2 Nyaha 23:11 - Emakhuwa Bible

¹¹ Yehoyada ni anamwanaawe asilopwana yaamukhumiha mwaana mulopwana a mwene, enangwarihasa ecireemba; yaamvaha ekaratta ya wiiraana, enamvara omwene, enamuttikitthela, ekhuwelaka: “Mwene woyee!”

2 Nyaha 23:11 Iomraidhean Croise

2 Samuweli 1:10

Tivawo kaamwaattamenlaaka, kinamwiiva, niwoko kaasuwela weera ovulala eenraawe khaakhala. Kaakuxa ecireemba yaari mmurumwawe ni nikosanawe kinooruuhelani nyuwo, pwiiyaaka.”

2 Samuweli 16:16

Vano Huxayi, ngwArki, nthamwenaawe Davide, aamwaattamela Abesalomi, anamweerela: “Mwene wooyee! Mwene wooyee!”

2 Samuweli 5:3

Asitokweene ootheene a aYixrayeli yaarowasa omukumanano mwene Davide oHeberoni. Mwene owo aawiiraanano oHeberoni vamaithoni wa Yave ni awosa yaamuttikitthela Davide ntoko mwene a aYixrayeli.

1 Mamwene 1:25

Olelo owo aarowa oveleela imombe, iputtiputthi ni ikhondoolo sincipale. Ohaalattula anamwanaawe mwene ootheene, mutokweene a anakhotto ni Abiyatari, musaserdoti*. Vaanaanova awosa anca, ewuraka ni yoowo, yeeraka: ‘Woye mwene Adoniya!’

1 Mamwene 1:34

Zadoki, musaserdoti*, ni Natani, mprofeeti, yamuttikitthelewo weera akhale mwene a aYixrayeli. Mwiipe nipalapatta ni mwakhuweleke: ‘Woye mwene Salomoni!’

1 Mamwene 1:39

Zadoki, musaserdoti*, aakuxa nnyaka noosareya makhura muheemani yootteela, anamuttikitthela Salomoni. Vanonto yaahiipa nipalapatta ni atthu ootheene yaakhuwela: “Mwene Salomoni woye!”

2 Mamwene 11:12

Yoiyada aamukhumihera vaate Yowaxi, mwaana mulopwana a mwene, anamutthuka ecireemba, anamvaha elivuru ya wiiraana ni Muluku. Yaamvara omwene ni muloko omwiipelaka makuphi, okhuwelaka: “Mwene Woye!”

2 Nyaha 22:11

Vaheera Yehoxeba, mwaana muthiyana a mwene Yehorami, aamukuxa Yowaxi, mmoha a anamwane asilopwana a mwene Ahaziya yeera yiivasiweke, anamwiikaathi mukwaartuni vamoha ni murumeiyaawe muthiyana. Hiiho Yehoxeba, mwaana muthiyana a mwene Yehorami, mwaara a musaserdoti* Yehoyada, ni murokoriye Ahaziya, aamwiipithiha Yowaxi mwa Ataliya, moota wooweera owo khaawenre omwiiva.

2 Nyaha 23:10

Aahaathatasa anakhotto ootheene, khula nakhotto amvarenleene kapwitthi, emurukureenreene mwene, waattamela valtaarini* ni Mpaani mwa Yave, okhuma mpatta wa ohitto mpaka mpatta wa ottuttuwani wa Empa ya Yave.

2 Nyaha 23:12

Ataliya iiwaka onyakula wa muloko otthimakaka ni omutthapelaka mwene, aarowa Mpaani mwa Yave, mwemmo waaraayamo muloko.

Icipo 132:18

Kinimwaawariha amwiittanaawe sa wuulihiwa muru, vaheera ecireemba vamuruwawe eniikhale yoowaaraxa.”

Icipo 21:3

Moomwaakhela nnene ni mareeliho oowaatta, munangwariha ecireemba ya eyuuma yoorikaxa.

Icipo 78:5

Aahaavaha ikano anamwane a Yakobe ni aakhaliha Nlamulo oYixrayeli, mwa nne naalamulela makholowaahu weera yaaxuttihe itthusene seiye anamwanaaya.

Icipo 89:20

Koomphwanya murumeiyaaka Davide; koomuttikitthelano makhuraaka ootteela.

Icipo 89:39

Mooruwana wiiraana ni murumeiyaanyu ni mohuupuruxa ecireembaawe.

Okhuma 25:16

Vano mwaheleke mwa Arkani* Namoona* kineeraaka koovaheeni.

Okhuma 25:21

Ngwiikaathereke yookhuneelano Arka*, ni mpuwamwaya Namoona* kineeraaka koovaheeni.

Okhuma 31:18

Amalihakaru wuuluma ni Moisesi vamwaako Sinayi, Yave aamvaha itthaabwa piili sa Namoona, itthaabwa sa maluku soolempwa ni ekatha ya Muluku.

Yesaya 49:23

Mamwene anookhala anamakosoopaanyu ni mapwiyamwenaaya oowaamwihaanyu. Awosa animookokhorelani ephiihaka muruwaaya vathi; anoolata ntthupi na inaawosanyu. Vano, munoosuwela weera Miyo ti Yave; yaale ankiroromela Miyo annapwaneya.”

Yesaya 8:16

Muthokorore nnenesene Nlamulo ni mulipihe soolamulasaka eriyari ya oohuseraaka.

Yesaya 8:20

Vano moone Nlamulo ni ikano sa Yave! Atthu yaahuuluma ntoko masu ala awosa khaanoonatho waara.

Matheyo 21:9

Atthu yaari ohoolowawe ni ottuliwawe yaahiipa ni ohakalalaxa yeeraka: “Hosana* wa Mwaana a Davide! Ooreelihiwa ti Yoowo ongwa mwa Nsina na Apwiya! Hosana* musulusulu!”

aHeberi 2:9

Mpatta mukina nimmoona Yoole, wa ehuhu vakhaani aayevihiwe vakhaani waapwaha andyelo, Yeesu aawarihiwe ni ovuwa ni nttittimiho niwoko na okhwa ohaangwaawe. Mmahalani a Muluku Yeesu aalawiha okhwa wa mpuha wa ootheene.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

Ethupululo 19:12

Maithwaawe ari ntoko malumi a mooro, ni mmurumwawe sookhala icireemba sincipale. Owo ookhalano nsina, mwa nenno khaawo onsuwela, ahikhanle mwaneenaawe.

Ethupululo 4:10

asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka:

Ethupululo 4:4

Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

Ethupululo 5:10

Nyuwo mohaakhaliha yaawo omwene ni asaserdoti* wa Mulukwaahu ni awo eniilamule vathi vaava.”

1 Samuweli 10:1

Vahoolowaya Samuweli aakuxa nipoottoro na makhura, anamiinela mmuru wa Sawuli, anambeca amweerelaka: “Yave ohoottikitthelani ntoko muhooleli a yoohiyeraawe.

1 Samuweli 10:24

Samuweli aaweerela atthu ootheene: “Mmoone mulopwana oothanliwa ni Yave. Mmulokoni wootheene khaawo omulikananne yoola.” Vanonto muloko waakhuwela: “Mwene akhale ni okumi wa mahuku mancipale!”