2 Nyaha 15:13 - Emakhuwa Bible

¹³ Akhalaru mutthu eera ahimwaase Yave, Muluku a oYixrayeli, waatthuneya wiiviwa – akhalaka mutthu piswa, hoye hoye oottittimiheyaxa, mulopwana hata muthiyana.

2 Nyaha 15:13 Iomraidhean Croise

Epacerero 19:11

Vahoolowaya atthu yaari vamulako yaakhalihiwa evaasi, okhuma asimiravo mpaka asitokweene, moota wooweera yaahooceela woona mulako.

1 Mamwene 18:40

Vano Eliya aahaalamulela: “Mwaatthukase maprofeeti a Bahali*! Muhimuhiyeru naari mmoha atthawaka!” Awosa yaahaatthukasa ni Eliya aahaarongha vanreyareyani na oKixoni anawiivelawo.

2 Nyaha 15:14

Hiiho yaamuroromeliha Yave ekhuwelaka, wiiwanyeyaka oruma wa manyaaka ni mapalapatta.

Yobi 3:19

Atthu piswa ni aweri ari weiwo, ni epottha eri yootapuxeyeene wa pwiiyaaya.

Yobi 34:19

Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

Icipo 115:13

Owo onimwaareeliha yaale ammoova Yave – okhuma asikhaani mpaka asitokweene.

Okhuma 12:29

Vano, ohiyu eriyari Yave aahiiva matthaara ootheene a wExipitu, okhuma ntthaara na Farawu*, namukalampa, mpaka ntthaara na namatthukiwa aari mukaliposo, nitho a mihuwo sootheene.

Okhuma 22:19

Akhalaru mutthu onimukonano mwaamunama, iiviweke.

Okhuma 22:20

Akhalaru mutthu aneera apakele sooveleela wakhalaru muluku mukina omuhiya Yave, aphwatiweke.

Zefaniya 1:6

Yaawo anghapuwa ehiyaka omutthara Yave, hata ehimwaasaka naari ehimukohereraka.

Miteko 26:22

Koheetta ni ekhavihero ya Muluku mpaka nihuku na olelo, ni mwaha wa yeeyo kiri va, ni kinnaakhalela onamoona asitokweene nitho asikhaani. Miyo nkinghima etthu ekina, ehikhanle yeeyo maprofeeti ni Moisesi yaahimmaaya weera yaarwa okhumelela:

Deuteronomiyo 29:18

Nnene weera ahikhale anaaphwanyaneye mwa nyuwo mulopwana hoye hoye muthiyana, nihimo naari epuumba anuupuwelele omuhiya Yave Mulukwaahu, alapaka miluku sa miloko iye. Ahiphwanyaneyeru eriyaraanyu mmoha onkhala ntoko mkwankhwaari mmoha omphuwa soowaawa ni soohapala.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 6:15

Vano, mamwene a elapo ya vathi, asitokweene, ahooleli a anakhotto, mathadyiri, alipa a ikuru – ootheene, hata ipottha, hata maneethi – yaahiipitha mmakhukuni ni nnyattani sa nnyaakoni.