2 Nyaha 30:9 - Emakhuwa Bible

⁹ Nyuwosa mwahokoleela wa Yave, yaawo yaavanre axunninyu ni anamwaniinyu, animwaamorelasa ikharari, ni awosa anoohokoleela elapo ela, niwoko Yave, Mulukwaanyu, ti ooreera murima, ni oosareya ikharari. Owo khookhoottani nyuwosa mwahokoleelasa wa Yoowo.”

2 Nyaha 30:9 Iomraidhean Croise

1 Mamwene 8:50

Mulevelele mulokwaanyu wootthekenleni; mulevelele soonanara sootheene woopakenlaayani ni muceendye mirima sa amwiittanaaya weera emorele ikharari.

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 7:14

vano mulokwaaka oniitthaneliwa Nsinanaka, wiiyeviha, onavekela, onaasaasa ekhovaaka, ni wasusa mphironimwaya moonanara, kiri wiirimu kinimwiiwa, kileveleleke yootthekaaya ni kilamiheke elapwaaya.

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Nehemiya 9:31

Wa soothesene, mukhararinimwanyu sitokotoko khamwaaphwante naari khamwaahingye, niwoko Nyuwo ti Muluku oosareya mahala ni ikharari.

Icipo 106:46

Aapakiha weera anamawinaaya yaamorele ikharari.

Icipo 111:4

Owo khannihiya nittiwalaka sootikinihasawe; Yave ti a ikharari ni a murima wooreera.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Masu a Miruku 28:13

Yoowo oniipithiha sootthekasawe khasimweettela nnene, vaheera yoowo onlapa, anahiya omphwanya ikharari.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 18:17

Kinimwaamwaraxa ohoolo wa amwiittanaaya epheyo enrweela mpatta wa ninkhuma nsuwa. Kinimwaarera ettuli nkinaaweha vanihukuni na owiniwawaya.”

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Deuteronomiyo 30:1

Yoorweelakani mareeliho ni malapho ootheene koothalihenraakani ni enoophwanyaniwo weiwo Yave Mulukwaanyu aneeraawe oomwaraxeleniwo eriyari ya miloko,

Deuteronomiyo 4:31

Vano Yave Mulukwaanyu ti Muluku a ikharari. Owo khoohiyasani hata khoophwatasani naari khattiwala wiiraana aapakenlaawe makholowaanyu ni nlipelo.