2 Nyaha 26:7 - Emakhuwa Bible

⁷ Muluku aamukhavihera waawanano aFilisti, awArabiya yaakhala oGuri-Bahali ni aMewuni.

2 Nyaha 26:7 Iomraidhean Croise

1 Nyaha 12:18

Vano, Munepa waamukhuruwela Amasai, mutokweene a anakhotto miloko miraru, ni owo aamweerela: “Ii! Davide, hiyo ti awinyu! Ii! Mwaana a Yixai, nri ni nyuwo! Sootheene siweetteleni nnene nyuwo nitho oowiiraananaanyu, niwoko Mulukwaanyu onimookhaviherani.” Hiiho Davide aawaakhelasa, anaakhaliha asitokweene a mikuttulasawe sa anamahuhula.

1 Nyaha 4:41

Mweehuhuni ya olamula wa Hezekiya, mwene a oYuda, asilopwana alempwale masinaaya ala, yaaphiya, enaawanano aHami ni aMewuni a mulaponi mmwe, enaaphwata woomalela, ntoko onooneyaaya mpaka olelo va. Vahoolowaya, yaahaakamela nipuro na miloko iyo, niwoko waakhalawo woocihamo muhuwaaya.

1 Nyaha 5:20

Ewanaka hiihaale, yaamukhuwelela Muluku, mwa Yoowo aakhavihenre, awinnyereraka mmatatanimwaya aHagari ni oowiiraananaaya ootheene. Muluku aawaakhula, niwoko yaamuroromela Yoowo.

1 Nyaha 5:22

Hiiho, yaahookhwa amwiittana ancipale niwoko ekhotto ele yaari ya Muluku. Awosa yaahaakamela elapo ele mpaka ehuhu yooronghiwa wootthukiwani elapo ekina.

2 Nyaha 14:10

Asa aarowa weera angwaneno, ni awosa yaahiirehererela owana mureyareyani na oZefata, waattamela oMarexa.

2 Nyaha 14:11

Vano Asa aamukhuwelela Yave, Mulukwaawe: “Yave, khawoworu onlikana ni Nyuwo, onaakhavihera oolosowa yaawanaka ni oolipa. Ii! Yave, Mulukwaahu, munikhavihere, niwoko nnoororomelani Nyuwo, ni nirweenle waawanano anakhotto ancipale ala mwa Nsinananyu. Ii! Yave, Nyuwo ti Mulukwaahu; muhimuhiye mutthu oowananakani.”

2 Nyaha 17:11

aFilisti akina akina, yaamuronghela soovaha Yehoxafati, ohiya eparatha* yaamvanghaaya ntoko mucaango, ni awArabiya yaamuronghela mihuwo – anapunci a ikhondoolo 7 700 ni anapuncitho a ipuri 7 700.

2 Nyaha 20:1

Vahoolowaya, aMowabe ni awAmoni, vamoha ni aMewuni akina akina, yaahoorwa ongwanano Yehoxafati.

2 Nyaha 21:16

Yave aatannyera weera emwiitte Yehorami aFilisti ni awArabiya yaakhala vakhiviru wa aKuxe.

2 Nyaha 25:8

Naari murowaka ni ngwanaka oolipeene murima, Muluku onimoowinani ohoolo wa amwiittana, niwoko Owo onoowera owiniha ni ohiwiniha.”

Icipo 18:29

Mukurunimwanyu kinoowera waawina anakhotto ancipale; ni ekhavihero ya Mulukwaaka kinoowera otupha exiri.

Yesaya 14:29

Nyuwosa aFilisti, muhihakalalele wintakiwa wa ekopo yoomanani. Mukwankhwaarini wa enowa enoophuwa evili; soowiimasaya sinookhala enowa yoowali ni ya wamwa oohapala.

Miteko 26:22

Koheetta ni ekhavihero ya Muluku mpaka nihuku na olelo, ni mwaha wa yeeyo kiri va, ni kinnaakhalela onamoona asitokweene nitho asikhaani. Miyo nkinghima etthu ekina, ehikhanle yeeyo maprofeeti ni Moisesi yaahimmaaya weera yaarwa okhumelela: