2 aKorinto 5:10 - Emakhuwa Bible

¹⁰ Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

2 aKorinto 5:10 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

1 Mamwene 8:32

vano mwiiwe wiirimu ni mwaakhuleke. Muthanleke variyari wa arumeiyaanyu, munthorihaka yoowo orino nthowa munttaruxelaka yoonanara opankaawe. Mumpakele ekhaikhai yoowo oohinthowa, mooniheraka hiiho weera khanono mulattu.

1 Mamwene 8:39

vano mwiiwe wiirimu munkhalaanyuwo ni mulevelele. Mumvahe khula mutthu yeeyo omphwanelaawe, niwoko Nyuwo munsuwela mirima sa atthu ootheene. Aani ti Nyuwo paahi munsuwela murima wa khula mutthu.

Yobi 34:11

Owo onimutthuvela mutthu attharihaka yeeyo opankaawe, ni onimvaha yeeyo emphwanela mweettelowaawe.

Icipo 62:12

Osivela woororomeleya ti wawinyu, Nyuwo, Yave. Vekhaikhai khula mutthu munoomutthuvela yeeyo omphwanelaawe.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Namalaleiya 11:9

Ohakalale mmiravo hiiha oraawo mukithi! Otteeliwe murimaawo mmahukuni a omiravowaawo! Orowe weiwo onoolamulelaayawo murimaawo, mpaka anoonaayawo maithwaawo; Vaheera osuweleke weera mwa itthu sootheene iyo onoomwaakhulano Muluku.

Namalaleiya 12:14

Vano, Muluku onooruuhela nthorihelo sootheene sipakingwe, vamoha ni seiyo siipithihingwe – ekhalaka yooreera naari yoonanara.

Ezekiyeli 18:30

Ii! Muloko wa oYixarayeli, vanonto Miyo kinimoothorihasani, khula mutthu kimuttharihelaka mweettelowaawe, onghima Yave onlamula sootheene. Murukunxe murima! Muhiye soonanarasanyu sootheene weera yoottheka ehoomoroxeni.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Miteko 10:42

Owo aanirumihale olaleera muloko wa atthu ni okhalela onamoona weera Owo ti Yoowo Muluku aamukhalihalaawe Mphuki a akumi ni akhwiiye.

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

aRooma 2:16

Eyo eniikhumelele vanihukuni Muluku aneeraawe athorihe ixiiri sa atthu mwa Yeesu Kristu, ntoko anthalihaaya masu ooreeraxa miyo kinlaleiyaaka.

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

1 aKorinto 4:5

Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

2 aKorinto 7:3

Nkinghima yeeyo weera koothoriheni. Kohooleelani weera muri mmurimanimwahu moota wooweera noolikana okhwa, hoye hoye okhala vamoha ni nyuwo.

awEfeso 6:8

niwoko moosuwela weera Apwiya eniimutthuvele khula mutthu wa yooreera ompakaawe, hata ekhale epottha, naari akhale neethi.

aHeberi 9:27

Mooteene yoowo okhaliheriwaawe mutthu okhwa emaara emoha paahi ni vahoolowaya athorihiwe ni Muluku,

1 Pedru 4:5

Wa soothesene, awo eniimwaakhule Yoole ori oolikana weera aathorihe akumi ni akhwiiye.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

Ethupululo 22:12

“Moone kinrwa vaanaano vaava. Ntthuvelonaka nri ni Miyo ni nkimutthuvele khula mutthu mwaha wa yeeyo aapakaawe.

1 Samuweli 2:10

yaale ari amwiittanaawe Yave anoophwatiwa. Wiirimu Owo onoowoopelasa etari; Yave onoothoriha elapo yootheene. Owo onoomvaha ikuru mwenaawe, amulipihaka oovariwaawe.

1 Samuweli 2:3

Muhuulume ngwiixoonani hata mmwaanomwanyu ohikhume wiikuxerera, niwoko Yave ti Muluku musuweli ni Owo onthoriha miteko sa atthu.