2 Nyaha 30:6 - Emakhuwa Bible

⁶ Munlamuloni na mwene, anamitthenga yaaviravira oYixrayeli ni oYuda wootheene, ekuxaleene ikaratta soottittiwa ni mwene nitho asitokweenaawe, ni mutthenga ola: “aYixrayeli, muhokoleele wa Yave, Muluku a Abrahaamu, Isaki ni Yixrayeli, weera Owo ahokoleele wa nyuwosa muhanle ni moopongwe mmatatani mwa mwene a wAsiriya.

2 Nyaha 30:6 Iomraidhean Croise

1 Mamwene 18:36

Mweehuhuni ya yooveleela mprofeeti Eliya aaheemela, anavekela ohoolo wa altaari*: “Ii! Yave, Muluku a Abrahaamu, Isaki ni Yakobe, ootheene olelo esuwelihiweke weera Nyuwo muri Muluku a oYixrayeli ni weera miyo ti murumeiyaanyu kimpaka sootthene iya niwoko na nlamulonanyu.

2 Mamwene 15:19

Vano Puli, mwene a wAsiriya, aavolowa mweelaponi ni Menahemi aamvaha italentu* macira muloko sa eparatha* weera amukhavihere ni weera aamutthunihere opwaherera olamula oYixrayeli.

2 Mamwene 15:29

Mweehuhuni ya olamula wa Peka, mwene a oYixrayeli, Tigelati-Pileseri, mwene a wAsiriya, aavolowa, anakuxa wIyoni, wAbeli-Beti-Mahaka, oYanowa, oKedexi ni oHazori. Aakuxatho oGiliyadi ni oGalileya vamoha ni elapo yootheene ya oNafitali, anaavara atthu aaronghaka wAsiriya.

1 Nyaha 29:18

Ii! Yave, Muluku a makholowaahu, Abrahaamu, Isaki ni Yixrayeli, mpwahererihe mahuku ootheene ohaawela wu vamurimani wa mulokwaanyu, ni mpwahererihetho murimaaya woororomelani Nyuwo.

1 Nyaha 5:26

Tivawo Muluku a oYixrayeli, aamutannyenraawe Puli, ori Tigelati-Pileseri, mwene a wAsiriya weera akuxe ipuumba sa Rubeni, Gadi ni eriyari ya epuumba ya Manaxe, wootthukiwani. Aahaarongha oHala, oHabori, oHara ni wa mooloko Gozani, mwa weiwo araayawo mpaka olelo va.

2 Nyaha 28:20

Aaphiyalaawe Tigelate-Pileseri, mwene a wAsiriya, ohiya omukhavihera, owo aamutannyenre milattu.

Exteri 3:13

Ikaratta saarumiheliwe ilapo sootheene sa mwene ni anamitthenga silamulelaka waamaliha ni waahoonona woomalela aYuda ootheene – amiravo ni asitokweene; asithiyana ni anamwane. Eyo yaatthuneya opakeya nihuku nimoharu, nri nihuku nanaamuloko ni mararu na mweeri wanaamuloko ni miili, oniitthaniwa Adari. Saalamulelatho weera ehuhuleliwe sooreelasaya.

Exteri 8:14

Anamitthenga ewenleene ikavalu* saakuxiwe munikhoolani na mwene yaattimula woowaakuveya mwaha wa nlamulo na mwene. Ekano ele yaasuwelihiwatho musidadeni yoolipihiwaxa ya oSusa.

Yobi 9:25

Mahukwaaka antthimaka ompwaha namatthimaka, mahuku ammala ehoonneru ohakalala.

Yesaya 1:9

Yave a ikuru sootheene ahaawuurenle akina akina a hiyo, saano nipakeiyeene ntoko oSodoma ni oGomora.

Yesaya 6:13

Hata mpatta wanaamuloko ohalaka mweelaponi, awotho anoophwatiwa. Vaheera ntoko mwiri wa ekaravalyu* onuuhiwaaya onahala nikottoru, hiiho mmiso wootteela onuukhale nikotto noohala oYixrayeli.”

Yeremiya 29:1

Ti hiiha Yeremiya aalempaawe mukarattani arumihaka oYerusaleemu wa ahooleli, yaahalahanle wa anamatthukiwa, asaserdoti*, maprofeeti ni muloko wootheene Nebukadenezari aatthunkaawe oYerusaleemu aronghaka oBabiloniya.

Yeremiya 3:14

“Muhokolowe, muloko woohiroromeleya,” onghima Yave, “niwoko Miyo ti Aiyinyu. Kinimookuxani – mmoha a khula muttetthe ni eeli a khula nihimo – ni kinimoohokoloxerani oSiyoni.

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Yeremiya 51:31

Murummwa onrowa mmoha mmoha ni namutthenga omvenya mmoha mmoha weera emulaleere mwene a oBabiloniya weera esidadaawe yootheene yoovariwa,

Icipo Soolalamika 3:40

Niwehawehe nnenesene mweettelowaahu, vahoolowaya nihokoleeleke wa Yave.

Icipo Soolalamika 5:21

Munironghe wa Nyuwo Yave, weera nihokolowe; mureherere mahukwaahu ntoko a khalayi,

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 6:1

“Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

Zakariya 1:3

Tivawo, mwaaleele aYixrayeli: ‘Yave a ikuru sootheene oneera ha: ‘Muhokoleele wa Miyo,’ onghima Yave a ikuru sootheene, ‘ni Miyo kinoohokoleela wa nyuwosa,’ onghima Yave a ikuru sootheene.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!