2 aKorinto 4:17 - Emakhuwa Bible

¹⁷ Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

2 aKorinto 4:17 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

Icipo 119:67

Kihinaaye ottaruxiwa, miyo keetta ooriheiyeene, mene vano kiniiwelela maswaanyu.

Icipo 119:71

Wookireerela ottaruxiwawaka weera kixuttere ikanosanyu,

Icipo 30:5

Vano isarasawe simpwaherera vakhaani paahi, vaheera murimaawe wooreera ompwaherera wa mahuku ootheene. Wiinla onoowereya opwaherera moohiyuni, mene ohakalala onoophiya oxeexelo.

Icipo 31:19

Ii! Ti otokotoko oreerawanyu murima mwaathokororenlaanyu yaale angwoovani. Vamaithoni wa atthu munimwaavaha oreerawanyu murima yaale anootthawelelani Nyuwo.

Icipo 73:24

Munkihoolela ni mirukusanyu ni vahoolowaya munookaakhela moovuwanimwanyu.

Yesaya 26:20

Murowe, mulokwaaka, mwavolowe mukwaartuni ni mwiiwalele. Mwiipithe vakhaani mpaka isarasawe sineeraaya sivire.

Yesaya 54:8

Musarani ni mweehuhuni emoha kohoohuluwani, mene kinoowooniherani murima wooreera ni ikharari soohimala,” oneera Yave, Mvuluxaanyu.

Yesaya 64:4

Okhuma khalayi khawowo iiwale hata naaru niiwexenxe naari niitho naamoonne Muluku mukina muhikhanle Nyuwo munaavarela muteko yaale anoororomelani.

Nuumeru 5:28

Wa soothesene, muthiyana aahivaliheya, anakhala ootteeleene, khahaawa nttaruxo ni onoowera oyara.

Matheyo 5:12

Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Luuka 6:23

Mutteeliwe nihuku nenno ni mutuphe ni ohakalala, niwoko ntthuvelonanyu ti ntokotoko wiirimu. Vano, makholowaaya yaapakenle maprofeeti mooteene yoowo.

Miteko 20:23

ohikhanle paahi weera musidadeni sootheene, Munepa Wootteela onnakooperera weera otthukiwa ni soohooxa sinookiweherera.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

aRooma 8:18

Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

aRooma 8:37

Mwa itthu sootheene seiyatho, nri anamawina oopwahaxa niwoko na Yoole onisivenle.

1 aKorinto 2:9

Wa soothesene, ntoko elempwalaaya: “Itthu niitho nihoonalaaya, ni naaru nihiiwalaaya, ni ohuupuwenlaawe mutthu, ti seiyo Muluku aarehererenlaawe yaawo animusivela.”

2 aKorinto 3:18

Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.

aFilipi 1:19

Vano koosuwela weera, niwoko na mavekelowaanyu ni ekhavihero ya Munepa wa Yeesu Kristu, yeeyo ekikhumelenle eniimalele ni ovuluxiwawaka.

2 aTesalonika 1:4

Tivawo niniivuwiha mwaha wa nyuwo vamaithoni wa ikerexa sa Muluku niwoko na nroromelo ni ovilela munooniheraanyu moosoondiwani wootheene ni mmahooxoni ootheene nyuwo mumvilelaanyu.

2 aTesalonika 1:6

Ti ekhaikhai weera Muluku anaalivele ni soohooxa yaale anoohooxani nyuwo,

2 Timootheyo 2:10

Tivawo kimvilelaaka sootheene niwoko na oothanliwa, weera awotho yaakhele ovuluxiwa ori mwa Kristu Yeesu ni ovuwa woohimala.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

1 Pedru 4:7

Emalihero ya itthu sootheene yookhuveela. Tivawo, mukhale oowehaweha ni oowiisuumaaliha, weera muvekele.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

Yuda 1:24

Wa Yoole ongwera owooceelihani wuuwa ni owooniherani vahoolo wa ovuwawawe woohikhala nlepa ni moohakalalani otokotoko,