2 aKorinto 9:10 - Emakhuwa Bible

¹⁰ Yoole onimvaha mmiso yoowo onaala ni yooca wa yoowo onca, Owo anoovaheeni ni anaandyeerere mmiso, ni anunnuwihe soowiima sa waakhuleliwawanyu ni Muluku.

2 aKorinto 9:10 Iomraidhean Croise

Epacerero 47:19

Muhinihiye nikhwaaka ni imattasahu sikhwelakhwelaka nyuwo moonaka! Munithume hiyo ni imattasahu naakakhanyihaka ni etrigu. Hiiho hiyo ni imattasahu nnikhale ipottha sa Farawu*. Munivahe etrigu weera nikhale ni okumi ni nihikhwe etala nitho weera elapo ehikhale meekhaaya.”

Masu a Miruku 11:18

Mutakhali onaakhela nlivo noolokottheya, vaheera yoowo onaala moota woowookoleleya onghepha ntthuvelo noororomeleya.

Namalaleiya 11:6

Mwaale oxeexelo mmiswaanyu, ni naari oxekuwaka, muhiikhuraane, niwoko khamusuwenle yeeyo eniikhumelele; apaale ela hoye hoye ele ti eneera yiime hoye hoye soopiili sinooreera.

Yesaya 55:10

Epula ni etthabwe enrweela wiirimu ni kheenghokoleelawo ehinaanihale etthaya, emelihaka ni epombihaka weera etthaya eruwere mmiso ni yooca wa namalima.

Hoxeya 10:12

Mwiixaalele wookoleleya, muhephe yoowiima ya osivela woohimala, ni mpittikuxe etthaya yoohittipuriwa, niwoko ela ehuhu yoomwaasa Yave mpaka aneeraawe arwe ni oorupihelaseni waakhuleliwa ni Muluku.

Matheyo 6:1

Mwiipasoope weera muhipake mitekosanyu sa ororomeleya mwaatthuni weera mooniwe ni atthu. Mwapaka seiyo, khamurwa mwaakhela ntthuvelo wa Atiithi ari wiirimu.

2 aKorinto 9:12

Muteko wa Muluku ola nyuwo mumvaraanyu, khoonkhavihera paahi soohaawela sa ootteela, menetho ti nthowa na omttottopela vancipale Muluku.

2 aKorinto 9:6

Muupuwelele: Yoole onaala vakhaani, anaahephetho vakhaani, ni yoole onaala yoowaatta, anaahephetho yoowaatta.

aGalata 3:5

Yoowo onoovahani Munepa ni ompaka sootikhiniha variyari wa nyuwo, ompaka iyo niwoko muniiwelela malamulo, hoye hoye niwoko moororomela yeeyo mwiiwalaanyu?

awEfeso 5:9

niwoko yoowiima ya waara eri oreera murima, ororomeleya, ni ekhaikhai.

aFilipi 1:11

Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

aFilipi 4:17

Khoohiyono weera miyo kinaasaasa soovaha, mene kinghaawela yeeyo eneera yaandyeerere ntthuvelonanyu.

1 aTesalonika 3:12

Apwiya yunnuwihe moota woowaatta osivelawanyu murinaanyu mukina ni mukhwaawe ni wa ootheene, mooteene yoowo osivelawahu woowaatta wa nyuwo.

1 aTesalonika 4:10

Vekhaikhai munaasivela axunna ootheene a elapo yootheene ya oMasedoniya. Wa soothesene, axunna, ninoonyesererani weera mutepaxe opwaherera mwa yeeyo.