2 Nyaha 21:13 - Emakhuwa Bible

¹³ mene aani, mweettenle iphiro sa mamwene a oYixrayeli, mpakihaka weera Yuda ni muloko wa oYixrayeli oraruwe ni miluku soowootha ntoko emusi ya Ahabi yaapankaaya. Mpakatho moowiiva axunninyu xaxaxa, mipatta sa emusi ya atithinyu, yaari asilopwana ooreerela woopwahani nyuwo.

2 Nyaha 21:13 Iomraidhean Croise

1 Mamwene 16:25

Wa soothesene, Omeri aapaka soonanara vamaithoni wa Yave waapwaha yaawo yaalamula owo ahinaaye.

2 Mamwene 9:22

Yorami amoonakaru Yehu, aamukoha: “Yehu, munrwa mmuretteleni?” Yehu aamwaakhula: “Khoonkhala murettele amayinyu Yezebeli epwahereraka olapa miluku sikina ni soopakasaya sa okhwiri.”

2 Nyaha 21:11

Owo aatekatho mapuro oolapa a mmattumuxani a oYuda, apakihaka weera muloko wa oYerusaleemu oraruwe, ni oYuda ohapuwe.

2 Nyaha 21:14

Tivawo Yave aneeraawe aavulalihe atthwaanyu moota woowoopiha – anamwaniinyu, axaarinyu ni sootheene siri sawinyu.

2 Nyaha 21:4

Woowaakuveya, Yehorami aahiitekiha vahiceni ya emwene ya atithawe, anawiiva ni ekatana axunneiye ootheene ni ahooleli akina akina a oYixrayeli.

2 Nyaha 21:6

Aahettela iphiro sa mamwene a oYixrayeli, ntoko yaapankaaya emusi ya Ahabi, niwoko aamuthenle mwaana a Ahabi. Aapaka ohinaakhulelaawe Yave.

2 Nyaha 24:18

Vano, yaahiyasa Empa ya Yave, Muluku a makholowaaya, enakokhorela nyiri soothipeleliwa sa Axera, mpakatho miluku sikina. Isara sa Muluku saamorela oYuda ni oYerusaleemu niwoko na yoonanara ele.

Okhuma 34:15

Mwiipasoope weera muhaataane ni yaawo amanke mweelaponi. Awo yaararuwaka ni milukusaya epakelaka sooveleela, awo animoolattulani ni animookuxani weera muceno sooveleelasaya.

Yesaya 26:21

Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.

Habakuki 2:12

Ootakhaliwa yoole onteka esidade ni ephome ni oniitekela muttetthe ni nipuhero!

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

1 Yohaane 3:12

Nihikhale ntoko Kayini aari a Diyabu* ni aamwiivale munneiye. Vano heeni aamwiivalaawe? Niwoko mitekosawe saari soonanara, ni miteko sa munneiye soowaakhuleliwa.