ipuumba sootheene sa aYixrayeli, kinoohelamo Nsinanaka wa mahuku ootheene.

2 Nyaha 33:7 Iomraidhean Croise

1 Mamwene 11:13

Hata hiiho, nkirwa kaakha omwenaawe wootheene. Kinoomuhiyera epuumba emoha niwoko na omusivela Davide murumeiyaaka ni oYerusaleemu, esidade kithanlalaaka.”

1 Mamwene 11:32

Vaheera niwoko na omusivela murumeiyaaka Davide ni esidade ya oYerusaleemu mwa yeeyo kithanlalaaka variyari wa ipuumba sootheene sa aYixrayeli, Salomoni onoohalano epuumba emoha.

1 Mamwene 12:28

Iilankeene, mwene aahaapaka aximombe eeli a eyuuma yoorikaxa. Owo aaweerela atthu: “Nyuwosa khamureere weetta oYerusaleemu. Siri va milukusanyu, aYixrayeli, mwa seiye sookhumihaleni wExipitu.”

1 Mamwene 8:29

Ngwehe Empa ela ohiyu ni othana, niwoko nri nipuro nyuwo mweenraanyu: ‘Nsinanaka nnookhalamo.’ Mahuku ootheene mwiiweke mavekelowaaka ankhuma mu.

1 Mamwene 8:44

Mulokwaanyu warowa waawanano amwiittanaaya yakhalaru mapuro muntthunaanyu weera orowe ni woovekelani Nyuwo ohokoleela esidade ela muthanlalaanyu ni wa Empa ya Yave kitekenlaaka Nsinananyu,

1 Mamwene 8:48

Awosa yoohokoleelani Nyuwo ni mirimasaya ni okumaaya wootheene mweelaponi ya amwiittanaaya, mwa yaawo yaakunxe ootthukiweene, ni yoovekelani Nyuwo ohokoleela elapo ela mwaavanghaanyu makholowaaya ni wa esidade muthanlalaanyu ni Empa ya Yave kitekenlaaka Nsinananyu,

1 Mamwene 9:3

Yave aamweerela: Kohiiwa nivekelo ni odyoonttelelawanyu muvekenlaanyu vamaithoniwaka; kootteeliha Empa ya Yave ela mwa yeeyo mutenkaanyu weera mwemmo nimakemo Nsinanaka mahuku ootheene. Maithwaaka ni murimaaka onookhalamo wa mahuku ootheene.

2 Mamwene 23:6

Aakhumihatho Mpaani mwa Yave nrimbu na Axera anarongha vanreyareyani na oKideroni mukerekhere oYerusaleemu, anahisawo. Naathatuwa ettuura yaamwaraxeliwe omahiyeni a muloko.

2 Nyaha 33:15

Manaxe aakhumiha Mpaani mwa Yave miluku sa anamarwa ni icaambulo iikaathiyaawemo, mpakatho altaari* ootheene a miluku soowootha aatenkaawe vanttumuxani na Empa ya Yave ni oYerusaleemu; aavonyera okerekhere wa esidade.

2 Nyaha 33:4

Aahaateka altaari* Mpaani mwa Yave, mwa mwemmo Yave eenraawe: “Nsinanaka nnoopwaherera wa mahuku ootheene oYerusaleemu.”

2 Nyaha 6:5

‘Okhuma nihuku kikhumihalaaka wExipitu mulokwaaka, nkithanlaleru esidade ya ipuumba sa aYixrayeli weera kitekemo Empa ya Muluku wa Nsinanaka, hata khaawo kaamuthanlalaaka weera akhale muhooleli a aYixrayeli, mulokwaaka.

2 Nyaha 6:6

Vaheera vano kithanlale oYerusaleemu weera nikhalewo Nsinanaka, kinamuthanla Davide weera aalamule aYixrayeli, mulokwaaka.’

2 Nyaha 7:16

Koothanla ni kootteeliha Empa ya Muluku ela, weera Nsinanaka nikhalemo mahuku ootheene. Maithwaaka ni murimaaka onookhalamo mahuku ootheene.

Icipo 78:68

Ohiyanawaya aathanlale epuumba ya Yuda ni mwaako oSiyoni, mwa yoowo aasivenlaawe.

Okhuma 20:4

Muhiipakele ecaambulo ya miluku sikina mulikanxeraka yakhalaru etthu eri wiirimu hoye hoye vathi, naari mmaahini.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Ahooleli 17:3

Owo aahokoloxerakaru amayawe ixekeli* 11 000 sa eparatha*, ale yaaheera: “Miyo kinoomutteelihera Yave eparathaaka* weera mwanaka apake ecaambulo yoohaniwa nitho muluku a eyuuma. Miyo kinoohokoloxera weyo.”