2 Nyaha 1:8 - Emakhuwa Bible

⁸ Salomoni aamwaakhula: “Nyuwo mwaawoonihera onnene atithaka Davide, munakikhaliha namarandelaaya.

2 Nyaha 1:8 Iomraidhean Croise

2 Samuweli 22:51

Owo oongwinihaxa mwenaawe; ommoonihera onnene oottikittheliwaawe Davide ni ekhapiraawe wa mahuku ootheene!”

1 Mamwene 3:6

Salomoni aamwaakhula: “Mwaamoonihera murima wooreeraxa murumeiyaanyu, atithaka Davide niwoko owo aari oororomeleyaanyu, a murima wooreera ni a ekhaikhai. Mwaapwaherera omoonihera murima wooreera mumvahaka mwaana mulopwana, mwa yoowo okilaathiye vahiceniwawe olelo.

1 Nyaha 17:16

Vano mwene Davide aavolowa mutabernaakuluni, anakilaathi ohoolo wa Yave, anavekela: “Ii! Yave Muluku, miyo taani ni emusaaka eheeni, mpaka Nyuwo okiphiiha va?

1 Nyaha 28:5

Hiiho, eriyari ya anamwane ancipale okivanghaawe, oomuthanla Salomoni weera akilaathele ehice ya emwene ya Yave, oYixrayeli.’

1 Nyaha 29:23

Ola ti moota Salomoni aakilaathenlaawe ehice ya emwene ya Yave, aarandelaka atithawe Davide. Owo saamweettela nnene, ni aYixrayeli ootheene yannamwiiwelela.

1 Nyaha 29:28

Okhwiiye ni wuuluvala wooreera, apuhaka okumi mwincipale, muhakhu ni nttittmiho. Mwaniye mulopwana Salomoni ti aamurandenle.

Icipo 86:13

Vano okisivelawanyu ti otokotoko; mookivuluxa mookhwaani moowiixera.

Icipo 89:49

Ii! Yave, ori woowi osivelawanyu wa khalayi, mwa weiwo mwaamuroromelinghaanyu ni nlipelo Davide moororomeleyanimwanyu?

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.