2 Nyaha 14:3 - Emakhuwa Bible

³ Aahaavenxa altaari* a miluku sa anamarwa ni altaari* a mmattumaxani, anaapwexakasa amarimbu ootteeliheriwa, anakurumula nyiri soothipeleliwa sa Axera.

2 Nyaha 14:3 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

2 Mamwene 18:4

Aaphwata mmattumuxani ootteeliheriwa miluku sikina, anapwexa nluku nootteeliheriwa, anaamoroxa amarimbu a Axera. Aahintakasa enowa ya ebronze* Moisesi aapankaawe niwoko mpaka ehuhuweene yeele aYixrayeli yannakhovelela ohiserawo erubani*. Vano enowa ele yiitthaniwa Nehuxitani.

2 Mamwene 23:14

Yosiya aapwexa maluku ootteeliheriwa, anaaphwata amarimbu a Axera, anakhuneela mapuro ale ni makhuva a atthu.

2 Mamwene 23:6

Aakhumihatho Mpaani mwa Yave nrimbu na Axera anarongha vanreyareyani na oKideroni mukerekhere oYerusaleemu, anahisawo. Naathatuwa ettuura yaamwaraxeliwe omahiyeni a muloko.

2 Nyaha 14:2

Asa aapaka yeeyo aakhulelaawe Yave, Mulukwaawe.

2 Nyaha 14:4

Aalamulela muloko wa oYuda weera omwaase Yave, Muluku a makholowaaya, ni weera yiiwelele ikanosawe ni malamulowaawe.

2 Nyaha 15:17

Yaaroohimalihiwaru oYixrayeli altaari* a mmattumuxani, murima wa Asa waamukhalelaxa nthiti Yave mookuminimwawe wootheene.

2 Nyaha 33:16

Vahoolowaya, aahaareherera altaari* a Yave, anapakelawo sooveleelela murettele ni soovaha sootthapela, aalamulelaka aYuda weera emurumeele Yave, Muluku a oYixrayeli.

2 Nyaha 34:4

Ettharihiwaka malamulowaawe, yaaphwatiwa altaari* a aBahali*; ohiya yeeyo, owo aahaapwexakasa altaari* a erubani* yaakhala vasuluwaya. Aanyaanyatho anattikittha nyiri soothipeleliwa sa Axera, icaambulo soopatthiwa ni soohaniwa, anamwaraxela mmahiyeni a yaale yaapakenle sooveleela.

Okhuma 34:13

Ohiyanawaya, mwaaphwate altaaraaya, mwaapwexe amarimbwaaya ootteela ni mwathikile nyiri soothipeleliwa sa Axera.

Levitiku 26:30

Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani.

Deuteronomiyo 7:25

Muhise mmooroni icaambulo sa milukusaya. Muhihaawele iparathasaya naari iyuumasaya soorikaxa sihuruweliwaayano niwoko eyo eniyookhaleleni ntapha. Itthu iyo ti sa mwiikho wa Yave Mulukwaanyu.

Deuteronomiyo 7:5

Vano nyuwosa entthuneya opakela miloko iyo ti ela: Mwaaphwate altaaraaya, mwaapwexe amarimbwaaya ootteela, muuhe nyiri soothipeleliwa sa Axera ni mwahiseke mmooroni icaambulosaya sa miluku.