2 Mamwene 1:3 - Emakhuwa Bible

³ Vanonto ndyelo a Yave aamweerela Eliya, muTixebi: “Murowe, mwaakumaneno anamitthenga a mwene a oSamariya, mwaakohaka: ‘Apaale Khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni?’

2 Mamwene 1:3 Iomraidhean Croise

1 Mamwene 11:33

Kinoopaka yeeyo niwoko na okihiyawaya, emulapaka Axeteroti, muluku muthiyana a aSidoni, Kemoxi, muluku a aMowabe ni Moleki, muluku a awAmoni. Khayeentte mphironimwaka, naari khaapanke yeeyo kintthunaaka, hata khayiiwelenle ikanosaka ni malamulowaaka ntoko aapankaawe Davide, atithawe Salomoni.

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

1 Mamwene 18:1

Eviraleene ehuhu yincipale, vayaakhani yanaararu ehirupaka epula Yave aamweerela Eliya: “Murowe, mwiixoonihere wa Ahabi ni Miyo kinoorupiha epula mweelaponi.”

1 Mamwene 18:36

Mweehuhuni ya yooveleela mprofeeti Eliya aaheemela, anavekela ohoolo wa altaari*: “Ii! Yave, Muluku a Abrahaamu, Isaki ni Yakobe, ootheene olelo esuwelihiweke weera Nyuwo muri Muluku a oYixrayeli ni weera miyo ti murumeiyaanyu kimpaka sootthene iya niwoko na nlamulonanyu.

1 Mamwene 19:5

Vano aahiixaatalela vathi wa mwiri, anakona. Wootutuxereya ndyelo aamutava, anamweerela: “Mvenye, muce.”

1 Mamwene 19:7

Ndyelo aahokolowatho, anamutava, anamweerela: “Mvenye, muceeke, niwoko mwaahica mukwahaanyu onimootepelani.”

1 Mamwene 21:17

Vano Yave aamweerela Eliya, muTixebi:

2 Mamwene 1:2

Vano nihuku nimoha Ahaziya aamora vaxanelani ya ekwartwaawe ya osulu oSamariya, anavulalaxa. Aahaarumiha anamitthenga aweerelaka: “Murowe, mwamukoherere Bahali-Zebubi, muluku a wEkeroni kaariki kilame eretta ela.”

2 Mamwene 1:6

Awosa yaamwaakhula: “Mulopwana mmoha oonikumanano, ananeerela: ‘Muhokoleele wa mwene oorumingheni ni mwamuleele: “Yave oneera ha: Apaale Khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni? Tivawo nyuwo muneeraanyu muhilame. Vekhaikhai, munimookhwa!” ’ ”

2 Mamwene 1:8

Awosa yaamwaakhula: “Owo owanre ekuwo ya exapala iiphitelenleene laamba a exapala.” Ahaziya aawaakhula: “Ti Eliya, muTixebi.”

2 Mamwene 5:15

Vahoolowaya Nahamani ni arumeiyaawe ootheene yaahokoleela vaate wa mulopwana a Muluku. Aaheemela ohoolo wa Elixa, anamweerela: “Vano koosuwela weera khoowoworu muluku mukina mweelaponi yootheene ahikhanle Muluku a oYixrayeli. Dyoontte, mwaakhele yoovaha ya murumeiyaanyu.”

2 Mamwene 5:8

Elixa, mulopwana a Muluku, iiwakaru weera mwene a oYixrayeli aahaahula ikuwosawe, aamurumihela mutthenga ola: “Mwaahulenleni ikuwosanyu? Mulopwana owo arweeke wa miyo ni owo onoosuwela weera ookhala mprofeeti oYixrayeli!”

Icipo 76:1

oYuda Muluku ti oosuwanyeya; Nsinanawe ti ntokweene oYixrayeli.

Yesaya 8:19

Akhala mukina ongweerelani: “Mwaakohakohe yaale anaahera ihako ni anuuluma ni anamakhwa, yaapaapaka ni yuulumaka muxiirini,” vano khoontthuneya weera muloko omukoherere Mulukwaaya? Munaakohererela heeni anamakhwa ngweerelaka akumi?

Yoonasi 2:8

Yaawo anroromela miluku sikina, anramusa ikharari sa Muluku.

Marku 3:22

Ni anamawera a nlamulo* yaarweenle oYerusaleemu yeeratho: “Owo ookhalano Beelzebuli. Ti ni ikuru sa muneene a minepa soonanara Owo onoomolaawe minepa soonanara.”

Miteko 8:26

Ndyelo mmoha a Apwiya aamweerela Filipe: “Murowe ohitto wa ephiro yoothowa atthu enrowa oYerusaleemu mpaka oGaza.”

1 Samuweli 17:46

Olelo Yave onoowinnyerera mmatatanimwaka ni miyo kinimoohita. Olelo vaava kinoovaha mittembo sa anakhotto a aFilisit ipalame sa wiirimu ni axinama ooluwa a ntuphini ni elapo ya vathi yootheene enoosuwela weera ookhala Muluku oYixrayeli!