2 Nyaha 16:14 - Emakhuwa Bible

¹⁴ Yaamvitha munihiyeni owo aalamulenlaawe othipeliwa musidadeni ya Davide. Yaamwaatalela mudyaneesani mwa muttembo sireenemo sooreerela ni soowunkhela soohiyanahiyana soorikaxa, enakukha ecirangare emuttittimiherelaka yoowo.

2 Nyaha 16:14 Iomraidhean Croise

Epacerero 50:2

Vahoolowaya Yoseefe aahaalamulela mameediku yeemenle muteko nihuku nenenenne weera ettikitthele murette woopisiha wuntta muttembo wa atithawe Yixrayeli, enapaka yeeyo.

Epacerero 50:5

‘Atithaka yaakilipeliha yeeraka: ‘Kihanle vakhaani okhwa. Mwakivitheke munihiyeni kiirehererenlaaka mweelaponi ya oKanaani.’ Vano, dyoontte mukitthunihere orowa waavitha atithaka ni kamaliha, kinoohokolowa.’”

2 Samuweli 2:32

Yaamukuxa Asaheli, enamvitha munihiyeni na atithawe oBeteleheemu. Vahoolowaya Yowabi ni asilopwanaawe yaaheettasa ohiyu wootheene, enaphiya oHeberoni oxaaka.

2 Nyaha 16:13

Vayaakhani yanaamiloko mixexe niimoha ya olamulawawe, Asa aahookhwa, anavithiwa vamoha ni makholowaawe.

2 Nyaha 21:19

Eviraleene ehuhu ekina, ommaleloni wa eyaakha yanaaveeli, erettaawe yaatepaxa mpaka okhuma marupwaawe, ni owo aakhwiiye moovoreiwani woowoopiha. Mulokwaawe khawaapattingheru ecirangare yoomuttittimiherela, ntoko waapakelaaya makholowaaya.

2 Nyaha 32:33

Hezekiya aahookhwa, anavithiwa vamoha ni makholowaawe onttumuxani araayawo mahiye a ekhapira ya Davide. aYuda ootheene ni muloko wa oYerusaleemu yaamuttittimiherela okhwawawe. Aamurandenle ti Manaxe, mwaniye mulopwana.

2 Nyaha 35:24

Awosa yaamukuruxa mukaaronimwawe, enangweliha ekaaro ekina, enamurongha oYerusaleemu, mwa weiwo okhwenlaawewo. Owo ovithiwe mmahiyeni mwa makholowaawe, ni amaki ootheene a oYuda ni oYerualeemu yaamwiinlelasa.

Namalaleiya 10:1

Mooteene yoowo ephepele yookhwa enunkhaxaaya enananariha makhura oowunkhela, ohimirukutho vakhaani onlemelaxa opwaha miruku ni nttittimiho.

Yesaya 22:16

Mumpakani va ni taani ootthunihenreni othipa nihiyenanyu, mwaakaka vanttumuxani, muttuulaka nipuronanyu noowiitthuuwa vamwalani?

Yeremiya 34:5

mene mmwikhwe mmuretteleni. Ni hiiho ntoko muloko ohinsaaya erubani* ottittimiherelaka makholowaaya, mamwene yaaradenlaaya, eniihise erubani* yoottittimiherelakani, ni animookhupanyerani yeeraka: “Ii, Apwiya!” Aani ti yoomeene kinroromeliha, onghima Yave.’ ”

Marku 16:1

Nimalaka nihuku na eSaabadu, Mariya oMagadalene, Salome, ni Mariya amayawe Yakobe, yaathuma itthu soowunkhelaxa weera ettikitthele muttembo wa Yeesu.

1 Samuweli 31:12

asilopwana oominya murima a eriyaraaya yaaheetta ohiyuweene yoowo erowaka oBeti-Xani. Yaakuruxa muttembo wa Sawuli ni sa anamwanaawe asilopwana vaxirini ya oBeti-Xani, enarowa oYabexi, mwa weiwo yaahisenraayawo.