2 aKorinto 7:9 - Emakhuwa Bible

⁹ vano kinghakalala, khoohiyono niwoko nyuwo moothananihiwa, mene niwoko othananawanyu wohoorukunxani mirima. Vano, nyuwo moothanana ntoko Muluku aatthunaawe, tivawo nyuwo muhinanarihiwaanyu ni hiyo hata vakhaani.

2 aKorinto 7:9 Iomraidhean Croise

Icipo 38:18

Kinlapa soonanarasaka ni koothananiheya ni sootthekasaka.

Namalaleiya 7:3

Fataari othanana ohikhanle otheya, niwoko ekhove yoothanana enreeriha murima.

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Matheyo 3:8

Muruwere soowiima sinoonihera orukunxa murima!

Luuka 15:10

Miyo kinooleelani weera mooteene yoowo wookhala ohakalala vamaithoni wa andyelo a Muluku niwoko na namattheka mmoha onrukunxa murima.”

Luuka 15:32

Ontthuneyatho weera hiyo nimutthapeleke ni nimuhakalaleleke, niwoko munneiyo ole aahookhwa ni oovenyerera; aariheya ni vano oophwanyeya.’”

Luuka 15:7

Miyo kinooleelani weera mooteene yoowo onuukhale ohakalalaxa wiirimu niwoko na namattheka mmoha onrukunxa murima, opwaha wa atthu oororomeleya miloko mithannamixexe ni athannaaxexe ahintthuneya orukunxa murima.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 2:16

Wa oopacera, nri wunkhela wa okumi, wa anaaveeli, wunkha wookhwa. Vano, taani owenre yeeyo?

2 aKorinto 7:8

Hata ekarattaaka yoothananihani, nkinrukunxa murima. Kaaroorukunxaru murima – niwoko kinoona weera ekarattaaka yohoothananihani, hata wa ehuhu vakhaani –