2 Nyaha 24:20 - Emakhuwa Bible

²⁰ Vano Munepa wa Muluku waamukhuruwela Zakariya, mwaana mulopwana a musaserdoti* Yehoyada. Owo aaheemela ohoolo wa muloko aneera: “Onghimaawe Muluk ti ela: ‘Heeni nyuwosa muhiniiwelelaanyu malamulo a Yave? Nyuwosa khasiweettelani nnene. Mweenre munghiya Yave, Owotho onimoohiyani.’ ”

2 Nyaha 24:20 Iomraidhean Croise

1 Nyaha 12:18

Vano, Munepa waamukhuruwela Amasai, mutokweene a anakhotto miloko miraru, ni owo aamweerela: “Ii! Davide, hiyo ti awinyu! Ii! Mwaana a Yixai, nri ni nyuwo! Sootheene siweetteleni nnene nyuwo nitho oowiiraananaanyu, niwoko Mulukwaanyu onimookhaviherani.” Hiiho Davide aawaakhelasa, anaakhaliha asitokweene a mikuttulasawe sa anamahuhula.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

2 Nyaha 12:5

Vano, mprofeeti Xemaya, aahiixoonihera wa Rehobowami ni wa ahooleli a oYuda yaathukumanne oYerusaleemu, emoovaka Xixake, anaweerelasa: “Yave oneera ha: ‘Nyuwosa mookihiya; tivawo Miyo kinoohiyaakani, kiwinnyererakani wa Xixake.’”

2 Nyaha 20:14

Vano Munepa wa Yave, waamukhuruwela Yahaziyeli, mwaana mulopwana a Zakariya, mwaana mulopwana a Benaya, mwaana mulopwana a Yehiyeli, mwaana mulopwana a Matatiya, muLeevi ni a ekhapira ya Asafi, owo eera eemenleene eriyari ya muthukumano.

2 Nyaha 23:11

Yehoyada ni anamwanaawe asilopwana yaamukhumiha mwaana mulopwana a mwene, enangwarihasa ecireemba; yaamvaha ekaratta ya wiiraana, enamvara omwene, enamuttikitthela, ekhuwelaka: “Mwene woyee!”

2 Nyaha 24:24

Yaarookhalaru vakhaani anakhotto awArami, Yave aawinnyerera mmatatanimwayasa anakhotto ancipale. Weenre oYuda wamuhiya Yave, Muluku a makholowaaya, Yowaxi aathorihiwa.

2 Nyaha 25:16

Vano owo uulumaka hiihaale, mwene aamukwituleliha: “Weeraka hiyo nohoothanlani okhala namalaka a mwene? Mmaale! Mmwiiveliweni?” Mprofeeti aamaala, mene aaheera: “Koosuwela weera Muluku oolakela ophwatiwawanyu, niwoko nyuwo moopaka sootheene iyo muhiiwelelaka olakawaka.”

2 Nyaha 29:8

Tivawo, isara sa Yave simorenlaaya oYuda ni oYerusaleemu; ni Owo ootatuxawo etthu yootutuxa, yoowoopiha ni yootthebwano, ntoko nyuwosa munoonaanyu ni maithwaanyu.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 26:2

“Yave oneera ha: Mweemele vanipuwani na Empa ya Yave, ni mwaleele muloko wootheene wa isidade sa oYuda onrwa olapa Mpaani mwa Yave; mwaleele sootheene Miyo kineeraaka koolamuleleni; muhiipithiheru nsu.

Yeremiya 4:18

“Mweettelowaanyu ni mitekosanyu muneenaanyu sohooruuhelani ekhotto eyo. Moota noowaawenlaayani nttaruxonanyu ni nno noophiya vamurimaniwanyu.”

Yeremiya 5:19

“Vano awosa yaakohaka: ‘Yave Mulukwaahu onipakenleni itthu sootheene iya?’ vano ngweerelaseke: ‘Mooteene yoowo mukihingyaanyu murumeelaka miluku sikina mweelaponimwanyu, hiihotho munimwaarumeela anamarwa mweelaponimwaya.’

Yeremiya 5:25

Wa soothesene soopakasanyu soonanara soosusiha itthusene seiyo; sootthekasanyu soowiiyerani sooreerela iyo.

Amosi 5:10

aYixrayeli animusoonda yoowo onaakiha ekhaikhai munuulummwa milattu, ni animuthanya yoowo onuuluma ekhaikhai.

Nuumeru 14:41

Wa soothesene, Moisesi aaheera: “Muhiniiwelelela heeni Nlamulo na Yave? Eyo kheeweettelani nnene!

Matheyo 23:35

Ni hiiho, ephome yootheene yoororomeleya evuuviheriwe vatthayani, eniyoothoonyereni nyuwo, okhuma ephome ya Abeli oororomeleya mpaka ephome ya Zakariya, mwaana a Barakiya, yoole nyuwo mmwiivalaanyu eriyari ya Empa ya Muluku ni altaari*.

Luuka 11:51

okhuma ephome ya Abeli mpaka ya Zakariya, iiviwe variyari wa altaari* ni Empa ya Muluku. Aani, Miyo kinooleelani weera ekhapira ela eniikhalihiwe ni mulattu wa sootheene seiye.

Deuteronomiyo 31:17

Nihuku nenenenno sinimwaapattela isarasaka ni Miyo kinimwaattiwalasa kaareraka ettuli ni awosa anoophwatiwa. Onimwaarweela ohaawa ni mahooxo matokotoko ni nihuku nno eniyeere: “Mahooxo ala annikhumelelela onihingyaawe Mulukwaahu.”

Ahooleli 6:34

Vanonto, Munepa wa Yave waamukhuruwela Gidiyoni, aniipa nipalapatta awiitthanaka awAbiyezeri weera emutthare.