2 Nyaha 30:1 - Emakhuwa Bible

¹ Hezekiya aahaarumihela mutthenga aYixrayeli ni aYuda ootheene, ni aahaalepelatho ikaratta awEfrayimi ni aManaxe, aalattulaka weera erwe Mpaani mwa Yave oYerusaleemu, ni empake mPaska* a Yave, Muluku a oYixrayeli.

2 Nyaha 30:1 Iomraidhean Croise

2 Mamwene 23:22

Vano, okhuma mmahukuni a aphuki yaahoolela aYixrayeli mpaka mmahukuni a mamwene a oYixrayeli ni a oYuda kheenapakiwe efesta ya mPaska* ntoko ele.

2 Nyaha 11:13

Asaserdoti* ni aLeevi a ilapo sootheene sa oYixrayeli, yaari a mpattaawe.

2 Nyaha 11:16

Wa ipuumba sootheene sa aYixrayeli – yaale yaari oolikaneene omwaasa Yave, Muluku a oYixrayeli, yaahaattharasa aLeevi mpaka oYerusaleemu weera empakele sooveleela Yave, Muluku a makholowaaya.

2 Nyaha 25:7

Vanonto, mulopwana mmoha a Muluku aarowa wa yoowo, anamweerela: “Ii! Amwene, anakhotto ala a oYixrayeli ehirowe ni nyuwo, niwoko Yave khakhanle ni aYixrayeli; khakhanleru ni a muloko wa Efrayimi.

2 Nyaha 29:24

Asaserdoti* yaawiiva anapunci a ipuri, enarongha ephome valtaarini* ntoko yooveleelela yoottheka weera yaarehererele wiiwanana ni Yave aYixrayeli ootheene, niwoko mwene aalamulela yooveleela yoohisa ni yooveleelela yoottheka aweerelaka aYixrayeli ootheene.

2 Nyaha 29:36

Hezekiya ni muloko wootheene waatthapela yeeyo Muluku aapakenlaawe mulokwaawe, niwoko sootheene iyo seereiye woowaakuveya.

2 Nyaha 30:2

Mwene, asitokweene ni muloko wootheene wa oYerusaleemu, yaalakelasa ompaka mPaska* vamweerini wanaaveeli.

2 Nyaha 35:6

Mwiive iputtiputthi sa mPaska*, mwiitteelihase ni mwaarehererele iputtiputthi axunninyu aYixrayeli, mpakaka yeeyo Yave olamulenlaawe mwa Moisesi.”

Yeremiya 29:1

Ti hiiha Yeremiya aalempaawe mukarattani arumihaka oYerusaleemu wa ahooleli, yaahalahanle wa anamatthukiwa, asaserdoti*, maprofeeti ni muloko wootheene Nebukadenezari aatthunkaawe oYerusaleemu aronghaka oBabiloniya.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 5:4

Mitekosaya khasinaatthunihera ohokoleela wa Mulukwaaya. Munepa wa opuuta ori vamurimaniwaya; awosa khaanimusuwelaru Yave.

Yoxuwa 14:4

Vano anamwane a Yoseefe yaari ipuumba piili – Manaxe ni Efrayimi, ni aLeevi khayaakhenle mpatta wa elapo. Yaakhenle paahi mittetthe sookhala ni ntuphi noociha mihuwosaya.