2 Nyaha 12:13 - Emakhuwa Bible

¹³ Mwene Rehobowami aahiilipihera moolamulani oYerusaleemu, anapwaherera olamula. Aapaceraawe olamula, aarino iyaakha miloko mixexe niimoha sa oyariwawawe, analamula oYerusaleemu iyaakha muloko niithannapiili, esidade aathanlalaawe Yave eriyari ya ipuumba sa oYixrayeli weera akhalihemo Nsinanawe. Amayawe yaari ngwAmoni, yiitthaniwa Naama.

2 Nyaha 12:13 Iomraidhean Croise

1 Mamwene 11:1

Wa soothesene, mwene Salomoni aahaasivela asithiyana anamarwa ancipale omuhiya mwaana muthiyana a Farawu* – aMowabi, awAmoni, awEdomi, aSidoni ni aHiti.

1 Mamwene 11:36

Kinoomvaha mwaniye epuumba emoha weera murumeiyaaka Davide akhalane mahuku ootheene namarandela vahiceni ya emwene oYerusaleemu, esidade kithanlalaaka ohelawo Nsinanaka.

1 Mamwene 14:21

Rehobowami, mwaana mulopwana a Salomoni aari mwene a oYuda. Aapacenre olamula aareeneno iyaakha miloko mixexe ni eyaakha emoha sa oyariwawawe, analamula oYerusaleemu iyaakha muloko niithannamosa, esidade Yave aathanlalaawe variyari wa ipuumba sootheene sa aYixrayeli weera Nsinanawe nikhalewo. Nsina na amayawe naari Nahama – ngwAmoni.

2 Nyaha 12:1

Rehobowami iitekihaleene ni iilipihenreene ntoko mwene, owo ni aYixrayeli ootheene yaahiya Nlamulo na Yave.

2 Nyaha 13:7

Rehobowami, mwaana mulopwana a Salomoni, nlelo areene mmiravo, ahisuwenleru etthu ni ahiweraka ongwanano, asilopwana akina akina a atakhali ni oohivareleya muteko yaahitakansa ni Yerobowami enangwanano Rehobowami.

2 Nyaha 6:5

‘Okhuma nihuku kikhumihalaaka wExipitu mulokwaaka, nkithanlaleru esidade ya ipuumba sa aYixrayeli weera kitekemo Empa ya Muluku wa Nsinanaka, hata khaawo kaamuthanlalaaka weera akhale muhooleli a aYixrayeli, mulokwaaka.

2 Nyaha 6:6

Vaheera vano kithanlale oYerusaleemu weera nikhalewo Nsinanaka, kinamuthanla Davide weera aalamule aYixrayeli, mulokwaaka.’

Nehemiya 13:1

Nihuku nne elivuru ya Moisesi yaasommwa orumihiwaka ohoolo wa muloko ni mwemmwe waahooniwa woolempwa weera ahikhaleru ngwAmoni hoye hoye mMowabe aneera atthuniheriwe munlokoni wa Muluku,

Nehemiya 13:26

Naari niwoko na othelathela ntoko wu Salomoni, mwene a aYixrayeli, aatthenkaawe. Variyari wa miloko sincipale khaariworu mwene ntoko yoowo. Owo annasiveliwa ni Mulukwaawe, ni Muluku aamukhaliha mwene a aYixrayeli ootheene. Waarookhalaru hiiho, mpaka yooweene aatthekiheya niwoko na asithiyana anamarwa.

Okhuma 20:24

Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

Ezekiyeli 48:35

Othanuwa wa mukhwipimwaya moothemwene okhalaneke ikilomeetru* ithanniixexe ni eriyari ya ekilomeetru* emoha. Okhuma ehuhuweene yeeyo woorowa ohoolo, esidade yiitthaniweke: ‘Yave ori vaava.’ ”

Deuteronomiyo 12:11

Vahoolowaya mwarowe nipuro Yave Mulukwaanyu aneeraawe athanle ntoko woomakawo Nsinanawe. Wu mwaronghe sootheene kinoolamulelaakani – sooveleelasanyu soohisa ni sa enama, mipatta sanaamulokwaanyu, samahala sooreerela ni seiyo sootheene mwaaroromelinghaanyu omvaha Yave.

Deuteronomiyo 12:5

Ohiyanawaya, mwaasaase nipuro Yave Mulukwaanyu aneeraawe athanle variyari wa ipuumbasanyu sootheene weera ahelewo Nsinanawe ntoko woomakawawe. Ti weiwo ontthuneya orowa

Deuteronomiyo 23:3

Ahikhaleru ngwAmoni naari mMowabe hata yakhalaru ekhapiraawe mpaka ekhapira yanaamuloko anaavolowe mmuthukumanoni mwa Yave.