2 Nyaha 30:22 - Emakhuwa Bible

²² Hezekiya aahaavaha masu ooreeraxa aLeevi ootheene yoonihenre wiiwexexa wooreera wa moota woomurumeela Yave. Mmahukuni mathannameeli awosa yaahooca sa sooveleela, enapaka sooveleelela murettele, enamutthapela Yave, Muluku a makholowaaya.

2 Nyaha 30:22 Iomraidhean Croise

Epacerero 50:21

Tivawo, muhoove. Miyo nkoocihaseni nyuwosa ni anamwaniinyu.” Ni hiiho aahaakurunuxa ni aawuulumela moosivelani.

2 Nyaha 15:3

aYixrayeli yaakhala ehuhu yincipale ehirino Muluku a ekhaikhai, naari musaserdoti* oowaaxuttiha nlamulo.

2 Nyaha 17:9

Awosa yaaviravira isidade sootheene sa omwene wa oYuda, ekuxaleene elivuru ya Nlamulo na Yave ni exuttihaka muloko.

2 Nyaha 32:6

Aathanlela muloko asitokweene a anakhotto, anaathukumanyiha vanipuwani, vamulako wa esidade, aalipiherakano masu ala:

2 Nyaha 35:3

Owo aaweerela aLeevi yaahusiha aYixrayeli ootheene ni yaatteeliheriwe Yave: “Ngwiikaathi Arka* ootteelihiwa Mpaani mwa Yave etekingwe ni Salomoni, mwaana mulopwana a Davide, mwene a oYixrayeli. Khoontthuniheriwaru oweetteettiha Arka* mwaathatenleene. Vano munrumeele Yave, Mulukwaanyu, ni aYixrayeli, mulokwaawe.

Ezera 10:11

Vano, mulape sootthekasanyu ohoolo wa Yave, Muluku a makholowaanyu ni mpake otthunawawe. Mmwalamwale ni miloko soowaattamana ni axaarinyu anamarwa.”

Ezera 7:10

Vano Ezera aalakela okhalela nthiti osoma Nlamulo na Yave ni weettela aaxutihaka aYixrayeli ikanosaya ni soolamulasaya.

Ezera 7:25

Vano nyuwo, Ezera, ni miruku oovanghaaweni Mulukwaanyu, mwaakhalihe anamalamula ni aphuki weera ekwanihere ekhaikhai wa atthu ootheene a ilapo sa okhopela mooloko Efratesi – ootheene ansuwela malamulo a Mulukwaanyu. Ni mwaaxuttihe yaale ahisuwenle malamulo ale.

Ezera 8:18

Neenre ntata noosareya ikharari na Muluku nakhala mwa hiyo, awosa yaaniruuhela Xerebeya, mulopwana ooweraxa, a ekhapira ya Maheli, mwaana mulopwana a Leevi, mwaana mulopwana a Yixrayeli, vamoha ni anamwane asilopwana ni axunneiye Xerebeya – ootheenaawo asilopwana muloko ni athannaararu,

Nehemiya 8:18

Khula nihuku, okhuma nihuku noopacera mpaka nookisera na efesta, Ezera aasoma elivuru ya Nlamulo na Muluku. Yaapaka efesta wa mahuku mathannameeli ni nihuku nanaathanaararu waakhala muthukumano, ntoko nlamulo ninnyesereraaya.

Nehemiya 9:3

Yaaheemela mmapuronimwaya esomaka elivuru ya Nlamulo na Yave Mulukwaaya wookwana iwoora tthaaru ni yaavirihatho iwoora tthaaru elapaka sootthekasaya, emutthapelaka Yave Mulukwaaya.

Masu a Miruku 8:6

Vano mwiiwe, kookhalano itthu sintthuneya ohima; iyanosaka sinimuuluma ekhaikhai.

Hoxeya 2:14

“Vanonto, kinimwaaruuhatho; kinimwaarongha onikareni kawuulumekeno ni masu oosiveleya.

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

Deuteronomiyo 33:10

Owo onimuxuttiha ikanosanyu Yakobe ni Nlamulonanyu wa aYixrayeli. Owo onoohiserani erubani* ohoolowanyu apakaka sooveleela soohisa sookwanela valtaarininiwanyu.

aFilipi 3:8

Wootepaxa, kinoona sootheene ntoko oriheya saalikanxiwaka ni otokweene wa esuwelo ya Kristu Yeesu Apwiyaaka. Niwoko na Yaawo koovaherera itthu sootheene. Vekhaikhai kinoona seiyo ntoko mahiloka weera kimphwanye Kristu

2 Timootheyo 4:2

olaleiye masu, okhale oolikana ihuhu sootheene, ovaanye, ohiihe, olipihere ni opixa murima wootheene mmahusihoni.

Yoxuwa 7:19

Vano Yoxuwa aamweerela Akani: “Mwanaka, mumvuwihe Yave, Muluku a aYixrayeli ni munttottopeleke. Mukileele yeeyo mpankaanyu. Muhikikhuwe.”