2 Nyaha 1:11 - Emakhuwa Bible

¹¹ Muluku aamweerela Salomoni: “Yeenre ela ekhalaka yoohaawela ya murimaanyu, ni nyuwo muhivekelaka mihakhu, hata sooreela, naari nttittimiho, hoye hoye okhwa wa amwiittanaanyu, hata okumi mwincipale, mene miruku ni esuwelo weera mulamule mulokwaaka, mwa yoowo Miyo kookhalihenraakani mwene,

2 Nyaha 1:11 Iomraidhean Croise

1 Mamwene 10:24

Atthu a ilapo sootheene yaatthuna wuuluma ni Salomoni weera yiiwe miruku Muluku aamvanghaawe.

1 Mamwene 3:28

aYixrayeli ootheene yiiwakaru yoolakela ya mwene, yaamuttittimihaxa mwene, niwoko yaahoona weera aarino miruku sa Muluku wookwanihera ekhaikhai.

1 Mamwene 8:18

Wa soothesene, Yave aaweerela atithaka Davide: ‘Moopaka nnene wookhalano muupuwelo vamurimani okitekela empa muttittimiherelaka Nsinanaka.

1 Nyaha 28:2

Mwene Davide aaheemela, aneera: “Mukiwiriyane axunnaka ni mulokwaaka. Kaatthunaxa vamurimaniwaka oteka Empa ya Yave, weera mwemmo kiwiikaathi Arka* a wiiraana a Yave, moonyikaliheramo inaawo sa Mulukwaahu ni kaavaanela weera kiteke.

2 Nyaha 1:12

nyuwo munimwaakhela yeeyo mvekenlaanyu. Kinimoovahanitho mihakhu, sooreela ni nttittimiho, ohitonkwaawe okhalano akhalaru mwene aari nyuwo muhinaaye okhalano, ni khakhalatho anaakhalane vahoolo wa nyuwo.”

Masu a Miruku 14:8

Esuwelo ya mutthu a miruku ti okhalela iseru ephirowaawe, vaheera ohimiruku wa mulolo ti woolokottheya.

Masu a Miruku 23:7

niwoko owo onuupuwela paahi mutteengo wa seiyo. Owo ongweerelani: “Muceeke ni ngwureke!” Vaheera khanuuluma mweekhaikhaiyini.

Masu a Miruku 8:15

Mwa miyo mamwene anlamula, asitokweene ankhaliha ikano sa ekhaikhai;

Miteko 5:4

Eyo khayaahiyono yawinyu? Ni muthumihakaru yeeyo, musurukhutho waari wawinyu. Ewuupuwelingheni eheeni opaka etthuweene yeeyo? Nyuwo khamwaalokontthe atthu, mene Muluku.

aHeberi 4:12

Masu a Muluku ari ni okumi ni oowera, ni oowiithaxa oopwaha yakhalaru ekatana eniitha ninno ninno. Awo amvolowa mpaka weiwo ammwaramwaxaaya okumi ni munepa, munkumana makhuva ni ikhinda, ni anthoriha soowuupuwela ni soohaawela sa murima.

Yakobe 3:13

Taani variyariwanyu ori musuweli ni orino wiiwexexa? Owo oonihere yeeyo ni mweettelowaawe wooreera, ni ni miteko soopakiwa ngwiiyevihani onrweela mmirukuni.

Yakobe 3:17

Mirukutho sinrweela wiirimu siri toko sootteela; vahoolowaya siri sa murettele, soosiveleya, sowiiwexexeiya, soosareya ikharari ni soowiima sooreera, soohikhala ni nthalu ni sa ekhaikhai.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.