2 Nyaha 24:22 - Emakhuwa Bible

²² Mwene Yowaxi khaapwatthenle weera Yehoyada, atithawe Zakariya, yaamoonihera murima wooreera, ni Zakariya aamwiiva mwaniye mulopwana. Vano Zakariya aakhwaawe, aakhuwela: “Yave, ooneke yeela ni apakeke ikukuttula!”

2 Nyaha 24:22 Iomraidhean Croise

Epacerero 42:22

Rubeni aaweerela: “Miyo kaahooleelani nnenesene weera muhimpakele etthu yoonanara mmiravo ole, mene khamwaakiiwelenle. Vanonto okhwawawe munnihu wooniphwanya.”

Epacerero 9:5

Vano yoole aneera awiiveeni, hata mwaamunama naari mutthu Miyo kinoomuthoriha, niwoko na ephomaanyu. Miyo kinoomuthoriha yoowo aneera amwiive mukhwaawe.

Icipo 10:14

Wa soothesene, Nyuwo, Muluku, munnoona sookacamiha ni soohooxa. Munnoona seiyo, munakosoopa. Yoovaraawe mutakhali eniixinnyerera wa Nyuwo; Nyuwo ti Namwaakiha a akwaasuni.

Icipo 109:4

Awosa ankoothera ehiyaka onthamwenaaka, mene miyo kimpwaherera mmavekeloni.

Icipo 9:13

Ii! Yave, moone moota ankihasulaaya yaale ankittharatthara! Mukimorele ikharari ni mukivuluxe vamulako wa okhwa

Masu a Miruku 17:13

Yoowo onaakakhanyiha yooreera ni yoonanara, kheemalaru yoonanara vaatewawe.

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 51:56

Namaphwata onoorweela oBabiloniya; anakhottwaawe anoovariwa, ni nyuurasawe sinimwintakiwa. Niwoko Yave ti Muluku a ikukuttula; Owo onootthuvela woomalela.

Luuka 11:51

okhuma ephome ya Abeli mpaka ya Zakariya, iiviwe variyari wa altaari* ni Empa ya Muluku. Aani, Miyo kinooleelani weera ekhapira ela eniikhalihiwe ni mulattu wa sootheene seiye.

Yohaane 10:32

mene Yeesu aaweerela: “Miyo koowooniherani miteko sincipale sooreera sinrweela wa Atiithi. Niwoko na muteko heeni wa seiye nyuwo muntthunaanyu okivonya maluku?”

2 Timootheyo 4:14

Alesandre, namahana, ookipaka itthu soonanara sincipale. Apwiya eniimulive ntthuvelo ophwanenlaawe.

2 Timootheyo 4:16

Ngwiixaakihanimwaka woopacera, khaawo aarwiiye okikhavihera; ootheene yaakihiya. Eyo ehitthariwe.

Yoxuwa 22:23

Niitekenleene altaaraahu weera nihimwiiwelele Yave ni weera napakewo sooveleela soohisa, sa etrigu naari sa murettele, vano Yave muneene anittaruxe!

Ethupululo 18:20

Muhakalale niwoko na yeeyo, wiirimu! Muhakalale, atthu ootteela, arummwa ni maprofeeti! Muluku oothoriha mooteene yoowo ntoko eyo yooreherenraayani.’”

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”

Ahooleli 8:35

Khayaakhalenletho onnene emusi ya Yeru-Bahali, eyo tiiyo Gidiyoni, ettiwalaka mpuha aapakenlaawe aYixrayeli.