2 aKorinto 13:5 - Emakhuwa Bible

⁵ Mmwiwehawehe nnenesene weera moone nyuwo mwaari munroromeloni. Mooneke asineenaanyu! Khamusuwenle weera Kristu Yeesu ori mwa nyuwo, ohikhanle weera apaale khamwaakhuleliwe?

2 aKorinto 13:5 Iomraidhean Croise

Icipo 119:59

Kohiixuupuwela sa mweettelowaaka ni koohokoleela wiiwelela ikanosanyu.

Icipo 17:3

Naari mootaka murimaaka ni mukiwehawehaka moohiyuni, hata mukisuwelaka nnenesene, khamuphwanya etthu yoottheka. Koolakela weera eyanowaaka kheettheka

Icipo 26:2

Mukiringe Yave ni mukoote murima; ngwehawehaxe murimaaka ni soowuupuwelasaka,

Yeremiya 6:30

Awosa aniitthaniwa eparatha* yookhoottiwa niwoko Yave ohaakhootta.”

Icipo Soolalamika 3:40

Niwehawehe nnenesene mweettelowaahu, vahoolowaya nihokoleeleke wa Yave.

Ezekiyeli 18:28

Eenre oonelela sootthekasawe sootheene opankaawe, anahiya, vekhaikhai owo anaakhale ni okumi ni khakhwa.

Axewu 1:5

Vano, Yave a ikuru sootheene oneera ha: “Moone nnenesene ephiro mukuxenraanyu.

Axewu 1:7

Vano, Yave a ikuru sootheene oneera ha: “Moone nnenesene ephiro mukuxenraanyu.

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 15:4

Mukhale mwa Miyo ni nkikhale mwa nyuwo. Khoowowo murai ongwera wiima mwaneenaayaru, ohikhanle muvideirani*. Nyuwotho khamungwera wiima, muhikhanle mwa Miyo.

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

Yohaane 6:56

Ootheene ankhuura erutthwaaka ni angwura ephomaaka, ankhala mwa Miyo ni Miyotho mwa yaawo.

Yohaane 6:6

Aakoha yeeyo paahi weera amuyese, niwoko aasuwela nnene yeeyo eeraawe apake.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 8:10

Kristutho akhala mwa nyuwo, erutthwaanyu enkhala yookhwa niwoko na yoottheka, mene munepa onkhala ni okumi niwoko na waakhuleliwa ni Muluku.

1 aKorinto 11:28

Ontthuneya wiiwehaweha toko khula mutthu ahinaaye oca epaawu, hoye hoye owura ekoomixi,

1 aKorinto 11:31

Vano, hiyo nahiithoriha, khanaathorihiwe.

1 aKorinto 3:16

Nyuwo khamusuwenle weera muri Empa ya Muluku, ni weera Munepa wa Muluku onkhala mwa nyuwo?

1 aKorinto 6:15

Nyuwo khamusuwenle weera irutthusanyu siri mipatta sa erutthu ya Kristu? Vano, miyo nkikuxe mipatta sa Kristu weera kipake mipatta sa mapuuta? Hata vakhaani!

1 aKorinto 6:19

Khamusuwenle weera erutthwaanyu ti empa ya Munepa Wootteela? Mohaakhela Owo wa Muluku, ni onkhala mwa nyuwo. Tivawo nyuwo khamuhiyono a nyuworu.

1 aKorinto 6:2

Khamusuwenle weera ootteela eniithorihe elapo? Mwathoriha elapo, muhingwera hai wuuluma milattu soottittimiheya vakhaani?

1 aKorinto 9:24

Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo.

1 aKorinto 9:27

Kinuumaaliha erutthwaaka ni yeeyo kimpaka epotthaaka, weera kaalaleeraka akina, miyo mwaneenaka kihootheriwe etthu.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

aGalata 4:19

Anamwanaaka, miyo kinnahaawatho ovoreiya wa oyara niwoko na nyuwo mpaka Kristu aneeraawe apakeye mwa nyuwo.

aGalata 6:4

Khula mutthu iiwehaweheke mmitekonimwawe, ni vano nakhala nthowa na wiivuwiha, nikhaleke ni muneenaawe paahi ahiilikanxeraka ni akina.

awEfeso 3:17

weera Kristu akhale mmurimanimwanyu niwoko na nroromelo. Kimvekelatho weera nyuwo, mureene oothipeliwa ni oolipihiwa moosivelani,

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

aKolosi 2:19

Owo khanlipihiwa vamoha ni Muru ori Kristu. Niwoko na Yoowo erutthu yootheene, yoolipihiwa ni yookumanyihiwa munkumana ni misemba, engwera wunnuwa, ntoko Muluku ontthunaawe.

aKolosi 2:7

muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

1 Timootheyo 2:15

Vano, muthiyana anaavulixiwe woowaayara anamwane, owo akhala munroromeloni, moosivelani, mootteelani ni ngwiisuumaalihani.

2 Timootheyo 3:8

Ntoko Iyane ni Iyambe yiittannaaya ni Moisesi, alopwana awo ankhoottatho ekhaikhai. Soowuupuwelasaya soonanarihiwa, ni mwaha wa nroromelo ari ookhoottiwa.

Titu 1:13

Onamoona ola ti wa ekhaikhai. Tivawo, mwaahiihe yaawo nnenesene weera ekhale ni nroromelo nooreera,

Titu 1:16

Awo aneera weera aamusuwela Muluku, mene ni mitekosaya anoomukhootta. Ari oothanyeya, oohiiwelela, ni oohiwera opaka hata etthu emoha yooreera.

Titu 2:2

Mwaaxuttihe anamuuluvala alopwana weera ekhale oowiiwehaweha, oottittimiheya, a miruku ni oororomeleya munroromeloni, moosivelani ni moovilelani.

aHeberi 12:15

Mwiipasoope weera ahikhale mukina, anaasuse wa mahala a Muluku ni weera naari mukwankhwaari mmoha woowaawa ohiphuwe, oruuhaka sookacamiha waananarihaka ancipale.

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

aHeberi 6:8

Etthayatho enruwera nyiiwa ni malaxi eri yoohivareleya muteko, ni ehanle vakhaani weera elamphwe. Ommaleloniwaya ti yoohisiwa.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Pedru 5:9

Munkhootte, mukhalaka oolipa munroromeloni, musuwelaka weera axunninyu a mweelaponi yootheene anghaawa ni soohaawasene seiyo.

Ethupululo 2:5

Muupuwelele weiwo mwamonraanyu! Murukunxe murima ni mupake miteko mwaavaraanyu ompacereroni. Mwaahirukunxa murimaanyu, nkoorweeleni ni nkivenxe vanipuroniwaya eyuumaanyu yoorikaxa erino iveela.