2 aKorinto 2:17 - Emakhuwa Bible

¹⁷ Ovirikanawaya hiyo ni akina ancipale, hiyo khaninthumiha masu a Muluku weera niwine. Hoye! Ohiyanawaya, mwa Kristu hiyo ninlaleiya ni ekhaikhai ohoolo wa Muluku, ntoko asilopwana oorummwa ni Muluku.

2 aKorinto 2:17 Iomraidhean Croise

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Matheyo 24:24

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Miteko 20:20

Moosuwela weera nkaahovela woolaleerani yootheene yeeyo yaari ya mpuhaanyu, kaahooxuttihanitho sootheene mwaatthuni ni empa empa.

Miteko 20:27

niwoko kohoolaleerani otthuna wootheene wa Muluku.

1 aKorinto 5:8

Tivawo, nipake efesta khoohiyono ni eferementu ya khalayi, hata ni eferementu ya soonanara, naari oraruwa, mene ni ipaawu soohikhalano eferementu soohootha, ni sa ekhaikhai.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 1:18

Wa soothesene, ntoko Muluku oraawe oororomeleya, mutthengaahu wa nyuwo khoohiyono “aani” ni “hoye,”

2 aKorinto 11:11

Niwoko heeni? Niwoko miyo nkinoosivelani? Muluku oosuwela weera kinnoosivelani!

2 aKorinto 12:19

Nyuwo munuupuwela weera ehuhu yootheene ela hiyo nniixaakiha ohoolowanyu? Ninuuluma ntoko atthu ari mwa Kristu vamaithoni wa Muluku, ni sootheene nimpakaahu, ti weera noolipihereni.

2 aKorinto 4:2

Ohiyanawaya, hiyo ninnyanyala itthu soovithiwa ni soowuulihiha muru. Khanimvarela muteko soolokottha, hata khanimpiritula masu a Muluku. Hoye! Nithaliheraka ekhaikhai nnenesene, hiyo nniixoonihera wa mirima sa atthu ootheene ohoolo wa Muluku.

2 aKorinto 6:7

mmasuni a ekhaikhai, mukuruni sa Muluku, ni ikapwitthi sa ekhaikhai sikhaleke sa owana, naari wiixaakiha,

aGalata 1:6

Kiniitikhina weera nyuwo munimuhiya woowaakuveya Yoole aawiitthanneni ni mahala a Kristu weera mutthare masu makina.

1 aTesalonika 2:4

Ohiyanawaya, ninuuluma ntoko asilopwana oowaakhuleliwa ni Muluku avahereriwe masu ooreeraxa. Khannuuluma hiiho weera naasivelihe atthu, mene wa Muluku onsuwela mirimasahu.

Titu 1:11

Vano, ontthuneya weera awo emaalihiwe, niwoko annanariha imusi sikina, exuttihaka itthu soohitthuneya niwoko na wiinlela mihakhu.

aHeberi 11:27

Munroromeloni aavenya wExipitu, ahoovaka isara sa mwene, ni aavilela, niwoko aamoona Yoowo ori oohooneya.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

1 Yohaane 4:1

Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.