2 Nyaha 20:22 - Emakhuwa Bible

²² Epacenreene wiipa icipo soovuwiha, Yave aahaareherera anakhotto weera yaawanane anakhotto a wAmoni, oMowabe ni a mmanyaakoni sa oSeyiri yaahaavoleela oYuda, ni awosa yaawinasiwa.

2 Nyaha 20:22 Iomraidhean Croise

2 Samuweli 22:4

Kinimwiitthana Yave ophwanenle ottottopeliwa ni koovuluwa mwa amwiittanaaka.

2 Mamwene 6:17

Vano Elixa aavekela: “Dyoontte Yave, muhuleke maithwaawe weera oone.” Vanonto Yave aahula maitho a murumeiyi ni aaweha, anoona onttumuxani sisareiyeene ikavalu* ni ikaaro sa ikavalu* sa ekhotto sa mooro simurukureenreene Elixa.

2 Nyaha 13:13

Eyo eri hiiho, Yerobowami aahaarumihela anakhotto ottuli wa anakhotto a oYuda, moota wooweera owo aari ohoolo wa aYuda, ni anakhotto yiipinthe yaari ottuli.

2 Nyaha 13:15

ni anakhotto a oYuda yaakhuwelela ekhotto. Moorumani wa okhuweleliwa ekhotto, Muluku aangwina Yerobowami ni aYixrayeli ootheene ohoolo wa Abiya ni aYuda.

2 Nyaha 20:10

Vaheera vano, ari vawo awAmoni, aMowabe ni amaki a mmanyaakoni sa oSeyiri, mwa yaawosa ilaposaya, khamwaatthunihenre aYixrayeli ohuhulamo, yaakhumaaya wExipitu; tivawo, aYixrayeli yaahapuwansaaya ni khayaaphwatanse.

2 Nyaha 21:8

Mmahukuni a Yehorami, awEdomi yaawanawana ni omwene wa oYuda, emvaraka mwenaaya.

2 Nyaha 5:13

Yaawo yiipa mapalapatta ni anamwiipa a icipo, ereene murima mmoha, yaamvuwiha emutthapelaka Yave. Moorumani wa mapalapatta, ikengere ni ikaruma sikina, yaakhuwelaxa, emvuwihaka Yave ni yaahiipa moota ola: “Owo ti ooreera; osivelawawe khoommala.” Hiiho, nihutte naasareya Mpaani mwa Yave,

Icipo 18:4

Mikhoyi sa okhwa sookitthuka; nyooloko sa ophwata sookoopopiha.

Yesaya 19:2

Kinoongwanawaniha ngwExipitu ni ngwExipitu: khula mutthu onoongwanano munneiye, mwaattamana ni mwaattamanaawe, esidade ni esidade, omwene ni omwene.

Ezekiyeli 38:21

Kinoolattula ekatana weera engwaneno Gogi mmanyaakonimwaka moothemwene,’ onghima Yave onlamula sootheene. Khula mutthu onookuxa ekatana angwananeke munneiye.

Yoxuwa 6:16

Emaara yanaathannapiili, asaserdoti* yiipaaya mapalapatta, vano Yoxuwa aalamulela muloko: “Mukhuweleke, niwoko Yave ohoovahererani esidade!

Ahooleli 7:22

Erumakaru mapalapatta macira mararu, Yave aaheeriha weera waakonelingwe woothewene asilopwana yaarukunuwelana ni ekatana. Vaheera anakhotto ancipale yaatthawela oBeti-Xita, mpatta wa oZerera, mpaka omwiinanoni wa wAbeli-Mehola, waattamela oTabati.

1 Samuweli 14:16

Anamalipelela a Sawuli yaari oGibeya, elapo ya oBenyamini, yaawoonasa anakhotto ancipale a aFilisti etthawelaka mipatta sootheene.

1 Samuweli 14:20

Vahoolowaya Sawuli ni anakhoottwaawe ootheene yaathukumana, enarowa okhottoni. Yaaphwannye aFilisti oopupurumeene, evulalihanaka ni ikatanasaya.