2 Nyaha 14:11 - Emakhuwa Bible

¹¹ Vano Asa aamukhuwelela Yave, Mulukwaawe: “Yave, khawoworu onlikana ni Nyuwo, onaakhavihera oolosowa yaawanaka ni oolipa. Ii! Yave, Mulukwaahu, munikhavihere, niwoko nnoororomelani Nyuwo, ni nirweenle waawanano anakhotto ancipale ala mwa Nsinananyu. Ii! Yave, Nyuwo ti Mulukwaahu; muhimuhiye mutthu oowananakani.”

2 Nyaha 14:11 Iomraidhean Croise

1 Mamwene 8:44

Mulokwaanyu warowa waawanano amwiittanaaya yakhalaru mapuro muntthunaanyu weera orowe ni woovekelani Nyuwo ohokoleela esidade ela muthanlalaanyu ni wa Empa ya Yave kitekenlaaka Nsinananyu,

1 Nyaha 5:20

Ewanaka hiihaale, yaamukhuwelela Muluku, mwa Yoowo aakhavihenre, awinnyereraka mmatatanimwaya aHagari ni oowiiraananaaya ootheene. Muluku aawaakhula, niwoko yaamuroromela Yoowo.

2 Nyaha 13:12

Moone nnenesene! Muluku ori ni hiyo; Owo ti Mutokweenaahu. Asaserdotaawe, ekuxaleene mapalapattaaya anoowiipelani mapalapatta weera ekhuwelele ekhotto. aYixrayeli, muhingwaneno Yave, Muluku a makholowaanyu, niwoko nyuwosa khamuwina.”

2 Nyaha 13:14

Anakhotto a oYuda yaarukunungwaaya yoonaka weera yaawananiwa mpatta wa ohoolo ni ottuli, yaamukhuwelela Yave. Asaserdoti* yaahiipa mapalapattaaya

2 Nyaha 13:15

ni anakhotto a oYuda yaakhuwelela ekhotto. Moorumani wa okhuweleliwa ekhotto, Muluku aangwina Yerobowami ni aYixrayeli ootheene ohoolo wa Abiya ni aYuda.

2 Nyaha 13:18

Ehuhuweene yeele aYixrayeli yaanyaatuliwa ni anakhotto a oYuda yaakhalano ikuru soowinelano, niwoko yaamuroromela Yave, Muluku a makholowaaya.

2 Nyaha 14:10

Asa aarowa weera angwaneno, ni awosa yaahiirehererela owana mureyareyani na oZefata, waattamela oMarexa.

2 Nyaha 16:7

Ehuhuweene yeele, namoonihera* Hanani aarowa omuleela Asa, mwene a oYuda: “Mweenre mwaasa ekhavihero ya mwene a wAsiriya ohikhanle wa Yave, Mulukwaanyu, anakhotto a mwene a wAsiriya ahoopowa mmatatanimwanyu.

2 Nyaha 18:31

Asitokweene a ikaaro emoonakaru Yehoxafati, yuupuwela: “Ola ti mwene a oYixrayeli.” Vano yaarukunuwa weera emuwanane, vaheera Yehoxafati aakhuwela, ni Yave aamukhavihera. Muluku aahaasusihasa wa yoowo,

2 Nyaha 20:12

Ii! Mulukwaahu, Nyuwo khamwaathoriha? Hiyo khaninono ikuru soowaawanano anakhotto ancipale ala anrwa oniwanano. Khanisuwenle yooweera, mene maithwaahu anoowehani Nyuwo.”

2 Nyaha 20:32

Owo aaheettela iphiro sa Asa, atithawe, ni khaahingyeru; aapaka onaakhulelaawe Yave.

2 Nyaha 25:8

Naari murowaka ni ngwanaka oolipeene murima, Muluku onimoowinani ohoolo wa amwiittana, niwoko Owo onoowera owiniha ni ohiwiniha.”

2 Nyaha 26:7

Muluku aamukhavihera waawanano aFilisti, awArabiya yaakhala oGuri-Bahali ni aMewuni.

2 Nyaha 32:20

Niwoko na sootheene iyo, Hezekiya ni mprofeeti Yesaya, mwaana mulopwana a Amosi, yaakhuwelela wiirimu evekelaka.

2 Nyaha 32:8

Awosa arino paahi owera wa omutthu, vaheera Yave, Mulukwaahu, ori ni hiyo weera anikhavihere ni awane ekhottwaahu.” Muloko waalipiha murima ni masu a Hezekiya, mwene a oYuda.

Icipo 120:1

Moothanananimwaka kinimukhuwelela Yave ni Owo onnakaakhula.

Icipo 18:6

Ngwoovanimwaka kaamwiitthana Yave; kaamukhuwelela Mulukwaaka weera akikhavihere. Mpaanimwawe aahiiwa nsunaka; okhuwelawaka woophiya ohoolowawe; ohiiwa.

Icipo 20:5

Hiyo nnookhuwela moohakalalani Nyuwo mwaawinaka ni nnimweemexa ineneerosahu soowina mwa Nsina na Mulukwaahu. Yave aakhulele soovekelasanyu sootheene.

Icipo 20:7

Akina anroromela ikaaro sa ikavalu* ni akinatho mwa ikavalu*, vaheera hiyo ninroromela mwa Nsina na Yave Mulukwaahu.

Icipo 20:8

Awosa anooserenguwa, enamora, vaheera hiyo, nneemela oolipeene.

Icipo 22:5

Awosa yaahookhuwelelani ekhavihero, enavuluxiwa; yaahoororomelani enapwaneya.

Icipo 22:6

Wa soothesene, miyo muungu, nkihiyono mutthu, koopuheriwa ni kooramusiwa ni atthu.

Icipo 34:6

Mulopwana oohaawa ola aahiitthana ni Yave oomwiiwa; Owo oomoopola mwa sookacamihasawe sootheene.

Icipo 37:5

Mwinnyerere ephirowaanyu mmatatani mwa Yave; munroromele Yoowo ni Owo onoopaka ha:

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 9:19

Mvenye, Yave, muhitthunihere weera akhalaru mutthu awine; miloko sithorihiweke vamaithoniwanyu.

Icipo 91:15

Owo onookiitthana ni kinoomwaakhula; kinookhala ni yoowo mmakacamihoni; kinoomoopola ni kinoomuttittimiha.

Okhuma 14:10

Farawu* awaattamelaka, aYixrayeli yaaweha, enawoona awExipitu yaarweelasaka. Yaahoova vancipale, enamukhuwelela Yave.

Masu a Miruku 18:10

Nsina na Yave ti Nipuro Noolipaxa nootthawelamo; oororomeleya antthimakela weiwo, enakhala oolipeene.

Yesaya 10:20

Vanihukuni nenenenno oohalahala oYixrayeli; yaale eniikhale ni okumi a ekhapira ya Yakobe khayaaroromela yaale yaavulalinghe, mene anoomuroromelaxa Yave, Ootteela Yoowo a oYixrayeli.

Yesaya 2:22

Muhimuroromele mutthu mwa yoowo okumaawe onlikana ni iphumu mphulanimwaya! Otthuneiye mootani?

Yesaya 26:13

Ii! Yave Mulukwaahu, asipwiiya akina yaanilamula, mene hiyo ninttittimiha Nsinananyu paahi.

Yeremiya 1:19

Awosa animoowananani, mene khayoowinani, niwoko Miyo kiri ni nyuwo ni kinoowoopolani,” onghima Yave.

Levitiku 26:8

Athanu a nyuwosa animwaattharelela ncira, ni ncira a nyuwosa macira macireene muloko ni amwiittanaanyu animwiiviwa ni ekatana ohoolowanyu.

Amosi 5:9

Owo onruuhela wootutuxereya ophwata moolipa, ni ophwata onrweela esidade yoolipihiwa.

Zakariya 2:8

Vano Yave a ikuru sootheene oneera ha: “Owo okirumihenle ohokoloxera ovuwawawe variyari wa miloko soohuhunleni, niwoko ootheene aneera ootannyeni onimweera wiitutha.

Matheyo 16:18

Ni Miyo kinooleelani weera nyuwo ti Pedru, ni vanlukuni nna kinooteka ekerexaaka, ni milako sa oHadesi* khasirwa siwera owina ekerexa ela.

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Miteko 2:21

Ni khula mutthu aniitthane Nsina na Apwiya, anaavuluxiwe.’

Miteko 3:16

Ti niwoko na nroromelo mwa Nsina na Yeesu, Owo omulamihalaawe mulopwana ola nyuwo mummoonaanyu ni munsuwenlaanyu. Nroromelo ninrwa wa Yoowo noomvaha ola mpuha wookwanela, ntoko ootheene mungweraanyu woona.

Miteko 9:4

Owo aamorela vathi ni aahiiwa nsu naamweerela: “Sawuli, Sawuli, heeni nyuwo munkisoondaanyu?”

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

Deuteronomiyo 32:27

kinoova otthepwiwa wa amwiittanaaya kihitthunaka weera awo yeere: “Ntatanahu noowina – Yave, kheewo opankaawe.”

Deuteronomiyo 32:30

Khoongwereya mulopwana mmoha waattharelela asilopwana macira muloko naari asilopwana eeli waattharelela macira miloko miili ohikhanle weera Mwalaaya ori mwaathumiha naari Yave ori mwaahiya.

Deuteronomiyo 32:36

Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

Ahooleli 7:7

Yave aamweerela Gidiyoni: “Kinimoovuluxani ni asilopwana macira mararu awunre ntoko mwalapwa kiwinnyereraka aMidiyani mmtatanimwanyu. Asilopwana akinaawo mwaaleele ehokolowaseke.”

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 17:47

Ootheene ari va eniisuwele weera Yave khangwina avarelaka muteko ekatana hoye hoye nivaka. Ekhotto eri yawawe ni Owo onoowinnyererasani ootheene nyuwo mmatatanimwahu.”

1 Samuweli 2:9

Owo onnathokorora inaawo sa ootteela, vaheera atakhali anoomaalihiwa mweepiphini. Mutthu khangwina niwoko na ikuruxa;