2 Nyaha 16:9 - Emakhuwa Bible

⁹ Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

2 Nyaha 16:9 Iomraidhean Croise

Epacerero 31:28

Khookitthunihenre waabeeca anamwanaaka asilopwana ni asithiyana hata axisuluwaaka weera kaaraxele. Woheetta ololo!

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

1 Mamwene 15:32

Waakhala owanawana variyari wa Asa ni Bahaxa, mwene a oYixrayeli, moolamulanimwaya wootheene.

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

1 Nyaha 21:8

Vano Davide aamweerela Muluku: “Kootthekaxa ni yeeyo kipankaaka. Vano miyo kinoodyoonttelelani weera mulevelele yoottheka ya murumeiyaanyu, niwoko kootepaxa opaka ya ololo.”

2 Nyaha 15:17

Yaaroohimalihiwaru oYixrayeli altaari* a mmattumuxani, murima wa Asa waamukhalelaxa nthiti Yave mookuminimwawe wootheene.

2 Nyaha 15:19

Hiiho, khayaakhanlerutho ekhotto mpaka eyaakha yanaamiloko miraru ya olamulawawe.

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 19:9

Vano aahaavaha malamulo ala: “Nyuwo murumeeleke moororomeleyani ni murima wookwaneleene, moomoovani Yave.

2 Nyaha 6:20

Maithwaanyu ewehexexe othana ni ohiyu Empa ya Muluku ela, nipuro mwa nenno mweenraanyu weera mwaamuhelamo Nsinananyu, weera mwiiwe nivekelo aneeraawe apake murumeiyaanyu akokhorenleene nipuro nna.

Ezera 5:5

Vaheera maitho a Mulukwaaya yeera ewoonaka asitokweene a aYuda ni awosa khayaahiihiwe ovara muteko mpaka eeraawe arumiheliwe Dariyexi mutthenga ni yaakheliwe yoowaakhulaawe mwaheene yoowo.

Yobi 28:24

niwoko Owo ongweha ekotenlaayawo, anoona sootheene sa mulaponi.

Yobi 31:4

Owo onnoona iphirosaka, anoonelamo khula malipaaka.

Yobi 34:21

Vano Muluku onoona iphiro sa atthu; Owo oningwehaweha mukhwipimwawe khula mutthu ni malipaawe.

Icipo 113:6

mwa Yoowo onuurama weera oone erimu ni vathi?

Icipo 33:14

vahiceniwawe onaaweha amaki ootheene a mulaponi.

Icipo 33:15

Ti Yoowo opanke mirima sa atthu ni onsuwela sootheene atthu ampakaaya.

Icipo 33:18

Vaheera maitho a Yave angwoona yaale ammoova; yaale anroromela mwa osivelawawe woohimala.

Icipo 34:15

Yave ongwoona yaale ari oororomeleya ni Owo onimwiiwa okhuwelawaya.

Icipo 37:37

Mwaawehe atthu ookwanela; ngwoone atthu a ekhaikhai; mulopwana a murettele ookhalano ya muhoolo.

Masu a Miruku 15:3

Maitho a Yave ari mipatta sootheene, yaawehaka ooreera ni oonanara murima.

Masu a Miruku 5:21

Yave onoona iphiro sa mutthu ni ongwehaweha malipaawe ootheene.

Yesaya 31:1

Ii wa yaale anrowa wExipitu yaasaasaka ekhavihero; yaale anroromela ikavalu* ni ikaarosaya soowaatta, anroromela mwa ikuru sa anamweettihaaya, mene khaaningweha Ootteela a oYixrayeli naari khaanaasaasa ekhavihero enrweela wa Yave.

Yeremiya 16:17

Maithwaaka annoona iphirosaya sootheene; awosa khayiipithiheiye vamaithoniwaka ni hiihotho sootthekasaya.

Yeremiya 32:19

sootthunasanyu ti sitokotoko ni soopakasanyu ti sa ikuru. Maithwaanyu angwehexexa ipakelo sa atthu; Nyuwo munimutthuvela khula mutthu muttharaka mweettelowaawe, ntoko ipakelo sa mutekwaawe simphwanelaaya.

Yeremiya 5:1

“Muviravire mmiseweni sa oYerusaleemu, ngwehawehe ni moone; mwaasaase mmapuwanimwaya. Mwamphanya hata mutthu mmoha ni mweettelowaawe woororomeleya, aasaasaka ekhaikhai, kinoolevelela esidade ela.

Yeremiya 5:21

Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Yeremiya 5:3

ii! Yave, maithwaanyu anaasaasa ekhaikhai. Nyuwo mwaahaavulaliha, mene awosa khayoonne ovoreya; mwaahaattaruxa, mene yaakhoottha olakiwa. Yaahuumihaxa mirimasaya, ekhoottaka orukunxa murima.

Zakariya 4:10

Yaale yahoonenlemo itthu ikhaanene anoohakalalaxa, yoonaka efiiyu yooringelano mmatatani mwa Zerubabeli. Vano soomwaleela ithannapiili iya ti maitho a Yave angwehaweha elapo yootheene.”

Matheyo 5:22

Mene Miyo kinooleelani weera khula mutthu anaamunyoonyeriwe munneiye, anaathorihiwe. Nitho, akhalaru mutthu anaamuruwane munneiye, anaaronghiwe wa alipa oowuuluma milattu, ni akhalaru mutthu ommweerela munneiye: ‘naanepa!’ omphwanela orowa omooroni.

Luuka 12:20

Wa sootheene, Muluku aamweerela: ‘Mulolo! Ohiyuweene yoola munimookhwa. Vano, anaahalane taani ni yeeyo mureherenraanyu?’

1 aKorinto 15:36

Mulolo! Yeeyo nyuwo munaalaanyu kheemmela, ohikhanle weera yaahookhwa toko.

aGalata 3:1

aGalata alolo! Yoolongweni taani? Mwaahooniheriwa Yeesu Kristu ntoko othomeiwalaawe vamuttandani.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

1 Pedru 3:12

Niwoko maitho a Apwiya anaaweha atthu oororomeleya, ni maaruwaaya aniiwa mavekelo a yaawo, mene Apwiya ti mwiittana a yaawo ampaka yoonanara.”

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.