2 Mamwene 1:10 - Emakhuwa Bible

¹⁰ Eliya aamwaakhula mutokweene ole: “Miyo kaareene mulopwana a Muluku, okhuruwe mooro wiirimu woohiseeni nyuwo ni anakhottwaanyu miloko mithanu!” Vano mooro waakhuruwa wiirimu, onamuhisa mutokweene ni anakhottwaawe.

2 Mamwene 1:10 Iomraidhean Croise

1 Mamwene 22:28

Mikaya aamwaakhula: “Nyuwo mwahokolowa oolipeene, Yave khuulumme mwa miyo.” Aapwaherera weera: “Mwiiwe nnenesene, atthu ootheene nyuwo yeeyo kinghimaaka!”

2 Mamwene 1:11

Mwa yeeyo mwene aamurumiha mutokweene mukina a anakhotto miloko mithanu vamoha ni anakhottwaawe omwaasa Eliya. Mutokweene ole aamweerela: “Mulopwana a Muluku mwene onlamulela weera mukhuruwe woowaakuveya!”

2 Nyaha 36:16

Vaheera awosa yaahaatthebwa anamitthenga a Muluku, enanyoosa maswaawe, ewuulihihaka muru maprofeetaawe, mpaka isara sa Yave opattela mulokwaawe, ni khawaariworu osemba nthorihelo.

Yobi 1:16

Nlelo owo uulumaka, aaphiya namutthenga mukina aneera: “Mooro wa Muluku woomora wiirimu, onahisa woomalela ikhondoolo ni arumeiyi. Ti miyo paahi koopongwe weera koothalihereni.”

Icipo 105:15

Muhaatave oottikittheliwaaka; muhaananarihe maprofeetaaka.

Icipo 106:18

Mooro waakhumelela eriyari ya anamattharaaya; malumaaya yaahaalaliha atakhali.

Daniyeli 3:22

Olamula wa mwene waari woowaakuveya ni niikho naavihaxa moota wooweera malumaaya yaawiiva anakhotto yaamuronghale Xadraki, Mixaki ni Abedneku.

Daniyeli 3:25

Owo aaweerela: “Moone! Kingwoona asilopwana axexe ootaphuliweene ni ooreereleene, yeetteettaka mmooroni, ni anaaxexe ole onlikana mwaana a miluku.”

Daniyeli 6:24

Mwene aalamula weera asilopwana yaamoothenre Daniyeli moota woolokotheya eruuhiwe ni evonyeriwe munlittini na amwatto vamoha ni axaaraaya ni anamwanaaya. Awosa ehinaaye ophiya vathi, amwatto yaahaakaphula, enapwexakasa makhuvaaya ootheene.

Levitiku 10:2

Vano Yave aarumiha mooro onaalaliha ni yaahookhwa vamaithoni wa Yave.

Nuumeru 11:1

Waaheereya weera muloko waapacera wiikhupanyera niwoko na sookacamihasaya, emuleelaka Yave. Owo awiiwakaru, isarasawe saapatta ni mooro wa mpatta wa Yave waahaahisa eriyaraaya onalaliha mukhwipi mukina wa waakonelingwe.

Nuumeru 16:35

Vano waahoorwa mooro waakhumelela wa Yave onaalaliha asilopwana macira meeli ni miloko mithanu yaaveleela erubani*.

Matheyo 21:41

Awo yaamwaakhula: “Owo anaawiive moota woowoopiha atthu ootakhala ale, ni anaawoolihe ematta ya iwuuva* anamalima akina eneera emvahe mpattaawe wa soowiima ehuhu ya ohepha.”

Luuka 9:54

Yoonaka yeeyo, Yakobe ni Yohaane yaamukoha: “Apwiya, muntthuna weera hiyo niitthane mooro wa wiirimu weera waananarihe?”

Miteko 12:19

Alamulaka omwaasaasa nnenesenene Pedru, mene ehimphwanyaka, Herodi aahaakohakohaxa anamalipelela ni aahaalamula weera yiiviwe. Vahoolowaya, Herodi aarowa akhumaka oYudeiya mpaka oSesareya, ni aamaka weiwo ehuhu ekina.

aHeberi 12:29

Vano, Mulukwaahu ti mooro woolalihaxa.

Ethupululo 11:5

Akhala mukina ontthuna waananariha, mmwaanomwaya onuukhume mooro oneera waahise amwiittanaaya. Awo antthuna weerera waapaka yoonanara, eniikhwe mooteene yoowo.