2 aKorinto 4:6 - Emakhuwa Bible

⁶ Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 aKorinto 4:6 Iomraidhean Croise

Epacerero 1:3

Muluku aaheera: “Okhale waara” ni waakhala.

Icipo 63:2

Koowoonani vaNipuroni Nootteela*, kiwehawehaka ikurusanyu ni ovuwawanyu.

Icipo 74:16

Othana ti wawinyu ni hiihotho ohiyu; Nyuwo moopattuxa nsuwa ni mweeri.

Icipo 90:16

Mitekosanyu soonihereye vamaithoni wa arumeiyaanyu ni waarawanyu wa anamwanaaya.

Yesaya 35:2

Sinoottuva ithutu; sinoohakalala vancipale sikhuwelaka ni murima wootteela. Nnoovahiwa ovuwa wa oLibanu ni mpaka waara wa oKaremeli ni oXaroni. Weiwo Yave onimoonihera ovuwawawe ni waara wa Mulukwaahu.

Yesaya 40:5

Vano ovuwa wa Yave onimooniheriwa ni omutthu wootheene onimoona. Vanonto, ohimale ti Yave.”

Yesaya 45:7

Miyo kimpaka waara ni kinkhaliha epiphi. Miyo kinruuha onnene ni kimpakiha erisa. Miyo, Yave, kimpaka sootheene iyo.

Yesaya 60:2

Moone, epiphi enkhuneela elapo ya vathi, ewiriphi eri vasulu wa miloko, mene mwa nyuwo onoomwaleelani Yave ni ovuwa wa Yave onooneya mwa nyuwo.

Luuka 10:22

Atithaka aakivaha itthu sootheene. Khaawo onsuwela weera Mwaana taani, ehikhanle Atiithi, ni khaawo onsuwela weera Atiithi taani, ahikhanle Mwaana ni yaale Mwaana ontthunaawe waathupululela.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 11:40

Yeesu aamweerela: “Miyo nkooleenleni weera mwaroromela, munimoona ovuwa wa Muluku?”

Yohaane 12:41

Yesaya aahima yeeyo niwoko aahoona ovuwa wa Yeesu ni aahuuluma sa Yoowo.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

1 aKorinto 12:8

Mukina omvahiwa ni Munepa nsu na miruku, ni wa mukina nsu na yoosuweliha ni Munepeene Yoowo mmoharu.

2 aKorinto 2:10

Nyuwo mwamulevelela mukina, miyotho kinoomulevelela. Waari weera yaakhala etthu yootthuneya olevelela, koolevelela ohoolo wa Kristu niwoko na woosivelaniwaka,

2 aKorinto 3:18

Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

awEfeso 1:17

Kimvekela weera Muluku a Apwiyaahu Yeesu Kristu, Atiithi oovuwaxa, yoovaheeni munepa wa miruku ni wa eyoonihero weera munsuwele nnenesene.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 5:8

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara,

aFilipi 2:6

naamwi Owo areene Muluku, khaatthunne ovarexexa ikurusene seiye.

aKolosi 1:15

Owo ti Ekhalelo ya Muluku oohooneya, Ntthaara na ephattuwelo yootheene,

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 6:4

Vano, wakhala weera atthu amwaleeliwe emaara emoha, yaalawiha mahala a wiirimu, yaakhenle Munepa Wootteela,

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

2 Pedru 1:19

Nsu noolaleiwa ni maprofeeti nookhalano noolipaxa, ni wa nyuwo onuukhale wooreera mwiiwelela nnenesene nsu nno, ntoko nireene onyaari onaara vanipuroni nri ni epiphi, mpaka oyaaka ni oxa, ni Tthanda aakhumme mmurimanimwanyu.