2 Nyaha 33:3 - Emakhuwa Bible

³ Aarasela mapuro a miluku soowootha, aaphwantaawe Hezekiya atithawe, anaatekela altaari* aBahali*, anathipela nyiri soothipeleliwa sa Axera. Aakokhorela ithenyeeri sootheene sa wiirimu, analapa.

2 Nyaha 33:3 Iomraidhean Croise

1 Mamwene 14:23

Yaahiipakelatho mapuro ootteela a miluku sikina mmattumuxani; maluku ootteeliheriwa ni nyiri soothipeleliwa Axera, mmapuroni moothemwene a nyiri soopombaxa.

2 Mamwene 18:4

Aaphwata mmattumuxani ootteeliheriwa miluku sikina, anapwexa nluku nootteeliheriwa, anaamoroxa amarimbu a Axera. Aahintakasa enowa ya ebronze* Moisesi aapankaawe niwoko mpaka ehuhuweene yeele aYixrayeli yannakhovelela ohiserawo erubani*. Vano enowa ele yiitthaniwa Nehuxitani.

2 Mamwene 21:3

Aatekatho mattumuxa ootteeliheriwa miluku sikina atithawe Hizekiya yaaphwantaaya; aamutekela altaari* Bahali* ni nrimbu nooteeliheriwa Axera, ntoko Ahabi, mwene a oYixrayeli aapankaawe. Aakokhorela ithenyeeri sootheene sa wiirimu, analapa.

2 Mamwene 23:11

Aaphwata ikavalu* vamulako wa Empa ya Yave mamwene a oYuda yaatteelihenraaya nsuwa. Saari vanipuwani vakhiviru wa ekwartu ya murumeiyi iitthaniwa Natani-Meleki. Vahoolowaya Yosiya aahisa ikaaro sa ikavalu* saatteeliheriwe nsuwa.

2 Mamwene 23:4

Mwene aamulamulela Hilikiya, mutokweene a asaserdoti* ni musaserdoti* mukina vamoha ni anamalipelela a mulako weera ekhumihe Mpaani mwa Yave ikaruma sootheene saapakeliwe Bahali*, Axera ni ithenyeeri sa wiirimu. Aahisa iye okerekhere wa oYerusaleemu, vanreyareyani na oKideroni, anarongha ettuura oBeteli.

2 Nyaha 28:24

Ahazi aathukumanyiha ikaruma sa Mpaani mwa Muluku, anakhumihamo. Aawala milako sa Empa ya Yave, anaateka altaari* mmattuumbani moothemwene a oYerusaleemu.

2 Nyaha 30:14

Awosa yaahaavenxa altaari* yaari oYerusaleemu, enaaphwata altaari* ootheene a erubani*, yaavonyeraka mureyareyani na oKidroni.

2 Nyaha 31:1

Emanleene efesta, aYixrayeli yaari ofestani yaakhumelasa musidadeni sa oYuda, enapwexakasa maluku ootteeliheriwa, enaphwata nyiri soothipeleliwa sa Axera. Awosa yaahaaphwata altaari* a miluku soowootha sa oYuda ni oBenyamini wootheene nitho wEfrayimi ni oManaxe. Ephwanteene sootheene, yaahokoleela musidadenimwaya, khula mutthu arowaka owannyawe.

2 Nyaha 32:12

Vano khahiyono Hezekiya muneenaawe aavenxale altaari* a miluku iyo, aweerelaka aYuda ni aYerusaleemu: ‘Nyuwosa mulapeke valtaarini* amoharu paahi ni muhiserekewo erubani’?

2 Nyaha 33:15

Manaxe aakhumiha Mpaani mwa Yave miluku sa anamarwa ni icaambulo iikaathiyaawemo, mpakatho altaari* ootheene a miluku soowootha aatenkaawe vanttumuxani na Empa ya Yave ni oYerusaleemu; aavonyera okerekhere wa esidade.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 34:25

Yeenre ekihiya, enahisera erubani* miluku sikina, etannyaka isarasaka mwa miluku sootheene sipakiwe ni matataaya, isarasaka sinoopattela nipuro nna ni khasicipihiwaru.’

Okhuma 34:13

Ohiyanawaya, mwaaphwate altaaraaya, mwaapwexe amarimbwaaya ootteela ni mwathikile nyiri soothipeleliwa sa Axera.

Namalaleiya 2:19

Vano taani anaasuwele weera owo onookhala musuweli hoye hoye mulolo? Wa soothesene, onoolamula sootheene kipankaaka mmutekonimwaka ni mmirukunimwaka mulaponimu. Eyotho kheentaphulelaru etthu.

Namalaleiya 9:18

Miruku ti sooreera opwaha ikapwitthi sa ekhottho, vaheera namattheka mmoha paahi omphwata itthu sooreera sincipale.

Yeremiya 17:2

Mpakatho anamwanaaya angwuupuwelela altaaraaya* ni nyirisaya soothipeleliwa sa Axera mukerekhere nyiri soopombaxa, mmattumuxani oorakamela,

Yeremiya 19:13

Impa sa oYerusaleemu ni sa mamwene a oYuda sinooveihiwa ntoko nipuro nna na oTofeti – impa sootheene mwa seiyo itaratosaya yaahisenraaya erubani* ithenyeeri sa wiirimu ni yaayeehenraaya soowura miluku sikina.’ ”

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Miteko 7:42

Mulukutho aasusa wa yaawo ni aahaaveleela olapela ithenyeeri sa wiirimu ntoko elempwalaaya mulivuruni ya maprofeeti: ‘aYixrayeli, apaale mwaaruuhela soovaha ni sooveleela wa Miyo wa iyaakha miloko mixexe munikareni?

Deuteronomiyo 16:21

Muheemexeru mwiri wootteeliheriwa Axera mukhwipi mwa altaari* muneeraanyu muntekele Yave Mulukwaanyu,

Deuteronomiyo 17:3

ahiiwelelaka malamulowaaka niwoko na olapa ni wuuramela miluku sikina hoye hoye nsuwa, mweeri naari ithenyeeri sa wiirimu,

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.