2 Nyaha 12:14 - Emakhuwa Bible

¹⁴ Owo aapaka yoonanara, niwoko murimaawe khawaamvarexexa Yave.

2 Nyaha 12:14 Iomraidhean Croise

1 Mamwene 14:22

Atthu a oYuda yaapaka soonanara vamaithoni wa Yave. Yaatannya isarasawe sa ehace opwaha yaapankaaya makholowaaya.

1 Nyaha 29:18

Ii! Yave, Muluku a makholowaahu, Abrahaamu, Isaki ni Yixrayeli, mpwahererihe mahuku ootheene ohaawela wu vamurimani wa mulokwaanyu, ni mpwahererihetho murimaaya woororomelani Nyuwo.

2 Nyaha 11:16

Wa ipuumba sootheene sa aYixrayeli – yaale yaari oolikaneene omwaasa Yave, Muluku a oYixrayeli, yaahaattharasa aLeevi mpaka oYerusaleemu weera empakele sooveleela Yave, Muluku a makholowaaya.

2 Nyaha 19:3

Wa soothesene, yookhala mwa nyuwo etthu yooreera, niwoko nyuwo mootapuxa elapo mwa nyiri soothipeleliwa sa Axera, munamwaasa Muluku ni murimaanyu wootheene.”

2 Nyaha 30:19

aninnyerera murimaaya omwaasa Muluku a makholowaaya, naari ehitteenle ntoko ontthuneyaaya vaNipuroni Nootteela*.”

Icipo 57:7

Murimaaka ti woomaaleleya, Muluku, murimaaka ti woomaaleleya. Kinimwiipa icipo sootthapela.

Icipo 78:37

Mirimasaya khasaamukhalela ekhaikhai ni khayaaroromeleiye ni wiiraanawawe.

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Yesaya 45:19

Nkuulumme muxiirini, mweelaponi yoosareya epiphi; nkeerenle ekhapira ya Yakobe: ‘Mukaasaase wa siiyo.’ Miyo, Yave, kinuuluma ekhaikhai, Miyo kinghima yeeyo eri ya ekhaikhai.

Ezekiyeli 33:31

Mulokwaaka onrwa wa nyuwo ntoko okhovelenlaaya opaka, ni onkilaathi weera wiiwe maswaanyu, mene khooneettela. Ngwuulumanimwaya ankhala ntoko oororomeleya, vaheera anghaawela owina woohiroromeleya.

Matheyo 7:7

Muvekele, ni mmwivahiwe. Mwaasaase, ni mmwiphanye. Mmane nsele, ni mmwihuleliwe.

1 aKorinto 15:58

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”