2 aKorinto 13:4 - Emakhuwa Bible

⁴ Vekhaikhai, aathomeiwa moohilipani, mene onkhala ni ikuru sa Muluku. Mooteene yoowo, nri oohilipa mwa Yoowo, mene ni ikuru sa Muluku nnikhale ni Yoowo, noorehererelakani nyuwo.

2 aKorinto 13:4 Iomraidhean Croise

Yohaane 10:18

Khaawo onkaakha okumaaka, mene Miyo kimvaherera yoowo niwoko na olakelawaka. Kookhalano ikuru woovaha ni wookuxatho. Nlamulo nna kaakhenle wa Atithaka.”

Miteko 2:36

Tivawo aYixrayeli ootheene esuwele nnenesene yeeyo: Yeesu Owo nyuwo mwaamuthomeiyaanyu, Muluku oompaka Apwiya ni Kristu.”

Miteko 3:16

Ti niwoko na nroromelo mwa Nsina na Yeesu, Owo omulamihalaawe mulopwana ola nyuwo mummoonaanyu ni munsuwenlaanyu. Nroromelo ninrwa wa Yoowo noomvaha ola mpuha wookwanela, ntoko ootheene mungweraanyu woona.

aRooma 1:4

Owo aakhalihiwa Mwaana a Muluku ni ikuru sa Munepa wa ntteeliho niwoko na ovenyererawawe mookhwaani: Yeesu Kristu, Apwiyaahu.

aRooma 14:9

Ti niwoko nna Kristu aakhwenlaawe ni aavenyerenraawe: weera akhale Apwiya a akumi ni akhwiiye.

aRooma 6:4

Tivawo, nivithiwe ni Yoowo mookhwaani niwoko na opatiso, weera hiyo nikhale ni okumi onyowani, hiiho ntoko Kristu ovenyererihiwaawe mookhwaani niwoko na ovuwa wa Atiithi.

1 aKorinto 1:25

Vano, anepa a Muluku ti osuwela woopwahaxa miruku sa omutthu, ni ohilipa wa Muluku ti woolipaxa opwaha ikuru sa omutthu.

1 aKorinto 15:43

Enaaliwa yoohittittimiheya, ni emvenyerera moovuwani; enaaliwa yoohilipa, ni emvenyerera ni ikuru.

1 aKorinto 2:3

Kaari oohilipa variyariwanyu, koovaka ni kithukumelaka.

1 aKorinto 6:14

Muluku aahaavenyereriha Apwiya ni ikurusawe, ni Owo anaanivenyererihetho hiyo.

2 aKorinto 10:10

Vano akina aneera: “Ikarattasawe siri soolipa ni soowali, mene ekhalelo ya erutthwaawe kheemvolowa mmurimani mwa atthu, ni maswaawe ari a siiyo.”

2 aKorinto 12:10

Tivawo, niwoko na osivela wa Kristu, kinghakalalela moohilipanimwaka, mooruwaniwani, moohaawani, moottharatthariwani, ngweeteteyani, niwoko kaahilipaka, miyo koolipa.

2 aKorinto 13:9

Ninnahakalala imaara sootheene nihinlipaahu ni nyuwo munlipaanyu. Nivekelonahu ti weera nyuwo mukhale ookwanelihiwa.

aFilipi 3:10

Kintthuna omusuwela Kristu, ikuru sa ovenyererawawe, aani kintthuna okhala mpatta wa ohaawawawe, kithatuwaka ntoko Owo mookhwaanimwawe,

aHeberi 5:7

Wa mahuku ootheene a okumaawe a mweelaponi, Yeesu annamvekela ni annamdyoonttelela, akhuwelaka ni maithori Yoowo aawera omvuluxa mookhwaani, ni iiwiwe niwoko na wiiwelelawawe otokotoko.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.