2 Nyaha 32:30 - Emakhuwa Bible

³⁰ Ti Hezekiya aalamulenle owaliwa ehime ya oGihoni, mpatta wa osulu, weera avirihe maahi vathi vathi, erowaka mpatta wa ninkela nsuwa wa esidade ya Davide. Hezekiya saamweettela nnenesene sootheene aapakaawe.

2 Nyaha 32:30 Iomraidhean Croise

1 Mamwene 1:33

Davide aaweerela: “Mwaaroweno arumeiyi a apwiyaanyu ni mungwelihe mwanaka Salomoni vabuuruniwaka ni munronghe oGihoni.

1 Mamwene 1:38

Vano Zadoki, musaserdoti*, Natani, mprofeeti, Benaiya, mwaana mulopwana a Yehoyada, aKereti ni aPeleti yaarowa, enangweliha Salomoni vabuuruni a mwene Davide, enamuhoola mpaka oGihoni.

1 Mamwene 1:45

ni Zadoki, musaserdoti*, Natani, mprofeeti oomuttikitthela okhala mwene a oGihoni. Okhuma weiwo yaarowa ehakalalaka ni esidade enyakuleleyaka. Onyakulawene ti weiwo muniiwaanyu.

2 Mamwene 20:20

Vano, mwaha wa sookhumelela sikina sa olamula wa Hizekiya – sootheene aapankaawe ni moota aathimpaawe nratta ni yiikalaande yaaviraayamo maahi erowaka musidade – oolempwale mulivuruni ya nyaha sa mamwene a oYuda.

2 Nyaha 26:5

Owo aamwaasa Muluku mweehuhuni ya okumi wa Zakariya, mwa yoowo aamuhusihale moomoovani Muluku. Mweehuhuni yootheene Uziya aamwaasaawe Yave, Muluku aamweettiherela nnene.

2 Nyaha 32:3

aahaakoherera asitokweenaawe ni asitokweene a anakhotto, moota woottiya yaaviraayamo maahi a anaattuuttu a mpatta wa okerekhere wa esidade; ni awosa yaahaakhulela.

2 Nyaha 32:4

Hiiho yaathukumana asilopwana ancipale, enaawalasa anaattuuttu ootheene ni nxaapwa nivinre mulaponi. Awosa yeera: “Nnaahiyere heeni mamwene a wAsiriya ewaaka ni ephwanyaka maahi ootheene ala?”

2 Nyaha 33:14

Vahoolo wa yeeyo, owo aarasela anaandyeerera exiri ya omokoni wa esidade ya Davide, mpatta ninkela nsuwa wa naattuuttu a oGihoni munreyareyani, mpaka vamulako wa Ihopa, muxerexere wa nttumuxa na wOfeli. Aawiikaathitho asitokweene a anakhotto musidadeni soolipihiwa sootheene sa oYuda.