2 Nyaha 14:14 - Emakhuwa Bible

¹⁴ Yaaphwatasa isidade sootheene saarukureenre oGerari, niwoko waahaamorela amaki a weiwo woopiha wa Yave. Yaahuhula isidade sootheene iye, niwoko saakhalamo mihakhu sincipale.

2 Nyaha 14:14 Iomraidhean Croise

Epacerero 35:5

Awo ettimulakaru, Muluku aahaaruuhela amaki a isidade iye yaavinraaya woova vancipale, moota wooweera khaawo aatthimakenle anamwane a Yakobe.

1 Mamwene 15:23

Mwaha wa sookhumelela sikina sa olamula wa Asa – sootheene aapankaawe ni isidade aatenkaawe – silempwale mulivuruni ya nyaha sa mamwene a oYuda. Ngwuuluvalani, Asa aahaawa ni eretta ya inaawo.

2 Mamwene 7:16

Muloko waavenya, onahuhula yaakonenlaaya awArami, vano, iliitru* ithannamosa sa ephepa saathumihiwa exekeli* emoha ni iliitru* muloko ni piili sa esevada* saathumihiwatho exekeli* emoha, ntoko Yave aahimmaawe.

2 Nyaha 14:15

Yaawananotho mwaakonelingwe wa akukhuli, enakuxa ikhondoolo, ipuri ni ahaaci ancipale. Vahoolowaya, yaahokoleela oYerusaleemu.

2 Nyaha 17:10

Woopiha wa Yave waamorela omwene wootheene waarukureenre oYuda, moota wooweera khayaavolongwe mukhottoni weera engwanane Yehoxafati.

2 Nyaha 20:25

Vano Yehoxafati vamoha ni anakhottwaawe yaarowasa ohuhula mittembo, enaphwanyasa eriyari ya seiyo ikapwitthi sincipale ni soowara, mpakatho itthu sooreerela. Yaaviriha mahuku mararu ehuhulaka, mene saahaattaxa mpaka ohiwera okuxa.

2 Nyaha 20:29

Esuwenleene moota Yave aawanannaawe amwiittana a oYixrayeli, woopiha wa Yave waasareya mmilokoni sootheene.

Yobi 15:21

Oniiwa paahi sooruma soowoopiha, iixoonaka okhala mmuretteleni, anamwiiya anoongwanano.

Icipo 68:12

“Mamwene ni anakhottwaaya antthawa woowaakuveya ni asilopwana ankawa soohuhula.

Yesaya 31:9

Nipuronaya noolipaxa nnoomora niwoko na woova; asitokweenaaya yoonaka eneneero ya ekhotto, anoorukureereya nyuru,” onghima Yave, mwa Yoowo moorowaawe onkhala oSiyoni, niikhonawe ninkhala oYerusaleemu.

Yesaya 33:23

Mikhoyisaya sooxekexeya, nrimbunaya nikula ntokotoko nooxekexeya, mitthambo khasithapurungwe. Vano sinookawaniwa soohuhula soowaattaxa ni mpakatho atthu ooheetta anookuxa soohuhula.

aRooma 8:37

Mwa itthu sootheene seiyatho, nri anamawina oopwahaxa niwoko na Yoole onisivenle.

Deuteronomiyo 2:25

Olelo vaava kinoopacera woopopiha moovasiwaka nyuwo mmilokoni sootheene sa elapo ya vathi. Iyo siiwaru epilaanyu nsithukumelase ni othanana.”

Yoxuwa 2:24

Awosa yaamweerela Yoxuwa: “Woohihovela, Yave ooninnyerera elapo yootheene. Atthu ootheene a weiwo aasareya woova niwoko na hiyo.”

Yoxuwa 5:1

Vano mamwene ootheene a awAmori yaamanke mpatta ninkela nsuwa wa oYordanu ni mamwene ootheene a aKanaani yaamanke mukerekhere wa ephareiya yaasuwela moota Yave aangwelelihalaawe Yordanu ohoolo wa aYixrayeli mpaka olapuwawahu. Tivawo yaaporonraaya ni yahaalipihalaaya mirima woowaawanano aYixrayeli.

Ahooleli 14:19

Vano Munepa wa Yave waamulipiha. Aarowa wAxekeloni, anawiivawo asilopwana miloko miraru, anakuxa soowarasaya, anaavaha yaale yaatthomme ethale. Oonyoonyiweene, aarowa vaate wa atithawe.

1 Samuweli 14:15

Vano anakhotto ootheene a aFilisti yaapacera woova vancipale – yaale yaari waakonelingwe, mmatta, yaaweene yaari mmapuroni a anamalipelela, mpakatho yaale yaawana. Ni etthaya yaatetereya, onakhala orukureereya nyuru otokotoko waarumihiwe ni Muluku.