2 aKorinto 13:11 - Emakhuwa Bible

¹¹ Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

2 aKorinto 13:11 Iomraidhean Croise

Epacerero 37:4

Axunneiye, yoonakaru weera atiithi annimusivelaxa yoowo waapwaha anamwane akina, yaamuthanya ni khayaawera omuulumano ni murettele.

Epacerero 45:24

Vahoolowaya aahaaraxela axunneiye ni, epwahaka, Yoseefe aaweerela: “Muhicocopolaneke mphironi!”

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Matheyo 5:48

Tivawo, mukhale ookwanela, ntoko Atithinyu ari wiirimu.

Marku 10:49

Yeesu aaheemela ni aaheera: “Mmwiitthane owo.” Ni yaamwiitthana mutthu oohoona emweerelaka: “Mulipihe murima! Muvenyeke, Owo onoowiitthanani.”

Marku 9:50

Maakha ti ooreera. Osivawayatho wamala, eniyeeleeliwe hai maakha ale? Mukhalane maakha mwa nyuwo muneenaanyu, ni mukhale ni murettele mukina ni mukhwaawe.”

Luuka 9:61

Mukinatho aamweerela: “Kinimoottharani, Apwiya, mene mukihiye kihokolowe ni karaxele toko emusaaka.”

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Miteko 15:29

Muhikhuure inama sooveleeliwa wa miluku sikina; muhiwure ephomaaya; muhikhuure enama ya asinama oonyopotoliwa mmilo, ni muhiraruwe. Mwasemba itthusene seiya, munoopaka nnene. Weera sootheene siweetteleni nnene!”

Miteko 18:21

Vano, apwahaka, aahaaroromeliha eeraka: “Muluku atthuna, nkihokoleele.” Vahoolo wa yeeyo, aavolowa munikulani ni aavenya wEfeso.

Miteko 23:30

Kileeliwaka weera aYuda akina yaavaanela omwiipithela, kohoorumihelani woowaakuveya nyuwo oottittimiheyaxa. Koolamulelatho weera anamootheraawe yooleeleni yeeyo araayano ni yoowo.’

aRooma 12:16

Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli.

aRooma 12:18

Wawereya, mukhaleke ni murettele ni atthu ootheene.

aRooma 14:19

Tivawo, naasaase itthusene seiyo sinruwera murettele ni sinkhavihera opuhihana.

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

aRooma 15:33

Muluku a murettele akhale ni nyuwo ootheene. Ame*.

aRooma 16:20

Muluku a murettele anaamuttikitthe woowaakuveya Satana vathi wa inaawosanyu. Mahala a Apwiyaahu Yeesu ekhale ni nyuwo.

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

2 aKorinto 1:4

Owo onnipepesa mmahooxonimwahu mootheene, weera hiyo niwere waapepesa yaawo ari mmahooxoni ni opepesa naakhenlaahu wa Muluku.

2 aKorinto 13:14

Mahala a Apwiya Yeesu Kristu, osivela wa Muluku, ni wiiwanana wa Munepa Wootteela okhale ni nyuwo ootheene.

2 aKorinto 13:9

Ninnahakalala imaara sootheene nihinlipaahu ni nyuwo munlipaanyu. Nivekelonahu ti weera nyuwo mukhale ookwanelihiwa.

awEfeso 4:12

Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa,

awEfeso 4:3

Mwiilipihere weera muthokorore omoharu wa Munepa ni yookumanela ya murettele.

awEfeso 6:23

Murettele okhale ni axunna, ni osivela vamoha ni nroromelo onrweela wa Muluku Atiithi ni wa Apwiya Yeesu Kristu.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 3:16

Ontthuneya paahi weera neetteleke mwa yeeyo niphwannyaahu.

aFilipi 4:2

Kinimdyoonttelela Ewodiya ni Sintikho weera yuupuwele etthu emoha mwa Apwiya.

aFilipi 4:4

Muhakalale mwa Apwiya, kinoophitelatho: muhakalale!

aFilipi 4:9

Sootheene seiyo nyuwo muxuttenraanyu, mwaakhenlaanyu, mwiiwalaanyu ni moonnaanyu wa miyo, mweereke seiyo. Ni Muluku a murettele anaakhale ni nyuwo.

1 aTesalonika 3:10

Ohiyu ni othana ninnavekela woohihiyerera weera niwere owoonani ekhove ni ekhove, ni weera nookwaneliheni yeeyo ehanle ni nroromelonanyu.

1 aTesalonika 4:1

Woomaliha, axunna, noohooxuttihani moota wooweetta weera munsivelihe Muluku, ni mwa Yoowo nyuwo munimweera weetta. Vano, ninoovekelani ni ninoodyoonttelelani mwa Apwiya Yeesu weera mupwahereraxe mwa mweetteloweene yoowo.

1 aTesalonika 4:18

Mulipiheraneke mukina ni mukhwaawe ni masu ala.

1 aTesalonika 5:13

Mwaattittimihaxeke moosivelani niwoko na mutekwaaya. Mukhaleke ni murettele mukina ni mukhwaawe.

1 aTesalonika 5:16

Muhakalale mahuku ootheene.

1 aTesalonika 5:23

Muluku muneenaawe a murettele ootteeliheni woowaatta. Munepaanyu, okumaanyu ni erutthwaanyu yootheene ethokororiwe woohikhala malepa moorwaani wa Apwiyaahu Yeesu Kristu.

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

2 aTesalonika 3:1

Woomaliha, axunna, munivekelele hiyo weera masu a Apwiya emwarawareye woowaakuveya ni evuwihiwe, ntoko yaakhumelenlaaya variyariwanyu.

2 aTesalonika 3:16

Apwiya aneenaaya a murettele yoovaheeni murettele ehuhu yootheene ni moota wootheene. Apwiya ekhale ni nyuwo ootheene.

2 Timootheyo 2:22

Otthawe soohaawela soonanara sa omiravo, ni otthare waakhuleliwa ni Muluku, nroromelo, osivela, ni murettele, vamoha ni yaawo angwiitthana Apwiya ni murima wootteela.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

Yakobe 1:4

Ontthuneya weera ovilela okwaniheriwe weera nyuwo mukhale atokweene munroromeloni, ni a ekhaikhai ehoohaleelakani etthu.

1 Pedru 3:11

Mususe wa yoonanara, ni mpake yooreera. Mwaasaase ni mutthare murettele.

1 Pedru 3:8

Vano, nyuwo ootheene mukhale ni murima mmoharu. Mukhalelaneke murima wooreera, musivelaneke ntoko axunna; mukhale a ikharari ni oowiiyeviha.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

Ethupululo 22:21

Mahala a Apwiya Yeesu ekhale ni ootheene. Ame*.