2 Nyaha 28:11 - Emakhuwa Bible

¹¹ Vano, mukiiwe! Mwaahokoloxe axunninyu mwaapankaanyu anamatthukiwa, niwoko isara sa Muluku sohoomorelani.”

2 Nyaha 28:11 Iomraidhean Croise

2 Nyaha 28:12

Hiiho, Azariya, mwaana mulopwana a Yehohanani, Berekiya, mwaana mulopwana a Mexilemote, Yehizekiya, mwaana mulopwana a Xalumi, ni Amasa, mwaana mulopwana a Hadelai, yaari asitokweene akina akina a Efrayimi, yaahaaluluwanano yaawo yaahokolowa okhottoni, eweerelaka:

2 Nyaha 28:8

aYixrayeli yaahaarongha oSamariya anamatthukiwa 200 000 asithiyana, amiravo ni asimwali a axunnaya aYuda. Aakuxatho soohuhula sincipale.

Ezera 10:14

Ahoolelaahu elakeleke muthukumano wootheene. Vanonto, khula mulopwana a mmittetthenimwahu omuthenle namarwa arweeke mweehuhuni yoothanliwa vamoha ni asitokweene ni aphuki a muttetthaawe mpaka sineeraaya sisusihiwe wa hiyo isara soowoopiha sa Mulukwaahu sitannyiwe ni soottheka iya.”

Icipo 88:16

Isarasanyu sookikhuneela ni soohasulasanyu sookiphwata.

Yesaya 58:6

Moota wa otthuka kintthunaaka wa nyuwosa ti ola: otaphula onyooro wa ohiroromeleya ni mikhoyi sa soolemelaxa; owoopola oohasuliwa ni ophwata moota wootheene wa yoolemelaxa.

Matheyo 5:7

Ooreelihiwa ti yaale ammorela ikharari, niwoko eniimoreliwe ikharari.

Matheyo 7:2

Vano, mooteene yoowo munthorihaanyu, nyuwo munoothorihiwa, ni muringo mumvarelaanyu muteko, onoovareliwatho muteko wa nyuwo.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!