2 aKorinto 7:10 - Emakhuwa Bible

¹⁰ Othanana ntoko otthuna wa Muluku onruwera orukunxa murima onkeliha moovuluwani, ni othanana iwo woovira, mene othanana wa elapo ya vathi onruwera okhwa.

2 aKorinto 7:10 Iomraidhean Croise

Epacerero 30:1

Rakheli oonaka weera khaamuyarela Yakobe anamwane, owo aahaakhalela nrima a munneiye, anamweerela Yakobe: “Mukiyarihe hoye hoye kikhwe!”

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Samuweli 13:4

Owo aamukoha Amenoni: “Heeni nyuwo, mureene mwaana mulopwana a mwene, muraanyuno ekhalelo yoothananaxa nihuku ti nihuku? Mukileele, enoovirani.” Amenoni aamwaakhula: “Kinimusivela Tamari, murokoriye munnaka, Abesalomi.”

2 Samuweli 17:23

Ahitofeli oonakaru weera mirukusawe khasaakhuleliwe, aangwela buurwaawe, anarowa owaani esidade aayareliwaawe. Aareherera itthusawe sootheene, aniitthukelela. Vano aavithiwa onihiyeni na atithawe.

1 Mamwene 21:4

Hiiho Ahabi aarowa owaani oonyoonyiweene ni ooriipiweene murima niwoko Naboti aamweerenlaawe: “Nkingwera woovahani yoohiyeriwa ya makholowaaka.” Aahiixaatalela vabeettinivawe atthunkeene eyano, ahuluwenleene okina, akhoottaka oca.

Icipo 38:18

Kinlapa soonanarasaka ni koothananiheya ni sootthekasaka.

Masu a Miruku 15:13

Ohakalala wa murima onooneya owiitho, vaheera murima woothanana onttikittha munepa.

Masu a Miruku 15:15

Mahuku ootheene a namahooxiwa ti ooripiha murima, vaheera murima wootteeliwa ompwaherera okhala woohakalaleene.

Masu a Miruku 17:22

Murima woosareya ohakalala ti murette wa erutthu, vaheera okumi woohooxeya onuumiha makhuva.

Masu a Miruku 18:14

Munepa wa mutthu onkhavihera murettani, vaheera taani anaavilele munepa woottikittheya?

Namalaleiya 7:3

Fataari othanana ohikhanle otheya, niwoko ekhove yoothanana enreeriha murima.

Yeremiya 31:9

Anoohokolowa yiinlaka, mene Miyo kinooweettiha keerelaka waapepesa. Miyo kinooweettiha kaaronghaka mmanyoolokoni kaavirihaka mphironi moothatawala, niwoko kiri Tiithi a aYixrayeli ni Efrayimi ti mwanaka a ntthaara.

Ezekiyeli 7:16

Ootheene eneera ehale ni eneera yoopowe, anookhala mmanyaakoni yiipulelaka ntoko ikhunda sireene mmareyareyani, khula mutthu niwoko na yootakhalaawe.

Yoonasi 3:10

Oonaka seiyo awo yaapankaaya ni moota yaahingyaaya iphirosaya soonanara, Muluku aaceendya soowuupuwelasawe ni khaaphwante ntoko aawoopopinghaawe.

Yoonasi 3:8

Mwiikhuneele isaakho, atthu ni axinama! Oottheene emundyoonttelele Muluku ni ikurusaya sootheene. Muhiyeke iphiro soonanara ni nipuhero.

Yoonasi 4:9

Mene Muluku aamweerela Yoonasi: “Nyuwo moophwanela onyoonyaxiwa moota ola mwaha wa mwiri?” Owo aamwaakhula: “Aani koophwanela! Koonyoonyiwa mpaka otthuna okhwa!”

Matheyo 26:75

Pedru aahuupuwelela masu Yeesu aamuleenlaawe eeraka: “Ahinaaye wiipa muthupi, munookiruna imaara tthaaru.” Avenyaka vaavaale, aahiinlaxa omvoreiyaka murima.

Luuka 15:10

Miyo kinooleelani weera mooteene yoowo wookhala ohakalala vamaithoni wa andyelo a Muluku niwoko na namattheka mmoha onrukunxa murima.”

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

2 aKorinto 12:21

Kinoovatho weera kooxekurakani veeli, Mulukwaaka anaakiyevihe ohoolowanyu, ni nkikhupanye niwoko na ancipale yaatthenke khalayi ni ahirukunxale mirimasaya wa ohitteela, oraruwa, ni ohuureya yaapankaaya.

2 aKorinto 7:9

vano kinghakalala, khoohiyono niwoko nyuwo moothananihiwa, mene niwoko othananawanyu wohoorukunxani mirima. Vano, nyuwo moothanana ntoko Muluku aatthunaawe, tivawo nyuwo muhinanarihiwaanyu ni hiyo hata vakhaani.

aHeberi 12:17

Ntoko musuwenlaanyu, vahoolowaya, ahaawelaka waakhela nreeliho, aakhoottiwa. Khaawenre oceendya yeeyo yaamukhumelenle, naamwi aasaasaka nreeliho ni maithori.

1 Samuweli 30:6

Davide aathananaxa niwoko asilopwana yaatthuna omvonya maluku. Khula mutthu a yaale aatthukhuruwaxa niwoko na anamwanaawe asilopwana ni asithiyana. Vaheera Davide aahiilipihera mwa Yave Mulukwaawe.