2 Nyaha 13:10 - Emakhuwa Bible

¹⁰ Vaheera wa hiyo, Yave ti Mulukwaahu, ni khanimuhingye. Asaserdotaahu animurumeela Yave ekhaviheriwaka ni aLeevi ari a ekhapira ya Aharoni.

2 Nyaha 13:10 Iomraidhean Croise

2 Nyaha 13:11

Khula oxeexelo ni oxekuwa awosa ampaka sooveleela soohisa ni sa erubani* yoowunkhelaxa wa Yave. Awosa anthata ipaawu vameesa akhoveleliwe okhala ootteela, ni khula oxekuwa ampattiha soomwaleela sa onyaari orino nyetto sa eyuuma yoorikaxa yooreera. Vano, hiyo nintthariha soonyesereriha sa Yave, Mulukwaahu, nyuwosa munghiyalaanyu.

2 Nyaha 13:9

Vano, khamuhiyono nyuwosa ngwoomonle asaserdoti* a Yave, ekhapira ya Aharoni, ni aLeevi, munaathanla asaserdotaanyu ntoko simpakaaya miloko sikina? Akhalaru mutthu aneera iitteelihere mwaamombe mmoha ni anapunci a ikhondoolo athanneeli, onoowera othatuwa musaserdoti* a seiye sihikhanle miluku.

Nehemiya 13:30

Mooteene yoowo kaahaamwaramwaxa asaserdoti* ni aLeevi ootheene ni anamarwa. Kaahaathanlela yoovaraaya khula mutthu ni mutekwaawe.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Nuumeru 1:53

Wa soothesene, aLeevi ekungeke iheemasaya muxerexere wa etabernaakulu* enthokorora itthaabwa sa wiiraana, weera isara sa Muluku sihimorele muloko wa aYixrayeli. Ti aLeevi eniikosoope etabernaakulu* enthokorora itthaabwa sa wiiraana.

Nuumeru 16:40

ntoko Yave aalamulenlaawe mwa Moisesi. Eyo yaapakiwe ntoko eyuupuxero wa aYixrayeli weera ahikhaleru anaahise erubani* ohoolo wa Yave ahikhanle a ekhapira ya Aharoni. Ovirikanawaya onoothatuwa ntoko Kora ni anamattharaawe.

Yoxuwa 24:17

Aari Yave Mulukwaahu muneenaawe onikhumihale hiyo vamoha ni makholowaahu wExipitu, elapweene yeele ya okaporo apakaka sootikhiniha sitokotoko iye hiyo noonaka. Owo aanikosoopa munkwahanimwahu variyari wa miloko sootheene naaviraahu.